Urylardyń artynda kim tur?

Men mańdaı termen mal jıyp, sony tirshiligime arqaý etip otyrǵan adammyn. Osylaısha ózimshe tirshilik etip, sharýa jasap jatqanym úshin  Elbasynyń saıasatyna rızashylyǵymdy bildiremin. Prezıdent bizdiń adal eńbek etip, mol tabys ta­býymyzǵa jol ashty. Alaıda, osy jo­lymyzdy torýyldap, jı­ǵan-tergenimizdi urlap áketetin uıym­das­qan urylar kún kórsetpeı barady. Olardy qorǵaıtyn sybaılastary da joq emes. О́ıtkeni, 2010 jyly 28 naýryzda jekemenshik 8 iri qara malymdy urylar aıdap áketti. Sodan kómek surap barmaǵan jerim, ashpaǵan esigim qalmady. Biri urylardy tabýǵa atsa­lys­­pady. Olardyń ishinde Jalaǵash aýdandyq ishki ister bólimi, Qyzylorda oblystyq ishki ister departamenti de bar. Amal ne, is jabýly kúıinde qala berdi. Árıne, budan keıin men de jabýly qa­zan  jabýly kúıinde qala bersin der edim, biraq dánikken urylar ústimizdegi jyly naýryz aıynda anaý-mynaý emes 10 birdeı iri qara malymdy taǵy aıdap áketti. Iz-túzsiz ket­ti. Kúdikti bar, biraq qylmys ashyl­maı­dy. Sebebi belgili. Jalǵyz meniń ǵana malym urlanyp tabylmaı jatsa bir jón. Joq, jappaı urlyq bolyp jatyr. Aqqum, Eńbek, Mádenıet, Aqaryq eldi mekenderin sybaılasqan urylar san soqtyryp  otyr. Osy aýyldardaǵy malyn joǵaltqan adam­dar­dyń aryzdary Jalaǵash aýdandyq ishki ister bóliminde shań basýda. Bul qyl­mys­ty aýdandyq, tipti oblystyq ishki ister organdarynyń ashýǵa qudireti jetpeıtindeı onyń artynda qandaı dókeıdiń tur­ǵa­ny belgisiz. Al biz ne isteımiz? Urlanǵan  ma­lymyzdy qaıtara almasa, odan ári ur­la­na berse jáne ol urylar qylmysker­ler­men aýyz jalasyp taırańdap oıran sala berse, bizge mundaı quqyq qorǵaý organynan paıda ne? Kim bizge qolushyn bere alady? Nurǵısa MANARBAEV, fermer. Qyzylorda oblysy, Jalaǵash aýdany, Aqaryq aýyly.