Perýdiń astanasy Lıma qalasynda aýyr atletıkadan 17 jasqa deıingi jasóspirimder arasynda ótken álem birinshiligi aıaqtaldy. Oǵan Qazaqstannyń qos sportshysy – Ádilbek Balqaev pen Nadejda Nogaı qatysty.
Jeksenbide, jarys bitken kúni muhıttyń arǵy jaǵynan altyn júldeniń syńǵyry estildi. 69 kılodan joǵary salmaq dárejesinde kúsh synasqan Nadejda Nogaı barlyq úsh jattyǵý boıynsha altynnan alqa taǵynyp, álem chempıony atandy. Onyń nátıjesi – 272 kılo. (121 kg. julqyp jáne 151 serpe kg.) Nadejda ekinshi oryn alǵan meksıkalyq Gýeno Planesıa Kladıstan 48 kılo artyq kóterdi. Sóıtip, óz qatarlastary arasynda álemdik rekordqa ózgeris engizdi. Munyń aldynda juma kúni 69 kılo salmaqta baq synaǵan Ádilbek Balqaev ta óz jankúıerlerin qýantty. Julqı kóterýde ol 130 kılony (kishi kúmis medal) eńserse, serpip kóterýde 155 kılolyq (kishi qola medal) ziltemirdi baǵyndyrdy. Qossaıystyń qorytyndysy boıynsha 285 kılo salmaqty eńsergen qandasymyz qola medaldi oljalady. Eger Balqaev halyqaralyq arenada alǵash ret óner kórsetip otyrǵanyn eskersek, bul sóz joq, óte jaqsy nátıje.
Ádilbek – Qyzylorda oblysy Shıeli aýdanynyń Maılytoǵaı aýylynyń túlegi. Bilikti bapker Arman Abdraevtiń qol astynda jattyqty. О́ziniń alǵashqy tabysyna Ádilbek Balqaev 2007 jyly qol jetkizdi. Aqtóbede respýblıkalyq týrnır ótip, sol jarysta ol top jardy. 2008 jyly jasóspirimder arasyndaǵy Qazaqstan chempıony atandy. Keıinnen taǵy tórt márte el birinshiliginiń bas júldesine ıe boldy. Sonymen qosa eresekter saıysynda baq synaı bastady. 2009 jyly 15 jasar bozabala Taldyqorǵanda jalaýy jelbiregen Qazaqstan chempıonatynda 62 kılo salmaqta synǵa túsip, qola júldeger atandy. Byltyr Shymkentte el kýbogy jolyndaǵy jarysta jeńimpaz atanyp, 23 jasqa deıingiler arasyndaǵy respýblıka birinshiliginde altyn medaldi moınyna ildi.
Bıylǵy maýsym da Balqaev úshin jaman bastalǵan joq. Osydan bir aı buryn Shymkentte ótken Qazaqstan chempıonatynda ol 69 kılo salmaqta kúsh synasyp, 20 úmitkerdiń arasynda úshinshi oryn aldy. Mine, endi tórtkúl dúnıeniń talantty jastary bas qosqan jarysta Ádilbek qola medaldi ıelendi.
– Ádilbek Balqaev meniń shákirtim Asqar Abdraevtiń qolastynda osy sport túriniń qyr-syryna qanyqty. Qazir ulttyq komandamyzdyń múshesi. Ol jastyǵyna qaramastan ózinen áldeqaıda tájirıbesi mol atlettermen ıyq tiresip júr. Ol eńbekqor jigit. Erte me, kesh pe, bul balanyń jaryq etip shyǵatynyna esh kúmán keltirmeımin. Jalpy, Qazaqstanda aýyr atletıkanyń damýyna barynsha jaǵdaı jasalyp jatyr. Respýblıkalyq federasııa men Týrızm jáne sport mınıstriligi tarapynan qoldaý kórsetilýde. «Samuryq-Qazyna» ulttyq ál-aýqat qory ziltemirshilerdi óz qamqorlyǵyna aldy. Al olaı bolsa, Ádilbek te, basqalary da jattyǵý barysynda baryn salyp, baıraqty básekelerde atoı salýǵa tıis, – deıdi Qazaqstan ulttyq quramasynyń aǵa jattyqtyrýshysy Vılorıı Pak.
