Talanttylar men talaptylar

Astanada Táýelsizdiktiń 20 jyl­dyǵyna arnalǵan «Biz – táýel­siz eldiń daryndy urpaq­tary­myz» atty Delfıılik oıyn­dar óz máresine jetti. Qazirgi kezde ulttyq Delfıılik oıyndar kóptegen elderde ót­kizilip keledi. Qazaqstanda oıyn­dar alǵash ret 2006 jyly Astana qalasynda ótti. Sodan beri jyl saıyn Bilim jáne ǵylym mı­nıstrliginiń qoldaýymen res­pýb­lıkanyń ár oblystarynda osy oıyndar ótkizilýde. Oıyndardyń basty maqsaty – jas talantqa barynsha qoldaý kórsetý, olardy ózge jáne óz hal­qynyń mádenı muralaryn, qun­dy­lyqtaryn baǵalaýǵa shaqyrý, Delfıılik oıyndardyń ósip ór­kendeýine, qazaq mádenıetin álem­dik deńgeıdegi bıik belesterden kórsetýge atsalysý. Erejege sáıkes, jastar ara­syndaǵy básekelestikke oraı, bir nomınasııaǵa eki nemese úsh óti­nish kelip túspegen jaǵdaıda ol nomınasııa saıystan shyǵyp qa­la­dy. Bıyl Astana qalasy ákim­digi ishki saıasat basqarmasynyń qoldaýy­men Ulttyq Delfıılik oıyndar osy­men ekinshi ret ót­kizilip otyr. Oǵan 12 nomınasııa boıynsha 300-den astam saıysker qatysy. Ol nomınasııalar fortepıano, skrıp­ka, aka­de­mııalyq án salý, estrada­lyq án salý, halyq bıi, qazirgi zaman bıi, akkordeon, baıan, sondaı-aq qazaq­tyń ulttyq aspaptary, atap aıt­qanda, dom­byra, qobyz, jetigen já­ne fotosýret, beıneleý óneri bo­ıyn­sha júzege asty. Saıyskerlerdiń ónerin ár­túrli nomınasııalar boıynsha otyzdan asa ádilqazylar múshesi baǵalady. Ádilqazy múshe­leri­niń sheshimimen 140 jýyq saıys­ker­ler úlken jáne kishi toptar bo­ıynsha altyn, kúmis jáne qola medaldarmen marapat­tal­dy. Ha­lyq ánderi nomınasııasy boıyn­sha ádilqazylar múshesi Qapash Qu­lysh: «Saıysqa kishi top bo­ıynsha 10 men 16 jas araly­ǵyndaǵy balalar men 16 men 20 jas aralyǵyndaǵy jas­ós­pirimder qatysty. Qatysýshy balalardyń boıyndaǵy talant pen talap, kózderindegi ushqyn­dary aldaǵy ýaqytta odan ári bıik belesterge jeteleıdi dep sanaımyn. Ásirese, 10 jastaǵy balalarymyz dom­by­rasyn alyp, án salǵanda bo­ıyma erekshe kúsh ornaǵandaı áserlen­dim. Osyn­daı izbasarlarymyzdyń baryna qýanyshtymyn», – dep óz oıy­men bólisti. Juldyz BAIDILDA.