Qazaqstan Respýblıkasynyń Mádenıet mınıstrliginiń buıryǵy №56

2011 jylǵy 31 naýryz               №56        Astana qalasy Respýblıkalyq konkýrstar men festıvalderdi ótkizýdiń úlgilik erejesin bekitý týraly «Mádenıet týraly» Qazaqstan Respýblıkasynyń 2006 jylǵy 15 jeltoqsandaǵy Zańynyń 7-baby 12-1) tarmaqshasyna sáıkes ótkiziletin is-sharalardy retteý jáne deńgeıin arttyrý maqsatynda buıyramyn: 1. Qosa berilip otyrǵan Respýblıkalyq konkýrstar men festıvalderdi ótkizýdiń úlgilik erejesi bekitilsin. 2. Qazaqstan Respýblıkasy Mádenıet mınıstrliginiń Mádenıet komıteti: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty belgilengen tártippen resmı jarııalaýdy; 3) osy buıryqty Qazaqstan Respýblıkasy Mádenıet mınıstrliginiń ınternet-resýrsynda ornalastyrýdy; 4) osy buıryqty oblystardyń, respýblıkalyq mańyzy bar qalanyń jáne astananyń jergilikti atqarýshy organdarynyń nazaryna jetkizýdi qamtamasyz etsin. 3. Osy buıryq alǵash resmı jarııalanǵan kúninen bastap qoldanysqa engiziledi. Mınıstr    M. QUL-MUHAMMED. Qazaqstan Respýblıkasy Mádenıet mınıstriniń 31 naýryzdaǵy 2011 jylǵy № 56 buıryǵymen bekitilgen Respýblıkalyq konkýrstar men festıvalderdi ótkizýdiń úlgilik qaǵıdasy 1. Jalpy erejeler 1. Osy Respýblıkalyq konkýrstar men festıvalderdi ótkizýdiń úlgilik qaǵıdasy (budan ári - Úlgilik qaǵıda) «Mádenıet týraly» Qazaqstan Respýblıkasynyń 2006 jylǵy 15 jeltoq­sandaǵy Zańynyń 7-baby 12-1) tarmaqshasyna sáıkes ázirlendi jáne mádenıet salasyndaǵy ýákiletti organ (budan ári – ýákiletti organ) men oblystyń, respýblıkalyq mańyzy bar qalanyń jáne astananyń jergilikti atqarýshy organdary (budan ári - jergilikti atqarýshy organ) uıymdastyratyn respýblıkalyq konkýrstar men festıvalderdiń (budan ári – konkýrstar men (nemese) festıvalder) ótkizý tártibin belgileıdi. 2. Osy Úlgilik qaǵıdada mynadaı uǵymdar paıdalanylady: 1) konkýrs – jeńiske asa úzdik úmitkerdi (úmitkerlerdi) aıqyndaý maqsatynda ótkiziletin qoǵamdyq-mádenı, kórkemdik-shyǵarmashylyq is-shara. 2) mádenıet salasyndaǵy ýákiletti organ - mádenıet salasyndaǵy memlekettik saıasatty iske asyrýdy júzege asyrýshy ortalyq atqarýshy organ; 3) jergilikti atqarýshy organ (ákimdik) – oblystyń (respýb­lıkalyq mańyzy bar qalanyń jáne astananyń) ákimi basqaratyn, óz quzyreti sheginde tıisti aýmaqta jergilikti memlekettik basqarýdy jáne ózin-ózi basqarýdy júzege asyratyn alqaly atqarýshy organ; 4) festıval – mýzyka, teatr, sırk, estrada, kıno jáne basqa da óner túrleriniń jetistikterin kórsetý (baıqaý), kópshilik qatysatyn mereke. Festıval sondaı-aq, qatysýshylary aldyn ala irikteý nátıjesinde arnaıy qazylar alqasymen belgilenetin jarys bolyp tabylady. 2. Konkýrstar men (nemese) festıvalderdiń maqsattary men mindetteri 3. Konkýrstar men (nemese) festıvalderdiń maqsattary men mindetteri: 1) ónerdiń shyǵarmashylyq jetistikterin anyqtaý jáne talantty, ózindik ereksheligi bar shyǵarmashylyq ujymdar men oryndaýshylardy qoldaý; 2) barlyq jas toptaryndaǵy daryndy adamdardyń kásibı sheberligin jetildirý; 3) ulttyq jáne álemdik mádenıet pen ónerdiń eń jaqsy dástúrleri men jetistikterin jańǵyrtý, damytý, nasıhattaý, onyń qatysýshylarynyń kásibı sheberligin arttyrý; 4) halyqtyń mádenı demalysy men estetıkalyq tárbıesin, rýhanı jáne mádenı qundylyqtarmen almasýdy uıymdastyrý; 5) shyǵarmashylyq qyzmettiń túrli salalaryndaǵy jetistikterdi kórsetý; 6) mádenıet salasyndaǵy memlekettik saıasatty iske asyrý; 7) Qazaqstan Respýblıkasy halqynyń mádenıetin qaıta órkendetý, saqtaý, damytý jáne taratý; 8) azamattardyń estetıkalyq tárbıesine jaǵdaılar jasaý; 9) mádenı murany nasıhattaý jáne olardyń damýyndaǵy sabaqtastyqty qamtamasyz etý; 10) jastardyń ultjandylyq turǵyda tárbıelenýine, ulttyq jáne álemdik mádenıet qundylyqtaryna tartylýyna yqpal etý. 3. Konkýrstar men (nemese) festıvalderdi ótkizýdiń tártibi jáne sharttary 4. Shyǵarmashylyq qyzmettiń túrli salalaryndaǵy respýb­lıkalyq konkýrstar jáne (nemese) festıvalderdi uıymdastyrý ýákiletti organmen júzege asyrylady. 