Azamatqa jomarttyq jarasady

Jomarttyq – bir adamnyń ekinshi adamǵa nemese aınalasyna qarymtasyz, mindetsiz qyzmet qylyp, jaqsylyq jasaýǵa shyn peıildiligi, naqty isi arqyly kó­rinetin óte jaqsy qasıeti. Ońtústik Qazaqstan oblysynyń tý­masy, «SAÝTS-OIL» kompa­nııa­synyń prezıdenti Serikjan Seıitjanovty osyndaı Atymtaı jomart deýge tolyq negiz bar. Buǵan deıin ol otandyq bilim júıesin damytýǵa qosqan úlesi úshin  «Bilim mesenaty» medalimen, sondaı-aq «Altyn júrek» altyn medalimen marapattalǵan edi. Osy azamat jaqynda rýhanı astanamyz Túrkistan qala­syn­daǵy Q.Iаsaýı atyndaǵy ha­lyq­­aralyq qazaq-túrik ýnıver­sı­tetiniń 1-4 kýrs aralyǵynda bilim alatyn 128 stýdentine grant taǵaıyndady. Iаǵnı, olardyń bilim oshaǵyn bitirip shyqqanǵa deıingi tólemaqysyn tólep, qamsyz bilim alýyna jaǵdaı jasady. Ol qarjy 62 mıllıon 772 myń teńgeni quraıdy. Bilimge qushtar, elimizdiń tutqasy bolar keleshek urpaqtyń qamsyz bilim alýyna jaǵdaı jasaǵan azamatqa ýnıversıtet oqytýshy-profes­sorlary­nyń da alǵysy sheksiz. «Elim deıtin er bolmasa, erim deıtin el qaıdan bolsyn» degen naqyl sóz osyndaıda aıtylǵan-aý shamasy dep tuspaldaısyń. Jastardyń bilim alýyna jasaǵan jaqsylyǵy úshin ýnıversıtet basshylyǵy tehnıka ǵylymdarynyń doktory, «SAÝTS-OIL» kompanııasynyń prezıdenti Serikjan Seıitjanovqa ýnıversıtet senatynyń sheshimimen ýnıversıtettiń «Qurmetti professory» ataǵyn berýge laıyq dep sheshim qabyldap otyr. Álııa BILDEBEKOVA, Q.Iаsaýı atyndaǵy halyqaralyq qazaq-túrik ýnıversıtetiniń baspasóz hatshysy.