«Bizdiń azamattar jaıynda málimetter kelip túsken joq», dedi QR Syrtqy ister mınıstrligi baspasóz qyzmetiniń jetekshisi Ánýar Jaınaqov.
Aıta keteıik, Reseıden Taılandqa ushyp shyqqan «Aeroflot» áýe kompanııasynyń ushaǵy Bangkok áýejaıyna apatty jaǵdaıda qonǵan edi. О́ıtkeni, ushaq taı eliniń áýejaıyna jete bere birneshe márte áýe oıyǵyna tap bolyp, sonyń saldarynan birneshe jolaýshy jaraqat alǵan. Tótenshe oqıǵa kezinde qaýipsizdik belbeýin taqpaǵan jolaýshylar ushaq áýe oıyǵyna túsken sátte oryndarynan ushyp ketip, tipti keıbiri salon tóbesine baryp soqtyǵysqan. Birqatar jolaýshynyń bel omyrtqasy zaqymdanýy múmkin degen qaýip te bar. Kýágerlerdiń aıtýynsha, jaraqat alǵan jolaýshylar ushaqqa dárigerler kelgenge deıin salon edeninde jatqan.
Qazirgi ýaqytta zardap shekkenderdiń 25 adam ekendigi, olardyń 19-y aýrýhanaǵa jetkizilgendigi belgili.
