Qazaqstan Respýblıkasy Úkimetiniń qaýlysy № 120

2011 jylǵy 10 aqpan              № 120              Astana, Úkimet Úıi Tarıhı shyǵyndardy jáne geologııalyq aqparat qunyn aıqyndaý qaǵıdasyn bekitý týraly «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-baby 46) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Tarıhı shyǵyndardy jáne geologııalyq aqparat qunyn aıqyndaý qaǵıdasy bekitilsin. 2. «Tarıhı shyǵyndardy jáne geologııalyq aqparattyń qunyn aıqyndaý erejesin bekitý týraly» Qazaqstan Respýblıkasy Úkimetiniń 2008 jylǵy 16 sáýirdegi № 351 qaýlysynyń (Qazaqstan Respýblıkasy Úkimetiniń PÚAJ-y, 2008 j., № 20, 191-qujat) kúshi joıyldy dep tanylsyn. 3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2011 jylǵy 10 aqpandaǵy №120 qaýlysymen bekitilgen Tarıhı shyǵyndardy jáne geologııalyq aqparat qunyn aıqyndaý qaǵıdasy 1. Jalpy erejeler 1. Osy Tarıhı shyǵyndardy jáne geo­lo­gııa­lyq aqparat qunyn aıqyndaý qaǵıdasy (budan ári – Qaǵıda) «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-baby­nyń 46) tarmaqshasyna sáıkes ázirlengen jáne jer qoınaýy týraly tarıhı shyǵyndardy jáne geologııalyq aqparat qunyn aıqyndaý tártibin belgileıdi. 2. Tarıhı shyǵyndar – memleket kelisim­sharttyq aýmaqty geologııalyq zertteýge jáne ken oryndaryn barlaýǵa jumsaǵan; olar týraly geologııalyq aqparat memleket menshigine berilgen burynǵy jıyntyq shyǵyndar. 3. Memleket menshigindegi geologııalyq aqpa­rattyń quny tarıhı shyǵyndar somasynyń bir bóligi retinde aıqyndalady. Geologııalyq aqpa­rat­tyń quny Qazaqstan Respýblıkasynyń bıýd­jetine tólenedi. 4. Keń taralǵan paıdaly qazbalardy, jer asty sýlary men emdik balshyqty qosa alǵanda, tarıhı shyǵyndar barlyq paıdaly qazbalardyń túrleri úshin aıqyndalady. 5. Tarıhı shyǵyndardyń kólemin, jer qoı­naýy týraly geologııalyq aqparat alýdyń quny men talaptaryn jer qoınaýyn zertteý men paıdalaný jónindegi ýákiletti organ (budan ári – ýákiletti organ) anyqtaıdy. 2. Tarıhı shyǵyndardy jáne geologııalyq aqparat qunyn aıqyndaý tártibi 6. Ýákiletti organ jer qoınaýyn paıdalaný quqyǵyn berýge arnalǵan konkýrs jarııalanǵanǵa deıin jer qoınaýyn paıdalanýǵa beriletin jer qoınaýy ýchaskesi (budan ári – jer qoınaýy ýchaskesi) sheginde oryndalǵan barlyq geologııalyq zertteýlerge túgendeý júrgizedi. Túgendeýdiń derekteri jer qoınaýy ýchaskesiniń geologııalyq zerdelený dárejesi men geologııalyq barlaý ju­mystarynyń naqty shyǵyndaryn kórsetýge tıis. Túgendeýdiń derekteri boıynsha geolo­gııalyq zerdelený kartogrammasy men túgendeý vedomosi jasalady, osylardyń negizinde tarıhı shy­ǵyndardyń esebi júzege asyrylady. 