Qazaqstan Respýblıkasynyń Qarjy naryǵyn jáne qarjy uıymdaryn retteý men qadaǵalaý jónindegi agenttigi basqarmasynyń qaýlysy № 19

Almaty qalasy       2011 jylǵy  28 aqpan          № 19 Banktik qyzmetterdi kórsetý jáne bankterdiń banktik qyzmetterdi kórsetý úderisinde týyndaıtyn klıentterdiń ótinishterin qaraý erejesin bekitý týraly «Qazaqstan Respýblıkasyndaǵy bankter jáne bank qyzmeti týraly» Qazaqstan Respýblıkasynyń 1995 jylǵy 31 tamyzdaǵy Zańynyń 31-babynyń 2-tarmaǵyn iske asyrý maqsatynda Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttiginiń (budan ári – Agenttik) Basqarmasy qaýly etedi: 1. Qosa berilip otyrǵan Banktik qyzmetterdi kórsetý jáne bankterdiń banktik qyzmetterdi kórsetý úderisinde týyndaıtyn klıentterdiń ótinishterin qaraý erejesin bekitý týraly (budan ári – Ereje) bekitilsin. 2.  Osy qaýly onyń birinshi ret resmı jarııalaǵan kúnnen keıin eki aı ótken soń qoldanysqa engiziledi. Tóraıym        E. BAHMÝTOVA. Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń 2011 jylǵy 28 aqpandaǵy № 19 qaýlysymen bekitildi Banktik qyzmetterdi kórsetý jáne bankterdiń banktik qyzmetterdi kórsetý úderisinde týyndaıtyn klıentterdiń ótinishterin qaraý erejesin bekitý týraly Osy Banktik qyzmetterdi kórsetý jáne bank­terdiń banktik qyzmetterdi kórsetý úde­ri­sin­de týyndaıtyn klıentterdiń ótinishterin qaraý erejesi  (budan ári – Ereje) «Qazaqstan Respýblıkasyndaǵy bankter jáne bank qyzmeti týraly» Qazaqstan Respýblıkasynyń 1995 jylǵy 31 tamyzdaǵy Zańynyń (budan ári – Bankter týraly Zań) 31-babynyń 2-tar­maǵyna sáıkes banktik qyzmetterdi kórsetý júıesin jetildirý jáne bankterdiń banktik qyzmetterdi kór­setý úderisinde týyndaıtyn klıentterdiń óti­nishterin qaraý tártibin aıqyndaý maqsatyn­da ázirlendi. 1-taraý. Jalpy erejeler 1. Osy Erejede mynadaı uǵymdar paıda­lanylady: 1) banktik qyzmetterdi kórsetý – bankter­diń, bank operasııalarynyń jekelegen túrlerin júzege asyratyn uıymdardyń (budan ári – bankter) Bankter týraly Zańynyń 30-babynda belgilengen banktik jáne ózge operasııalardy júzege asyrýy; 2) klıent  – banktik qyzmetterdi kórsetý­diń tutynýshysy bolyp tabylatyn ne banktik qyzmetterdi kórsetýdi paıdalanýǵa nıet etken jeke nemese zańdy tulǵa; 3) ýákiletti organ – qarjy naryǵyn jáne qarjy uıymdaryn retteý men qadaǵalaý jónin­degi memlekettik organ. 2. Bank banktik qyzmetterdi kórsetýdi Bankter týraly Zańyna, osy Erejege, sondaı-aq operasııalar júrgizýdiń jalpy talaptary týraly erejege jáne ishki kredıttik saıasat týraly erejege sáıkes usynady. 3. Banktik qyzmetterdi kórsetý tártibine mynalar kiredi: 1) banktiń usynylatyn banktik qyzmet­terdi kórsetý týraly aqparatty ashyp kórsetýi jáne klıentterge konsýltasııa berý tártibi; 2) banktik qyzmetterdi kórsetýdiń jekelegen túrlerin usyný jáne tóleýge qabiletsiz klıenttermen jumys júrgizý tártibi. 2-taraý. Banktiń usynylatyn banktik qyzmetterdi kórsetý týraly aqparatty ashýy jáne klıentterge  konsýltasııa berý tártibi 4. Klıent banktik qyzmetterdi kórsetýdi alý maqsatynda bankke ótinish jasaǵan kezde bank klıenttiń birinshi talaby boıynsha oǵan tanysý úshin Bankter týraly Zańynyń 31-baby­nyń 2-tarmaǵyna sáıkes mynadaı málimetterdi jáne rásimderdi qamtyǵan operasııalary júrgi­zýdiń jalpy talaptary týraly erejeni usynady: 1) qabyldanatyn depozıtterdiń jáne beriletin kredıtterdiń shekti somalary men merzimderi; 2) depozıtter men kredıtter boıynsha syıaqy stavkalarynyń shekti shamalary; 3) depozıtter men kredıtter boıynsha syıaqy tóleý sharttary; 4) bank qabyldaıtyn qamtamasyz etýge qoıylatyn talaptar; 