Olar endi Astanaǵa barady

“QazTransGaz” AQ shaǵyn fýtboldan oqýshylar arasynda týrnır ótkizdi Qoly bos, isterge sharýasy joq balalar jaman ádetterge úıirsek keledi. Is nasyrǵa shapqanda ǵana “qap-aı” dep san soǵatyn sátter az emes. Balaǵa bos ýa­qy­tyn paıdaly, shy­myr bolyp ósý úshin sport alańdary kerek. Mundaıda bárin memlekettiń moınyna salyp, bir shette tympıyp otyrýǵa bolmaıdy. Elim, jerim deıtin azamattar artylǵan qarjysy­nyń bir bóligin sport alańdaryn salýǵa paıdalansa nur ústine nur bolar edi. “QazTrasGaz” AQ osy ıgilikti sharany bastap ketti. Byltyr Shym­kentte mektepter janynan 3 jazǵy sport alańyn salyp bergen munaı-gaz basshylary bıyl da qaladaǵy №50 mekteptiń qasynan bireýin qosty. Shetelde mundaı jazǵy alań­sha­lar­dy bıik úılerdiń janynan kóp kó­resiz. Shaǵyn fýtbolǵa arnalǵan ja­sandy shóp jabyndysy, kórere­mender otyra­tyn oryndyqtary bar alańda fýtboldan bó­lek basketbol, voleıbol da oınaı berýge bolady. Jan-jaǵynda projektor sham­dary bar, túnde de qyzmetińizge ázir. “Qaz­Trans­Gaz” AQ jazǵy alań sa­lyp berdim, endi ne isteımin deseń óz­deriń bi­lesińder demepti, bıyl Qazaq­stan­nyń Táýelsiz­digine 20 jyl tolýy merekesine oraı elimizde 2001 jyly týylǵan balalar ara­synda sha­ǵyn fýtboldan res­pýb­lıka­lyq jarys ótkizýge muryndyq bolǵan. “QazTransGaz” AQ qoǵamdyq baı­la­nys departamentiniń bastyǵy Baýy­r­jan Bóribek suhbatynda osyndaı alań­dardy kórshi oblystarda da salý­dy jalǵas­tyryp jatqandyqtaryn aıt­qan. Jalpy, elimizdiń munaı-gaz sala­syna ıelik etip otyrǵan “Qaz­MunaıGaz” kom­panııasy Qazaqstan bo­ıynsha 60 jazǵy sport alańyn salýdy josparlasa, so­nyń 12-in iske qosý “Qaz-TransGaz” AQ-ǵa tıesili. Búginde 2001 jyly dúnıege kelgen balalardyń arasyndaǵy shaǵyn fýtboldan ótkizilip jatqan týrnırdi ár aımaq boıynsha “QazMunaı­Gaz­dyń” enshiles kásiporyndary ótkizip jatyr. Ár oblysta úzdik shyqqan eki komanda, bunyńyz on-onnan 20 bala jáne 5 jattyqtyrýshy Astanada óte­tin Úlken kýbokti sarapqa salýǵa qa­ty­sady. Ár aımaq boıynsha. Ońtús­tik óńir­ge jaýapty bolǵan “Qaz­Trans­Gaz” AQ jıyr­ma oqýshy men bes jattyq­tyrý­shynyń Astanaǵa barý shyǵyn­da­ryn túgeldeı óz moıyn­daryna alady. Shymkentte osy irikteý jary­sy­na 18 komanda qatysty. Ádildik úshin ar­na­­ıy mamandandyrylǵan fýtbol mek­tep­­teriniń oqýshylary qatystyrylǵan joq. Sondyqtan da, oıyn shıryǵyp bas­taldy. Jarystyń ekinshi kúninde 18 komandadan júldeli oryndardy bólisý úshin 3 komanda qalǵan. Oıyn №50 mek­tep­tiń jańadan salynǵan alańshasynda ótti. “О́z alańyńda qabyrǵa da kómek­te­sedi” degen qanatty sóz sheberlikke júrmeıdi eken. Mektep oqýshylary men ustazdary jaq bolyp tursa da osy mekteptiń fýtbolshylary №64 mektep oqýshylarynyń asýynan óte almady. 3-0 esebimen jeńildi. Sál tynyǵyp alǵannan keıin Maǵ­jan Jumabaev atyndaǵy №39 mek­tep­tiń oqýshylaryna qarsy shyqqan. Bar­maqtaı balalar eresekter qyzy­ǵatyn­daı oıyn órnegin kórsetti. Alǵashqy taımnyń ózinde №50 mektep qaqpasyna jaýapsyz 4 dop sa­lyn­dy. Komanda kapıtany Nıkıta joı­qyn shabýylshy eken. Aıyp doby­nyń bárin sol tebedi. Standarttan uryp gol kirgizip jiberdi. Komandada jaqsy oıyn ór­negi bar. Bir-birin emeýrinnen túsinedi, dop alyp bara jatqan oıynshynyń pas beretin jerinen tabyla ketedi. Eki jaqtyń jattyqtyrýshylary eki qaptalda janyǵyp júr. Quddy, 10 jasar balǵyndardyń arasynda álem chempıonaty ótip jatqandaı. Esep 