Aldaǵy jumys josparlar jaıy talqylanǵan jıyn nátıjesinde, Qytaı, Qyrǵyzstan jáne О́zbekstannan kelgen mamandar men óńirdiń bıznes ókilderi ózara yntymaqtastyqty arttyrý aıasynda 10 kelisimshartqa qol qoıdy. Qujattar negizinde, taraptar týrızmdi ózara tıimdi damytýǵa, kerekti aqparat pen tájirıbe almasýǵa, birigip ishki týrızmdi damytýǵa baǵyttalǵan is-sharalar uıymdastyrýǵa mindetteldi.
Eske salsaq, sáýir aıynyń 25-29 aralyǵynda Ońtústik Qazaqstan oblysynyń týrıstik múmkinshilikterin halyqaralyq naryqta arttyrý maqsatynda aqparattyq týr ótken-di. Qytaı (3 týroperator), Qyrǵyzstan (5 týroperator) jáne О́zbekstannan (10 týroperator) kelgen týroperatorlar bes kún ishinde Ońtústik Qazaqstan oblysynyń basty 3 baǵytymen - tarıhı-mádenı, emdeý-ońaltý, ekologııalyq baǵyttarymen tanysty. Onda qonaqtar Túrkistan shahary men Otyrar aýdanyndaǵy tarıhı oryndarǵa, Saryaǵashtaǵy saýyqtyrý ortalyqtaryna, «Saıram-О́gem» memlekettik ulttyq tabıǵı parkindegi demalys aımaqtaryna jáne Shymkenttegi qonaqúılerge baryp, aralady.
Aımaqtyń san qyrly tabıǵatymen tanysqan sheteldik qonaqtar kúngeıdiń tamasha tabıǵatyna súısinip, oblys ortalyǵy – Shymkenttiń ásem sáýletine zer salǵan.
