Jyly ráýishtegi júzdesý

Keshe Parlament Májilisiniń Tóraǵasy Oral Muhamedjanov Italııa Respýblıkasynyń elimizdegi Tótenshe jáne ókiletti elshisi Brýno Antonıo Paskýınony qabyldady, dep habarlady palatanyń baspasóz qyzmeti. Bul júzdesý Italııa elshisiniń Qazaqstandaǵy dıplomatııalyq qyz­metiniń aıaqtalýyna baıla­nys­ty ótip otyr. 2006 jyly jeltoqsan aıynda osy qyzmetke taǵaıyndalǵan ol elimizge baýyr basyp qalǵanyn da jasyrmady. «Qazaqstanda elshi bolyp qyz­met isteýde maǵan eshqandaı qıyn­dyq­tar týyndaǵan joq. Úne­mi qol­daý men kómekke ıe bol­dym. Qazaq elin barynsha ta­nyp-bilýge tyrys­tym. Kóp maǵlumat aldym. Bul el aldaǵy ýaqytta da men úshin ystyq bolyp qala bermek. Tipti meniń Ita­lııadaǵy úıim­niń qarsy betinde Qa­zaqstan elshiligi ornalasqan. Kúnde tań­erteń turǵanda jelbirep turǵan Qazaq­stan­nyń kók týyn kóre­min», – dedi B.A.Paskýıno aǵynan jarylyp. Májilis Tóraǵasy elshiniń qos memleketke sińirgen eńbegin joǵary baǵalaıtynyn aıta kelip, Qazaqstan eli men halqyna bildirgen jyly lebizi úshin rıza­shy­lyǵyn jetkizdi. Qazaqstan men Italııa arasyndaǵy yntymaq­tas­tyq baılanys barlyq sala boı­ynsha qarqyndy damyp kele ja­tyr. Buǵan eki eldiń basshylary ótkizgen kezdesýler, jasasqan kelisim-sharttar serpin berip otyr. Sonymen qatar, eki eldiń dostyq baılanysy arta túsýine Qazaq­stannyń Italııadaǵy elshisi­niń jáne Italııanyń Qazaqstandaǵy elshisi – Sizdiń qosqan úlesińiz bar. О́ıtkeni, bizdiń babalarymyz erte zamanda-aq  «Eldestirmek – elshiden» dep ataly sóz aıtyp ketken –  dedi Oral Muhamed­janov. «Egemen-aqparat».