7.Tarıhı shyǵyndar ár jer qoınaýy ýchaskesi boıynsha jeke qaralady. Jer qoınaýyn paıdalaný jónindegi operasııalardy júrgizý úshin jer qoı­naýy ýchaskesiniń shekarasy Qazaqstan Res­pýb­lık­a­sy Indýstrııa jáne jańa tehnologııalar mınıs­tri­niń buıryǵymen bekitetin Paıdaly qaz­balardy barlaý men óndirýge jáne jer qoınaýyn ózge maq­satta paıdalanýǵa geologııalyq jáne/nemese taý-kendik bólýdi usyný tártibi jónindegi nusqaýlyqqa sáıkes jer qoınaýyn zertteý jáne paıdalaný jónindegi ýákiletti organ beretin taý-kendik nemese geologııalyq bólýlermen anyqtalady. 8. Barlaý nemese barlaý men óndirýdi júr­gi­zýge arnalǵan jer qoınaýy ýchaskesi boıynsha tarıhı shyǵyndar: jer qoınaýy ýchaskesiniń ala­ńyna nemese oǵan saı keletin tabıǵı kólemine barabar óńirlik geologııalyq-geofızıkalyq, izdeý jáne izdeý-baǵalaý jumystaryn, ǵylymı, tájirıbelik-ádistemelik, tájirıbelik-konstrýk­torlyq jáne nátıjeleri jer qoınaýy ýchaskesin zerdeleýmen baılanysty basqa da zertteýlerdi qamtıdy. 9. О́ndirýdi júrgizýge arnalǵan jer qoınaýy ýchaskesi boıynsha tarıhı shyǵyndar taý-kendik ne geologııalyq bólý sheginde esepteledi jáne mynalardy: óńirlik geologııalyq-geofızıkalyq (izdeý-baǵalaý jumystary alańynyń sheginde oryndalǵan), izdeý jáne izdeý-baǵalaý jumys­ta­ryn, barlaýdy, qaptaldar men tereń gorızont­tardy jete barlaýdy, tehnologııalyq zertteýlerdi, ónerkásiptik alańdardyń kensizdigin zertteýdi, bolashaq óndirýshi kásiporyndy sýmen jab­dyqtaýǵa arnalǵan gıdrogeologııalyq zertteýlerdi, nátıjeleri jer qoınaýy ýchaskesin zerdeleýge baılanysty ǵylymı-zertteý, tájirıbelik-ádistemelik, tájirıbelik-konstrýktorlyq jáne basqa da zertteýlerdi qamtıdy. Eger óndirý júrgizý úshin jer qoınaýyn paıdalanýda ken ornyn qorlarynyń bir bóligi berilse, onda tarıhı shyǵyndar ken ornynyń jalpy qorynyń osy bóligine proporsıonaldy esepteledi. 10. Tarıhı shyǵyndardy esepteýden osy Qa­ǵıdanyń 8, 9-tarmaqtarynda kórsetilgen ju­mys­tardan, paıdaly qazbalardyń málimdelgen túri­ne jatpaıtyn jumystar, olardy geologııalyq zertteýlerge arnalǵan shyǵyndardan basqa nemese memlekettiń qarajatynsyz júrgizilgen, uńǵy­ma jáne taý-ken óndirýdiń tarıhı shyǵyndaryn esepteý kúnine joıylǵan ótkizý jónindegi ju­mys­tar alynyp tastalady. 11. Tarıhı shyǵyndar jumystardyń júrgi­zilgen jyldary boıynsha (1961 jylǵa deıin or­yndalǵan jumystar, 1961-1990 jyldar ke­ze­ńin­de oryndalǵan jumystar jáne odan ári árbir kelesi jyl sheginde), jumys túrleri boıynsha jınaqtalady. О́tken jyldardyń shyǵyndaryn 1996 jylǵy baǵaǵa qaıta esepteýge, geologııalyq barlaý jumystary qunynyń salaishilik ın­dek­siniń ózgerýi tıisinshe munaı men gazǵa, qatty paıdaly qazbalar men sýǵa, geofızıkalyq jáne ǵylymı-zertteý jumystaryna negiz bolady. 