Parlament Senatynda palata Tóraǵasynyń orynbasary A.Sýdınniń qatysýymen «О́ńir» depýtattyq tobynyń tótenshe jaǵdaılarǵa nazar aýdarý úshin zańnamalyq bazany jetildirý jáne osy baǵyttaǵy memlekettik júıeni damytý máselesin qaraǵan otyrysy bolyp ótti.
Tótenshe oqıǵalar kóbeıip, elimizdiń ár qıyrynda adamdarymyz zardap shegip jatqanda mundaı otyrysqa degen qyzyǵýshylyq úlken bolary daýsyz. Sondyqtan da otyrysqa jýrnalıst qaýymy ádettegiden kóp kelgen eken. Biraq másele qyzý talqylanýdyń ornyna jaýyrdy jaba toqyp, sylap-sıpaý kóbeıip ketip bara jatqan soń, jýrnalıster de otyrystyń aıaǵyn tospaı, tez tarap ketti.
Eń sońǵy bolyp sóılegen senator J.Tóregeldınov qaralyp otyrǵan máseleniń asa kúrdeli ekenine nazar aýdardy. Almatyda sońǵy ret bolǵan jer silkinisin óz basymnan ótkerdim, dedi ol. Jerdiń astynan áldeqandaı qudiretti gýil estilip, onyń artynan úıler teńselip, jıhazdar qozǵalǵanyn kórgen kezde adam tabıǵat aldyndaǵy óziniń dármensizdigin sezinip, tula-boıyńdy qorqynysh bıleıdi eken. «Saqtansań saý bolarsyń» degen bar, sondyqtan da bul máseleni tereńirek zerttep, jańadan órt sóndirý depolaryn, bıik satylar daıyndaýǵa óz tarapymyzdan kómek berip, qarajat bólýge yqpal etýimiz kerek, dedi ol.
Odan ári senator keıbireýlerdiń halyqty qasaqana qorqytyp, úreı týdyrǵysy kelgenine nazar aýdarý kerektigin aıtty. Olar kásiporyndar men mekemelerdiń kadrlar bólimderine telefon shalyp, qatty jer silkinisi bolady dep habarlap, dúrbeleń týǵyzýdy maqsat tutqan. Olardyń da kózdegen óz maqsattary bolýy kerek. Sondyqtan ondaılarǵa kóńil aýdarmaı qaldyrýǵa bolmaıdy, kimder ekenin taýyp, isterine tekseris júrgizý kerek. Al Tótenshe jaǵdaılar mınıstrligi tarapynan ortalyqtandyrylǵan aqparat ortalyǵy jumys istegeni jón, deı kelip, álemdik tájirıbeden zilzalaǵa daıyn bolý úshin jasalatyn keıbir sharalar týraly aıtty.
Al óziniń baıandamasynda Tótenshe jaǵdaılar mınıstri V.Bojko Almatyda bolǵandaı jer silkinisi sońǵy bes jylda 70 ret tirkelgenin, odan eshqandaı qaýip joq ekenin aıtty.
Sharaǵa qatysýshylar aldynda sóılegen sózinde Senat Tóraǵasynyń orynbasary A.Sýdın «О́ńir» depýtattyq tobynyń aımaqtardaǵy áleýmettik-ekonomıkalyq máselelerdi sheshýge járdem berýde mańyzdy ról atqaryp júrgenin atap ótti. Senatorlar Iý.Kýbaıchýk, Q.Ishanov, J.Nurǵalıev jáne basqalar tótenshe oqıǵalardyń aldyn alý jáne olardyń zardaptaryn azaıtý, qaýipti nysandardyń esebin alý men baqylaý jónindegi ózderiniń oılaryn aıtty. Senator B.Jylqyshıev jekeshege kóship ketken sý qoımalaryn baqylaýdyń qandaı dárejede ekenin jáne olardy memleketke qaıtarý isi qolǵa alynǵanyn bilgisi kelgen edi. Oǵan mınıstr baqylaý jasalatynyn, biraq jekeshelendirilgen múlikti qaıtadan memleketke qaıtarý múmkin emes ekenin aıtty.
Otyrysqa Prezıdent Ákimshiligi, Úkimet, «Nur Otan» HDP, «Respýblıkalyq daǵdarys ortalyǵy», «О́rt sóndirýshi» AQ ókilderi qatysty. Jıyn qorytyndysy boıynsha arnaýly hattama ázirlenip, ol Tótenshe jaǵdaılar jáne basqa da tıisti mınıstrlikter men vedomstvolarǵa jetkiziletin boldy.
Jaqsybaı SAMRAT.
