Ekijaqty kezdesýler ótkizdi

Memleket basshysy Nursultan Nazarbaev shet el ınves­tor­lary keńesiniń 24-shi plenarlyq otyrysynyń aıasynda bir­qatar ekijaqty kezdesýler ótkizdi, dep habarlady Qa­zaq­stan Respýblıkasy Prezıdentiniń baspasóz qyzmeti. Prezıdent Eýropa Qaıta qurý jáne damý bankiniń (EQDB) prezıdenti T.Mırovty qabyldady. Taraptar ekijaqty ynty­maq­tastyq máselesin, sondaı-aq EQDB-niń Astanada ótetin oty­rysynyń kún tártibin talqy­lady. * * * Memleket basshysy «Enı» korporasııasynyń bas atqarýshy dırektory Paolo Skaronımen kez­desý ótkizdi. Kezdesý bary­syn­da ınvestısııalyq yntymaq­tas­tyq jáne kompanııanyń Qazaq­standaǵy jobalardy iske asy­rýyn qatysty birqatar máseleler tal­qylandy. – Prezıdent myrzamen kezdesý kezinde biz «Qashaǵandy» qosa alǵanda, óte jaqsy progress baı­qalatyn barlyq jobalar boı­yn­sha pikir almastyq. Bul joba boı­ynsha alǵashqy munaı shamamen 2012 jylǵy jeltoqsanda, nemese eki-úsh aıdan keıin alynady dep kútilýde. Biz sondaı-aq «Qarashy­ǵa­naq» jobasyn talqyladyq. Biz­diń kompanııa jobaǵa alǵashqy kez­den qatysty. Ol óte jaqsy damýda. Gaz óńdeýdi ulǵaıtý úshin ken oryndaryna odan ári zerttemeler júrgizý kútilýde. Biz «Enı» men QMG arasyndaǵy yn­tymaqtastyq týraly kelisimniń qazirgi mártebesin talqyladyq. Kelisimde munaı óńdeý, gaz óńdeý, sondaı-aq Kaspıı teńizindegi qurylys jobalary tárizdi birneshe baǵyt qarastyrylady. Prezıdent bizdi barlyq baǵyt boıynsha qoldady. О́z tarapymnan men Nur­sultan Nazarbaevty bizdiń yntymaqtastyǵymyzdyń odan ári damýyna múmkindik beretin pre­zıdenttik saılaýdaǵy tabys­ty jeńisimen quttyqtadym. Ke­ńes­tiń búgingi plenarlyq oty­rysynda biz Qazaqstandy ındýstrııalan­dyrý jáne jańǵyrtý taqyrybyn talqyladyq. Sońǵy jyldary úl­ken jumystar atqaryldy, alaıda alda áli de kóp ister bar. Bári de Qazaqstannyń durys jolda kele jat­qanyn túsinedi jáne el boı­yn­sha óte úlken progress baıqa­lý­da. Búgingi keńeske qatysqan barl­yq áriptester Qazaqstandy ındýstrııalandyrý jáne jańǵyr­týǵa qatysýǵa ózderiniń ázir ekendikterin jáne óz úlesterin qosýǵa daıyn ekendikterin qýattady, – dedi P.Skaronı jýrnalısterge arnalǵan brıfıng barysynda. * * * Nursultan Nazarbaev «TelıaSonera» kompanııasynyń prezıdenti jáne bas atqarýshy dırek­to­ry Lars Nıbergpen kezdesti. Kez­desý kezinde ekijaqty ynty­maq­tastyq máseleleri talqylandy. – Biz uıaly baılanystyń or­nyn toltyrý jáne málimetter berý jyldamdyǵyn odan ári art­tyrý máselelerin talqyladyq. Biz Qazaqstanda 10 jyldan astam ýaqyt jumys isteımiz jáne jaq­sy nátıjelerge jettik. Biz osyn­da qalyptasqan bıznes ortadaǵy senimdilikti shyn máninde bastan ótkerdik. Qazaqstanda ınvestı­sııa­lyq baǵdarlamany jal­ǵas­tyrý úshin bizde kóptegen perspektıvalar bar dep bilemin, – dedi L.Nıberg jýrnalısterge arnalǵan brıfıng kezinde. * * * Memleket basshysy «Metro Kesh end Kerrı» kompanııasynyń basqarma tóraǵasy Frans Mıýllerdi qabyldady. Taraptar eki­jaq­ty yntymaqtastyqtyń jaı-kúıi men perspektıvalaryn talqylady. – Metro Grýpp Qazaqstanda 2009 jyldan beri jumys isteıdi. Biz elde 5 qoıma-dúken turǵyz­dyq. Búgin biz olardy ulǵaıtý jó­nindegi josparymyzdy, son­daı-aq qazaqstandyq jumyspen qamtý boıynsha sheteldik ınvestor retindegi múmkindikterimizdi talqyladyq. Eldiń damýy úshin ındýstrııalandyrý jónindegi Pre­zıdenttiń bastamasy óte ma­ńyzdy ekeni shúbásiz. Qazaqstan úshin jergilikti deńgeıde ǵana emes, halyqaralyq deńgeıde de eldiń aıtarlyqtaı básekege qabiletti­li­gi mańyzdy bolýy tıis. Sondaı-aq, ındýstrııalandyrý barlyq úde­risterdi qosa alǵanda, ınfra­qu­rylymdy, bilikti jumys kúshin jaqsartýǵa qatysty bolmaq, – dedi F.Mıýller jýrnalısterge ar­nal­ǵan brıfıngte. * * * Prezıdent «Reseı Sberbanki» AAQ-tyń basqarma tóraǵasy German Grefpen kezdesý ótkizdi. Kezdesý barysynda ınvestısııalyq yntymaqtastyq máselesi, son­daı-aq Sheteldik ınvestorlar keńe­siniń plenarlyq otyrysy ke­zinde qozǵalǵan máseleler tal­qylandy.