1961 jylǵa deıingi shyǵyndardy 1961-1990 jyldardaǵy baǵaǵa qaıta esepteý úshin shy­ǵyn­dar on ese azaıtylady. Shyǵyndardy teńgege qaıta esepteý úshin 1961-1990 jyldardaǵy rýbl shyǵyndary 0,002 koeffısıentine kóbeıtiledi. 1961 jylǵa deıin júrgizilgen geologııalyq barlaý jáne basqa da jumystardyń shyǵynyn 1996 jylǵy baǵaǵa (teńge) qaıta esepteý mynadaı formýla boıynsha júzege asyrylady: Tsh96= О́jsh h I 91 h 0,002 h I96. munda: 10 Tsh 96 – 1996 jylǵy baǵamen tarıhı shy­ǵyndar; О́jsh – ótken jyldardyń shyǵyndary I 91 – 1991 jylǵy geologııalyq barlaý jumystary qunynyń 1990 jylǵy baǵaǵa ózgerý ındeksi; 0,002 – teńgege aýdarý koeffısıenti I 96 – 1996 jylǵy geologııalyq barlaý ju­mystary qunynyń 1991 jylǵy baǵaǵa ózgerý ındeksi. 1961 jyldan 1990 jylǵa deıingi shy­ǵyn­dardy 1996 jylǵy baǵaǵa qaıta esepteý myna­daı formýla boıynsha júzege asyrylady: Tsh 96 = О́jsh h I91 h 0,002 h I96 1991 jyldan bergi shyǵyndardy 1996 jylǵy baǵaǵa qaıta esepteý mynadaı formýla boıynsha júzege asyrylady: Tsh 96 = О́jsh h 0,002 h I96 1992 jyldan bergi shyǵyndardy 1996 jylǵy baǵaǵa qaıta esepteý qaıta esepteý mynadaı formýla boıynsha júzege asyrylady: Tsh 96 = О́jsh h 0,002: I(92 - 95) h I96, munda: I (92 - 95) - jyldar boıynsha geo­logııalyq barlaý jumystary qunynyń ózgerý ındeksteri (0,002 koeffısıenti ulttyq valıýta engizilgennen keıin qoldanylmaıdy). 1996 jylǵy baǵamen tarıhı shyǵyndar 1997 jylǵy 1 qańtardaǵy baǵam boıynsha AQIP dol­la­ryna aýdarylady. 1996 jyldan keıin memleket shekken tarıhı shyǵyndar atqarylǵan ju­mys­tar boıynsha shyǵyndardy esepten shyǵarý kúngi baǵam boıynsha AQPI dollaryna aýda­rylady. Tarıhı shyǵyndardyń esebin daıyndaý kezinde AQPI dollarymen alynǵan shyǵynnyń quny aǵymdaǵy baǵam boıynsha ulttyq valıýtaǵa aýdarylady. 12. Barlyq geologııalyq aqparattyń qunyn aıqyndaý úshin tarıhı shyǵyndar somasynan paıyzdyq stavka qoldanylady. Paıyzdyq stavkalar paıdaly qazbalardyń túri men beriletin jer qoınaýyn paıdalaný quqyǵyna baılanysty saralanady: Kómirsýtek shıkizaty: barlaý – 1%, barlaý jáne óndirý – 2%, óndirý – 3%. Qatty paıdaly qazbalar (keń taralǵan paıdaly qazbalardy qosa alǵanda): barlaý – 1,5%, barlaý jáne óndirý – 2%, óndirý – 2,5%. Jer asty sýlary (emdik balshyqty qosa alǵanda): barlaý – 1,5%, barlaý jáne óndirý – 2,5%, óndirý – 4%. 13. Memlekettiń qarajatynan alynbaǵan, bi­raq memlekettiń menshigindegi geologııalyq aqpa­rat­tyń qunyn anyqtaý úshin nátıjesinde geolo­gııalyq aqparat alynǵan geologııalyq barlaý jumystaryna arnalǵan shyǵyndardyń soma­sy­nan osy Qaǵıdanyń 12-tarmaǵynda kórsetilgen balamaly paıyzdyq stavkalar qoldanylady. 14. Geologııalyq aqparatty satyp alý týraly kelisimderde onyń quny Qazaqstan Respýb­lı­ka­synyń ulttyq valıýtasynda kórsetiledi.