5. Jergilikti atqarýshy organ ýákiletti organnyń kelisimi boıynsha shyǵarmashylyq qyzmettiń túrli salalarynda respýblı­kalyq konkýrstar men festıvalder ótkizýdi uıymdastyrady. Respýblıkalyq konkýrstar men festıvalderdi ótkizýdi kelisý úshin jergilikti atqarýshy organ ýákiletti organǵa qoldaýhat joldaıdy. 6. Ýákiletti organ jáne (nemese) jergilikti atqarýshy organ osy Úlgilik qaǵıda negizinde árbir konkýrs jáne (nemese) festıvalǵa jeke Konkýrs jáne (nemese) festıvaldi ótkizýdiń qaǵıdasyn bekitedi (budan ári - Qaǵıda). 7. Qaǵıdada konkýrsty jáne (nemese) festıvaldi ótkizýdiń merzimderi men ótkiziletin orny kórsetiledi. 8. Merzimderi, maqsattary men mindetteri basqa konkýrs­tardyń jáne (nemese) festıvalderdiń merzimderin, maqsattary men mindetterin qaıtalaıtyn konkýrsty jáne (nemese) festıvaldi ótkizýge jol berilmeıdi. 9. Respýblıkalyq konkýrstarda jáne (nemese) festıvalderde oblystyq, respýblıkalyq mańyzy bar qalanyń jáne astana deńgeılerindegi konkýrstardyń jáne (nemese) festıvalderdiń jeńimpazy bolyp tabylatyn Qazaqstan Respýblıkasy oblysta­ry­nyń jartysynan kóbiniń ókilderi qatysýy qajet. 4. Uıymdastyrý komıteti 10. Ýákiletti organ jáne (nemese) jergilikti atqarýshy organ konkýrsty jáne (nemese) festıvaldi ótkizý boıynsha uıymdas­tyrý komıtetiniń (budan ári - Uıymdastyrý komıteti) quramyn bekitedi. 11. Uıymdastyrý komıteti memlekettik organdar men kon­kýrsty jáne (nemese) festıvaldi ótkizýge qatysýshy mádenıet uıymdary ókilderinen quralady. Uıymdastyrý komıtetiniń mú­sheleri óz fýnksııalaryn qoǵamdyq bastamamen júzege asyrady. 12. Uıymdastyrý komıteti konkýrsty jáne (nemese) festıvaldi daıyndaý jáne ótkizý boıynsha basshylyqty júzege asyrady. 13. Uıymdastyrý komıteti konkýrsty jáne (nemese) festıvaldi daıyndaý jáne ótkizý máseleleri jóninde múddeli organdarmen ózara  is-qımyldy júzege asyrady. 14. Uıymdastyrý komıteti is-sharanyń aqparattyq-jarnamalyq qoldaý túrlerin aıqyndaıdy. 15. Uıymdastyrý komıteti konkýrsty jáne (nemese) festıvaldi daıyndaý jáne ótkizý barysynda týyndaıtyn ózge de uıymdastyrý máselelerin sheshedi. 5. Konkýrstyń jáne (nemese) festıvaldiń qazylar alqasy 16. Konkýrs jáne (nemese) festıval qatysýshylarynyń ónerin baǵalaý, sondaı-aq, qorytyndy shyǵarý úshin qazylar alqasy qurylady. Qazylar alqasynyń quramy memlekettik or­gan­dardyń ókilderinen, mádenıet jáne ónerdiń kórnekti qaıratkerlerinen quralady jáne ýákiletti organ jáne (nemese) jergilikti atqarýshy organmen bekitiledi. 17. Qazylar alqasynyń sany, tóraǵany qosqanda, taq san bolýy tıis. 18. Qazylar alqasynyń sheshimi túpkilikti jáne qaıta qaraýǵa jatpaıdy, hattamamen resimdeledi jáne barlyq qazylar alqasynyń músheleri qol qoıady. 19. Qazylar alqasy baǵalarynyń krıterııleri: 1) sapaly deńgeıi; 2) oryndaýshylyq sheberligi (oryndaýshynyń, aranjırovka­larynyń derbestigi); 3) jumystaǵy jańashyldyq deńgeıi men ınnovasııalyq kózqarasy. Konkýrstar jáne (nemese) festıvalder shyǵarmashylyq qyzmettiń túrli salalarynda ótkiziletin bolǵandyqtan qosymsha krıterııler kózdelýi múmkin. Buıryq Qazaqstan Respýblıkasynyń Ádilet mınıstrliginde 2011 jylǵy 26 sáýirdegi Normatıvtik quqyqtyq kesimderdi memlekettik tirkeýdiń tizilimine №6923 bolyp engizildi.