Erlik eshqashan umytylmaıdy

Jeńis kúni qarsańynda «Mań­ǵystaýmunaıgaz» AQ Uly Otan soǵysy jáne tyl ardagerlerine 150 000 teńgeden tartý tartty. Qalyptasqan dástúr boıynsha Jeńis kúnine arnalǵan merekelik sharalar Máńgilik alaýǵa gúl shoq­taryn qoıýdan bastaldy. «Mań­ǵystaý­mu­naı­gaz» basshylyǵy men qyz­met­ker­leri, Uly Otan soǵysy jáne eńbek ardagerleri Otan úshin jan aıamaı kú­resip, maıdanda qaza bolǵan baba­lary­myzdy bir mınóttik únsizdikpen eske alyp, eskertkishke gúl shoq­taryn qoıdy. Munan ári aqsaqaldardy qala­lyq meıramhanalardyń birinde jaıylǵan dastarqan kútip turdy. Uly Otan soǵysy jáne tyl ardagerlerin Uly Jeńis kúnimen qu­ttyqtaı otyryp, «Mańǵys­taý­mu­naıgaz» AQ bas dırek­tory Áset Maǵaýov olardyń jan­keshti erlikteri eshqashan umytyl­maıtynyn atap ótip bylaı dedi: – Sizder búgingi urpaqty jaý tep­ki­­si­nen saqtap qaldyńyzdar, beıbit kún­de de qajyrly eńbek ettińizder, Mań­ǵystaý oblysynyń qurylýy men damýy jolynda da orasan zor úles qos­tyńyzdar. Sizderge alǵysymyz sheksiz. Bul kúni ardagerlerge ıgi tilekter men jyly sózder aıtyldy. Sondaı-aq, tyl ardagerlerin bas dırektordyń birinshi orynbasary Sýn Sınıýn qut­tyq­tady, jáne kúni keshege deıin «Mań­ǵystaýmunaıgaz» AQ-ty basqa­ryp kelgen, qazir «QazMu­naıGaz» UK» AQ barlaý jáne óndirý jónin­degi basqarýshy dı­rektory A.Aı­darbaevtyń jaqsy tilekke toly joldaǵan jedelhaty oqyldy. «Mańǵystaýmunaıgaz» AQ esebinde tur­ǵan 88 Uly Otan soǵysynyń jáne tyl ardagerlerine – árqaı­sysy­na 150 000 teńgeden materıaldyq kómek kórsetildi. О́z kezeginde, tyl ardagerleriniń atynan sóz alǵan UOS ardageri, I dáre­jeli Otan soǵysy ordeniniń ıegeri, jer qoınaýyn barlaýdyń úz­digi, Teńge já­ne Soltústik Bo­za­shy munaı ken oryn­daryn alǵashqy ashýshy, KSRO Memlekettik syıly­ǵynyń laýreaty Vıktor Nechaev «Mańǵystaýmunaıgaz» AQ ujymy­na kórsetken qurmetteri men qam­qor­lyqtary úshin alǵysyn bildirdi: – Kompanııanyń bizdi umytpaı árkez eske alyp júretini qýantady, tek Jeńis kúni ǵana emes, únemi qoldaý kórsetip otyrady. «Mańǵystaý­munaı­gaz» AQ odan ári ósip-órkendep, damı tússin dep tilek bildiremiz, al maıdangerler men tyl ardagerlerine myqty densaýlyq pen jaqsylyq tileımin! Bir mıllıon segiz júz myń qazaqstandyq ótken ǵasyrdyń eń zulmat shaıqasyna qatysyp, kózsiz erlik tanytty. Osy aıtýly kúni barlyq ardagerlerdi shyn júrekten quttyqtap, zor densaýlyq tileımiz! «Mańǵystaýmunaıgaz» AQ baspasóz qyzmeti.