Elaralyq yntymaqtastyqtyń naqty belgisi

Gazettiń keshegi nómirinde habarlanǵanyndaı, QR Parlamenti Májilisiniń Tóraǵasy Oral Muhamedjanov bastaǵan parlamenttik delegasııa Sankt-Peterbýrgte ótken TMD PAA, EýrAzEQ PAA jáne UQShU PA-nyń is-sharalaryna qatysty. TMD-ǵa múshe memleketterdiń Parlamentaralyq Assambleıasy­nyń otyz altynshy jalpy oty­ry­synyń jumysynda mańyzdy taqyryp retinde bilim berý júıe­sin jetildirýdi zańnamalyq qam­tamasyz etý máselesi tal­qy­landy. Bul jóninde QR Bilim jáne ǵylym mınıstri Baqytjan Jumaǵulov baıandama jasap, TMD elderi yntymaqtas­ty­ǵy­nyń 20 jyldyǵy qarsańynda parlamentshilerdiń osyndaı bas­qosýy mańyzdy shara ekenin atap ótti. Osy kezeń ishinde eń bas­tysy, ekonomıkalyq, óndiristik, mádenı baılanystarymyzdy, ada­m­zattyq qundylyqtarymyzdy saqtaı bildik. Eýrazııalyq ın­te­grasııanyń bastamashysy Qazaq­stan Respýblıkasynyń Prezıdenti Nursultan Nazarbaev ekeni anyq, – dedi mınıstr osy týraly. Baıandamada, sondaı-aq Memleket basshysynyń bilim berý salasyn damytýǵa basa kóńil bólip otyr­ǵandyǵy da aıtyldy. Sonymen qatar ol Qazaqstannyń osy sa­la­daǵy qol jetkizgen tabystaryna da toqtalyp ótti. TMD PAA-nyń is-sharalary aıasynda Nıýrnberg prosesiniń 65 jyldyǵyna arnalǵan halyq­ara­lyq ǵylymı konferensııa bolyp ótti. Konferensııany TMD-ǵa mú­she memleketterdiń Parlament­ara­lyq Assambleıasy men Reseı Federaldy Jınalysynyń Federasııa Keńesi uıymdastyrdy. Onda qatysýshylarǵa Reseı Prezıdenti Dmıtrıı Medvedev qut­tyqtaýy oqyldy. Konferensııada sóz sóılegen Parlament Sena­tynyń Halyqaralyq qatynastar, qorǵanys jáne qaýipsizdik komı­tetiniń tóraǵasy Qýanysh Sul­ta­nov memlekettik deńgeıdegi qyl­mystarǵa aıyp taǵýmen tarıhta birinshi bolǵan Nıýrnberg pro­se­siniń búkilálemdik tarıhı ma­ńy­zyn atap ótti. Senatordyń aı­týyn­sha, soǵys jyldarynda 6 mıl­lıon qazaqtyń árbir tór­tinshisi maıdanǵa ketip, olardyń jartysynan kóbi keskilesken urysta qaza taýyp, maıdan dalasynda qaldy. Ekinshi dúnıejúzilik soǵys­tyń qorytyndylaryn qaıta qa­rastyrý ıdeıasy fashızmge qarsy kúresken batyrlar eskertkishterin joıýǵa ákelip soqtyrýy múm­kin. Shovınıstik, lańkestik pı­ǵyldarǵa jan bitip, basqa násildi adamdarǵa ashyq túrde shabýyl jasaý oqıǵalary oryn alýda. «Fashızmdi qaıta týdyrmaý – mine, osy Nıýrnberg prosesiniń eń basty sabaǵy», – dep málimdedi Q.Sultanov. Kelesi kún parlament­shi­ler­diń Neva jaǵasyna kelýi Smolensk zıratyndaǵy Taras Shev­chen­konyń eskertkish músinine taǵ­zym etýmen jalǵasty. Osy kúnderde ataqty oıshyl, sýretshi, aqynnyń jerlengenine 150 jyl tolǵan edi. Májilis Tóraǵa­sy Oral Mu­hamed­janov ár­daıym qaıyrym­dylyqqa shaqyryp, slavıan eliniń maqsat-múddesi úshin ómirin ar­naǵan uly aqyndy Ýk­raınanyń halyq elshisi retinde atady. О́ıtkeni, Taras Shevchenko jer aýdarylyp, Qazaqstan dala­syn­da on jyl boıǵy ǵumyryn ótkizgeni belgili. Árıne, sol jyldardy aqyn úshin jaıdary kezeń dep sanaýǵa bolmaıdy, degenmen de bizdiń jerlesterimiz onyń eń­sesin kóterip, janyna qýat berýge tyrysqany, qoldaý jasaǵany anyq. Qazirgi kezde Taras Shevchen­ko­nyń esimi Qazaqstanda qurmetpen atalady. Bes qalanyń kóshesine onyń esimi berilgen jáne de úsheýinde eskertkish ornatylǵan. Al jýyrda Taras Shevchenkonyń eskertkishi Astana qalasynda or­natylýy týraly sheshim qabyl­dan­dy. Keshe TMD-nyń 20 jyl­dy­ǵyna arnalǵan tórtinshi neva­lyq halyqaralyq ekologııalyq kongres boldy. Bul sharany TMD PAA jáne Reseı Úki­metiniń qol­daýymen Reseı Fe­deraldy Jı­na­lysynyń Federasııa Keńesi uı­ym­dastyrdy. Ekologııalyq kongreste QR Par­lamenti Máji­li­si­niń Ekolo­gııa máseleleri jáne tabıǵat paıdalaný komıtetiniń tór­aǵa­sy Erlan Nyǵmatýlın baıandama jasady. Úsh-tórt kúndi qamtyǵan is-sharalar barysynda elimizden barǵan parlamentshiler nagrad­tal­ǵanyn aıta keteıik. Mysaly, Senat pen Májilis depýtattary Serik Aqylbaı, Iran Ámirov, Tóleýbek Qosmambetov, Romın Má­dınov, Jumabek Tóregel­dı­nov, Nurtaı Sabılıanov TMD PAA-nyń «Yntymaqtastyq» («So­drýjestvo») ordenimen, Ba­ǵı­la Baımaǵambetova, Erbolat Mu­qaev, Rahmet Muqashev, Tatıana Iаkovleva TMD PAA-nyń Qurmet gramotasymen, Seıitsul­tan Áıimbetov, Mıhaıl Bortnık, Valerıı Vıshnıchenko, Darıa Kle­banova, Nurlan Súleımenov, sondaı-aq Májilis Apparaty redaksııalaý jáne aýdarma bólimi­niń meńgerýshisi Dáýitáli Omash­uly EýrAzEQ PAA-nyń Qurmet gramotasymen nagradtaldy. Bul Qurmet gramotalarǵa EýrAzEQ PAA-nyń tóraǵasy, Qazaqstan parlamentshileri delegasııasy­nyń jetekshisi Oral Muhamed­janov qol qoıdy.