4-1. Úshinshi oryn belgili boldy. Komandalar biraz tynystap alǵannan keıin alańǵa qaıta shyqty. Júlde - Úl­ken kýbok jáne birinshi oryn deme­se­ńiz, Asta­naǵa osy eki komanda da barady. №39 mektep oqýshylary baıaǵy oıyn órnegine salar degenbiz. Bul biz­diń ishki oıymyz ǵana eken. Kezinde jolbarystaı jyldam, arystandaı qaıratty Dıego Mara­do­nany ortańqol komandasyna shaqyr­ǵanda “jalǵyz juldyz ne bitiredi, klýb sol ornynda qalady” degender bol­ǵan. Jalǵyz aǵashtyń jan qysyl­ǵanda or­man da bola alatynyn sol Maradona kór­setip, komandasyn el chem­pıo­natynda bas báıgege iliktirip edi. №64 mekteptiń ortalyq shebindegi oıynshy, boıy da qarsylastaryna qa­raǵanda uzyndaý Nurbek oıyn órnegin múlde ózgertip jiberdi. Oıly oıynǵa qarsy tegeýrin qosty. Derbıde qarsy­lasynyń adymyn ashyrmaıdy. Birinshi taım 0-0 bolyp beıbit tarqas­qanymen №64 mekteptiń oqýshylary tegeýrindi shabýyldy kúsheıtip jiberdi. Qarsylastary sasqalaqtap, bilgeninen jańyldy. Qatelesýleri kóbeıdi. Osy sátti qurdastary jaqsy paıda­lan­dy. Apaı-topaı eki gol soǵyp al­dy. Osy esep­ti oıyn sońyna deıin us­t­aǵan. Sony­men bi­rinshi oryndy №64, ekinshi oryn­dy №39, úshinshi oryndy №50 mekteptiń oqýshylary bólisti. Jarys sońynan úzdik qaqpashy, úzdik shabýylshy, úzdik qor­ǵaýshy jáne úzdik oıynshy marapattaldy. “QazTransGaz” AQ-nyń departament basshysy Baýyrjan Bóribek osy týr­nırdi uıymdastyrýǵa Shym­kent ákim­digi, oblystyq jáne qala­lyq oqý bas­qar­malarynyń atsalys­qanyn aıtqan. Biz oblystyq bilim basqarma­sy­nyń bastyǵy Myrzabek Týǵan­baev­ty áńgimege tarttyq. – Elimiz Táýelsizdiginiń 20 jyl­dyǵyn laıyqty atap ótý árqaı­symyz­dyń paryzymyz, – deıdi ob­lys­tyń bas muǵalimi. – Attyń jaly, tú­ıe­niń qo­myn­­da ósken, er azamat­tary ja­lań qy­lyshymen eldiń azat­tyǵyn qo­r­ǵaǵan, bodandyqtyń qamy­tynan qu­­tylýdy ań­sa­ǵan jyldardan osyn­daı tamasha za­manǵa óttik. Bul – Elba­sy­myzdyń syn­darly saıasaty­nyń, mem­leketimizdiń ór­ken­degeniniń jemisi. Oqý-tárbıe jumystarynda osy­ny ańǵartýǵa kúsh salyp jatyrmyz. Otanyn súıgen árbir azamat meniń elime sińiretin úlesim qandaı degen ýaqytta turmyz. Osy rette “Qaz­TransGaz” jigitteriniń elge sińirip jatqan jumystary súısintedi. Búgingi 10 jasar balalar ara­syn­daǵy týrnır sonyń bir kórinisi ǵana. Mektep oqýshylary ózine keregine qol jetkizýi kerek. Sport oıyndary olar­dyń kúsh-qýatyn eselep qana qoımaı, sabaǵyn jaqsy oqýyna, tártipti, tár­bıeli bolyp ósýlerine óz úlesin qosa­dy. Búginde týrnır qala mektepterinde ǵana ótip jatyr. Negizinde, biz aýyl, aýdan balalary ara­synda da osyndaı jarys ótkizýdi qolǵa alyp jatyrmyz. Jarys aıaqtaldy. Endi 24 mamyr kúni jeńimpazdar men júldegerler jattyqtyrýshylarymen birge «Qaz­MunaıGaz» UK» AQ uıymdas­ty­ratyn Úlken kýbokti sarapqa salý úshin Astanaǵa jolǵa shyǵady. – “QazTransGazdaǵy” aǵalarǵa rah­met, – deıdi 10 jasar fýtbolshy Nur­dáýlet Qýanyshbaev. – Jaqsy ja­rys ótkizip berdi. Bárimizge sporttyq kıimder kıgizdi, syılyqtar berdi. Al, oıyn keremet ótti. Biz jeńdik. Astanada da jeńiske jetsek tamasha bolar edi. Jeńilýdi oılap bara jatqan joqpyz. Kóremiz ǵoı. Fýtbol – eń kórermeni kóp oıyn. Búginde álemniń kóz qurty bolǵan Messı, Ronaldý, Kaka, Ozıl sııaqty oıyn­shylar osyndaı balǵyn fýtbol­shylar arasynan shyqty ǵoı. Bul balalarda endi óz fýtbol alańdary bar. Ondaı bolmaq qaıda deýge bolmaıdy. Baqtııar TAIJAN, Shymkent.