Áriptestikke qostarapty múddelilik

Aqordada Memlekettik hatshy Qanat Saýdabaev Malaı­zııanyń Syrtqy ister mınıstri Dato Srı Anıfa Amanmen kezdesti. Kezdesý barysynda qos memleket arasyndaǵy áriptestik baılanysty, sony­men qatar, halyqaralyq ólshemde de ózara yn­ty­maqtastyqty turaqty damytý máselesi sóz boldy. Eki el arasyndaǵy baı­la­nys joǵary deńgeıde da­myp keledi. Biz Malaızııa jaǵynyń bıylǵy jyly Astana qalasynda Búkil­álem­dik ıslam bankiniń 7-shi eko­nomıkalyq forýmyn ótkizý, Qa­zaqstannyń qaýipsizdik má­selesi boıynsha ASEAN óńir­lik fo­rý­my­na múshe bo­lyp qabyldaný týraly eli­mizdiń bastamasyn qol­daǵa­nyn joǵary baǵalaımyz. Qa­zaq­stan Búkilálemdik ıslam kon­ferensııasyna tór­aǵa­lyǵy kezinde de osyndaı belsendilik tany­ta­dy degen úmittemiz. Sonymen qatar, biz malaızııalyq kompa­nııa­lardyń Qazaqstandaǵy ın­dýs­­trııa­lyq-ınnovasııalyq baǵdarla­many júzege asy­rý­ǵa qatysý boı­ynsha ju­mys­taryna qoldaý bildiremiz. Buǵan qosa, siz bizdiń ádemi qalamyzdy aralap, kórdińiz ǵoı dep oılaımyn, dep atap ótti Qanat Saýdabaev. Malaızııanyń Syrtqy ister mınıstri Dato Srı Anıfa Aman óziniń sózinde Prezıdent Nursul­tan Na­zar­baevtyń kóregen bas­shy­lyǵy men qýatty erik-jigeri arqasynda Qazaqstannyń ekono­mı­kalyq qaryshtaýy­nyń nysh­a­ny bolyp otyr­ǵan jańa elorda – Astanaǵa degen tańqalysyn ja­syr­mady. Malaızııa bolashaqta da Qazaqstanmen aradaǵy iskerlik baılanystaryn odan ári aýqym­dy turǵyda da­mytýǵa daıyn, dedi Dato Srı Anıfa Aman. Láıla EDILQYZY.