Depýtattarmen dıdarlasty

Keshe Syrtqy ister mınıstrliginde Parlament Májilisiniń Halyqaralyq ister, qorǵanys jáne qaýipsizdik komıtetiniń kóshpeli otyrysy barysynda Syrtqy ister mınıstri Erjan Qazyhanov Qazaqstannyń syrtqy saıasattaǵy negizgi baǵyttarynyń júzege asyrylýy jaıynda baıandama jasady, dep habarlady SIM baspasóz qyzmeti. Qazaqstan syrtqy saıasat ve­dom­stvosynyń basshysy depý­tat­tardy elimizdiń 20 jyldyq táý­el­sizdigimen qatarlasa kele jat­qan syrtqy saıasattaǵy qol jetkizilgen jetistikter jáne qory­tyn­dylarmen tanystyra otyryp, elimizdiń EQYU-daǵy ótken sátti tóraǵalyǵy men Uıymnyń Astana sammıtiniń jemisti ótkenine, sondaı-aq Qazaqstannyń ShYU-ǵa qazirgi tóraǵalyǵy men aldaǵy IKU-ǵa tóraǵalyǵyna jan-jaq­ty toqtaldy. Qazaqstannyń tańdaýy, eń al­ǵashqy kúnnen bastap, halyqtar arasynda beıbitshilik pen tatý kórshilik qatynastar ornatýǵa baǵyttalǵan bastamalardy alǵa jyljyta otyryp, óziniń ulttyq múddelerin múmkindiginshe saqtaý bolyp tabylǵany atap kórsetildi. Qazaqstannyń halyqaralyq jáne aýmaqtyq bedeldi uıym­dar­dy basqarýy elimizdiń halyq­ara­lyq arenadaǵy sózsiz bedeliniń aıǵaǵy men syrtqy saıası stra­tegııasynyń jemisti júrgizilýi Memleket basshysy N.Nazar­baev­tyń Qazaqstan táýelsizdiginiń eleń-alańynda bergen tapsyrma­sy, dep málimdedi E.Qazyhanov. Osyǵan baılanysty mınıstr Astananyń álemdik saıası are­na­daǵy pozısııasyn nyǵaıtý jáne onyń jańa geosaıası máseleler talabyna tolyq jaýap beretin strategııasyn qalyptastyrý Qa­zaq­stan bolashaǵyn jańa jetistikterge jetkizetinine ekpin túsirdi. Otyrysqa qatysýshylar Táý­el­sizdiktiń 20 jyldyq mereı­toıyna oraılastyrylǵan shet elderdegi SIM arqyly jos­par­lanǵan is-sharalarmen tanys­ty­ryldy.