Ulttar uıymy ókilimen júzdesti

Keshe Astanada Qazaqstan Respýblıka­sy­nyń Syrtqy ister mınıstri Erjan Qa­zy­hanov bizdiń elimizge Ortalyq Azııa elderine týrnesi aıasynda kelgen BUU Damý baǵ­dar­lamasynyń ákimshisi Helen Klarkpen kezdesti, dep habarlady QR SIM-iniń baspasóz qyzmeti. Áńgime barysynda taraptar Qazaqstan men BUU arasyndaǵy ózara yntymaqtastyqtyń birqatar máselelerin, olardyń ári qaraı damý bolashaǵyn, atap aıtqanda, BUU Bas hatshysy Pan Gı Mýnnyń ótken jyly Qazaqstanǵa jasa­ǵan sapary sheńberinde qol jetkizilgen keli­sim­derdiń oryndalý barysyn talqyǵa saldy. E.Qazyhanov Qazaqstan óz táýelsizdigin alǵannan beri BUU Damý baǵdarlamasymen jemisti yntymaqtasyp kele jatqandyǵyn, son­daı-aq bizdiń elimizde júzege asyp otyrǵan jańa jobalar men baǵdarlamalardy barynsha tıimdi júzege asyrý jóninde Qazaqstan úkime­tiniń basym­dyq­tary men BUU kózqarastary tolyqtaı saı keletindigin atap ótti. Osy oraıda, qazaqstandyq syrtqy saıasat vedomstvo­sy­nyń basshysy «bizdiń BUU-men ózara baı­la­nys­tarymyzdy qaıta qarastyryp, olardy jańa strategııalyq áriptestik deńgeıine jetkizý» qajettigin aıtty. E.Qazyhanov sondaı-aq ózara yqpaldasýǵa Qazaqstannyń Almaty qalasyn kópjaqty dıp­lomatııanyń sýb-aımaqtyq ortalyǵyna aınal­dy­rý jónindegi josparlaryn júzege asyrýy negiz bolyp otyrǵanyn atap ótti. «Almatyǵa Vena, Jeneva jáne Bangkok sekildi BUU aımaqtyq ortalyǵy ataýyn beıresmı túrde berý aı­maq­tyq jáne sýb-aımaqtyq jobalardy júzege asyrýǵa jáne aımaqtyq yntymaqtastyqtyń nyǵaıýyna, Ortalyq Azııa halyqtarynyń ál-aýqatyna oń yqpalyn tıgizer edi», dep atap ótti E.Qazyhanov. Yntymaqtastyqtyń aıqyn kór­setkishi retinde Semeı óńirin damytý birlesken baǵdarlamasy mysalǵa keltirildi, osyǵan oraı Semeı óńirin qaıta jańǵyrtýǵa BUU Damý baǵdarlamasynyń qosyp otyrǵan úlesi úshin H.Klarkqa alǵys aıtyldy. H.Klark óz sapary aıasynda IýNESKO Búkil­álemdik murasyna kiretin jáne BUU Damý baǵ­dar­lamasymen sý-batpaq jerler men dala ekojúıesin saqtaý jobasy aıasynda sońǵy jyldary qoldaý taýyp kelgen Qorǵaljyn tabıǵı qoryna baryp qaıtty. Erteń ol bizdiń elimizdiń basshylyǵymen kezdesýdi, sonymen qatar, «Qazirgi zamandaǵy jáne Qazaqstandaǵy Áıelder-kóshbasshylar» atty paneldi pikirtalasqa qatysýdy josparlap otyr.