Maqsat – úzdikter qataryna ený

Keshe Astanada «Qaz­Mu­naı­gaz» Barlaý О́ndirý» AQ jýrnalısterge arnap ashyq esik kúnin ótkizdi. «BО́ OPEN» sha­rasy barysynda kompanııanyń top-menedjerleri BAQ ókil­de­rin ótken jylǵy kórset­kish­teri­men jáne bolashaq jospar­larymen tanystyrdy. Shara barysynda «QMG» Barlaý О́ndirý» AQ bas dırektory Asqar Baljanov kompanııada at­qarylyp jatqan jumystar jaı­yn­da keńinen áńgimeledi. «Qaz­Mu­naıgaz» Barlaý О́ndirý» AQ Qazaqstanda munaı óndiretin kom­panııalar ishindegi kóshbas­shy­lardyń biri ári qara altyn ón­dirý kórsetkishi boıynsha 2-oryn­da. О́tken jyldyń so­ńynda básekelestikti kúsheıtý maq­satynda kompanııa 2010-2020 jyldarǵa arnalǵan damý stra­tegııasyn bekitti. Oǵan sáıkes, kompanııa aldynda turǵan mindetter óndiristik qyzmettiń tıimdiligin arttyrý, geologııalyq barlaý, Kaspııdegi teńiz munaıyn óndirý jobasyna qatysý, sondaı-aq Qa­zaq­stan jáne odan tys aýmaq­tar­da jańa ken oryndaryn ıgerý ese­binen óndiristik bazany ke­ńeıtý bolyp otyr, deıdi ol.  Sondaı-aq kompanııanyń bıznesti damytý boıynsha basqarýshy dırektory Dastan Abdýlǵafarov «QMG» BО́» AQ-tyń Qazaqstanda jáne shet elderdegi damý strate­gııasy jóninde aıtsa, kompa­nııa­nyń bas ekology Bazar Esqoja júrgizilip jatqan barlaý jumys­tary jáne perspektıvaly baǵyt­tar týraly áńgimeledi. Al jýrnalıster tarapynan eksporttyq keden salyǵy, sondaı-aq kompa­nııa­nyń shet elderdegi ken oryndary týraly suraqtar qoıyldy. Ashyq esik kúninde jarııalanǵan aqpa­rat­tar týraly gazettiń aldaǵy nómirlerinde keńirek jazatyn bo­lamyz. Venera TÚGELBAI.