Búgin dúısenbiden seısenbige qaraǵan túni saǵat 02.00-de álem chempıonatynda tabysty óner kórsetken sportshylarymyz ben olardyń bapkerleri Amsterdam-Almaty reısi elge oraldy.
Dastan KENJALIN.
Jeksenbide, jarys bitken kúni muhıttyń arǵy jaǵynan altyn júldeniń syńǵyry estildi. 69 kılodan joǵary salmaq dárejesinde kúsh synasqan Nadejda Nogaı barlyq úsh jattyǵý boıynsha altynnan alqa taǵynyp, álem chempıony atandy. Onyń nátıjesi – 272 kılo. (121 kg. julqyp jáne 151 serpe kg.) Nadejda ekinshi oryn alǵan meksıkalyq Gýeno Planesıa Kladıstan 48 kılo artyq kóterdi. Sóıtip, óz qatarlastary arasynda álemdik rekordqa ózgeris engizdi. Munyń aldynda juma kúni 69 kılo salmaqta baq synaǵan Ádilbek Balqaev ta óz jankúıerlerin qýantty. Julqı kóterýde ol 130 kılony (kishi kúmis medal) eńserse, serpip kóterýde 155 kılolyq (kishi qola medal) ziltemirdi baǵyndyrdy. Qossaıystyń qorytyndysy boıynsha 285 kılo salmaqty eńsergen qandasymyz qola medaldi oljalady. Eger Balqaev halyqaralyq arenada alǵash ret óner kórsetip otyrǵanyn eskersek, bul sóz joq, óte jaqsy nátıje.
Ádilbek – Qyzylorda oblysy Shıeli aýdanynyń Maılytoǵaı aýylynyń túlegi. Bilikti bapker Arman Abdraevtiń qol astynda jattyqty. О́ziniń alǵashqy tabysyna Ádilbek Balqaev 2007 jyly qol jetkizdi. Aqtóbede respýblıkalyq týrnır ótip, sol jarysta ol top jardy. 2008 jyly jasóspirimder arasyndaǵy Qazaqstan chempıony atandy. Keıinnen taǵy tórt márte el birinshiliginiń bas júldesine ıe boldy. Sonymen qosa eresekter saıysynda baq synaı bastady. 2009 jyly 15 jasar bozabala Taldyqorǵanda jalaýy jelbiregen Qazaqstan chempıonatynda 62 kılo salmaqta synǵa túsip, qola júldeger atandy. Byltyr Shymkentte el kýbogy jolyndaǵy jarysta jeńimpaz atanyp, 23 jasqa deıingiler arasyndaǵy respýblıka birinshiliginde altyn medaldi moınyna ildi.
Bıylǵy maýsym da Balqaev úshin jaman bastalǵan joq. Osydan bir aı buryn Shymkentte ótken Qazaqstan chempıonatynda ol 69 kılo salmaqta kúsh synasyp, 20 úmitkerdiń arasynda úshinshi oryn aldy. Mine, endi tórtkúl dúnıeniń talantty jastary bas qosqan jarysta Ádilbek qola medaldi ıelendi.
– Ádilbek Balqaev meniń shákirtim Asqar Abdraevtiń qolastynda osy sport túriniń qyr-syryna qanyqty. Qazir ulttyq komandamyzdyń múshesi. Ol jastyǵyna qaramastan ózinen áldeqaıda tájirıbesi mol atlettermen ıyq tiresip júr. Ol eńbekqor jigit. Erte me, kesh pe, bul balanyń jaryq etip shyǵatynyna esh kúmán keltirmeımin. Jalpy, Qazaqstanda aýyr atletıkanyń damýyna barynsha jaǵdaı jasalyp jatyr. Respýblıkalyq federasııa men Týrızm jáne sport mınıstriligi tarapynan qoldaý kórsetilýde. «Samuryq-Qazyna» ulttyq ál-aýqat qory ziltemirshilerdi óz qamqorlyǵyna aldy. Al olaı bolsa, Ádilbek te, basqalary da jattyǵý barysynda baryn salyp, baıraqty básekelerde atoı salýǵa tıis, – deıdi Qazaqstan ulttyq quramasynyń aǵa jattyqtyrýshysy Vılorıı Pak.
Búgin dúısenbiden seısenbige qaraǵan túni saǵat 02.00-de álem chempıonatynda tabysty óner kórsetken sportshylarymyz ben olardyń bapkerleri Amsterdam-Almaty reısi elge oraldy.
Dastan KENJALIN.