5) bank operasııalaryn júrgizýge arnalǵan stavkalar men tarıfter; 6) banktik qyzmetterdi kórsetý týraly sheshimdi qabyldaýdyń shekti merzimderi; 7) banktik qyzmetterdi kórsetý úderi­sinde týyndaıtyn klıentterdiń ótinish­terin qaraý tártibi; 8) bank pen onyń klıentiniń quqyqtary men mindetteri, olardyń jaýapkershiligi; 9) ıslam bankiniń jáne onyń klıentiniń quqyqtary men mindetteri, ıslam bankiniń operasııalar júrgizý sharttary jáne soǵan baıla­nysty táýekelder; 10) klıenttermen jumys tártibi týraly ereje; 11) banktiń dırektorlar keńesi operasııa­lardy júrgizýdiń jalpy sharttaryna engizý qajet dep esepteıtin ózge de sharttar, talaptar jáne shekteýler. 5. Banktiń klıenttermen jumys júrgizý tártibi týraly erejesinde: 1) banktik qyzmetterdi kórsetý týraly ótinishti árbir banktik qyzmetterdi kórsetýdiń túri boıynsha  qaraý tártibi men merzimi (óti­nish­­ti berý qajet bolǵan kezde); 2) banktik qyzmetterdi  kórsetý tártibi qamtylady. 6. Operasııalar júrgizýdiń jalpy talap­tary týraly ereje ádebı tildiń normalaryn jáne zańdyq termınologııany saqtaı otyryp, keltirilgen termınderdiń taldamasyn kórsete otyryp, baıandalady. Operasııalar júrgizýdiń jalpy talaptary týraly erejede ár túrli oqylýdyń bolýyna jol berilmeıdi. 7. Bank  qoldanystaǵy stavkalar men tarıfterge ózgerister engizý jáne bekitý kúnderi týraly málimetterdi,  ishki qujattardyń nó­mir­­lerin jáne  osy ózgeristerdi bekitken (qa­bylda­ǵan) organdy kórsete otyryp, banktik qyzmet­terdi kórsetý úshin stavkalar men tarıfter tý­ra­ly aktýaldy aqparatty fılıal­darynda (olardyń úı-jaılarynda), fılıaldar bolmaǵan jaǵdaıda  ortalyq ofısinde, kó­rý jáne tanysý úshin qol jetimdi jerlerde  jáne óziniń ınternet-resýrsynda ornalas­tyrady. 8. Banktik qyzmetterdi kórsetý týraly jar­namany taratý «Jarnama týraly» Qazaq­stan Respýblıkasynyń 2003 jylǵy 19 jel­toq­sandaǵy Zańynyń jáne Bankter týraly Zańy­nyń talaptaryna sáıkes, onyń ishinde mynadaı talaptaryna sáıkes: 1) jarnama tikeleı usynylý sátinde ar­naýly bilimsiz nemese arnaýly quraldardy qol­danbaı dáıekti ári túsinikti bolyp tabylady; 2) merzimdi baspasóz basylymdaryn qos­pa­ǵanda, Qazaqstan Respýblıkasynyń aý­maǵyn­daǵy jarnama memlekettik jáne orys tilderinde, sondaı-aq jarnama berýshiniń qa­laýy boıyn­sha basqa da tilderde taratylady; 3) radıodaǵy jarnamany qospaǵanda, jarnamada bank lısenzııasynyń nómiri jáne lısen­zııa­ny bergen organnyń ataýy kórse­tiledi; 4) zaemdar men salymdardyń jarnama­synda  (bankaralyq zaemdar men salymdardy qos­paǵanda) shynaıy, jyldyq, tıimdi, salys­tyr­­maly túrde eseptelgen  syıaqy stavkalary kórsetiledi. 9. Banktik qyzmetterdi kórsetý kezinde bank: 1) banktik qyzmetterdi kórsetý týraly shartty jasasqanǵa deıin klıentke: stavkalar men tarıfter týraly, banktik qyzmetterdi kórsetý týraly ótinish boıynsha sheshim qabyldaý merzimderi týraly aqparatty (ótinishti berý qajet bolǵan kezde); qyzmetterdi kórsetýdi usyný shart­tary týraly aqparatty jáne banktik qyzmetterdi kórsetý týraly shartty jasasý úshin qajetti qujattardyń tizbesin; banktik qyzmetterdi kórsetý týraly sharty boıynsha mindettemelerdi orynda­ma­ǵan jaǵdaıda klıenttiń jaýapkershiligi týra­ly jáne yqtımal táýekelderi týraly aqpa­ratty; klıenttiń týyndaǵan máseleleri boıyn­sha konsýltasııalar; klıenttiń tilegi boıynsha – tıisti shart­tyń úlgili nysanynyń kóshirmesin beredi; 2) klıenttiń banktik qyzmetterdi kórsetý týraly ótinishin banktiń operasııalar júrgizýdiń jalpy talaptary týraly erejesinde belgilengen merzimderde qaraı­dy (ótinishti berý qajet bolǵan kezde); 3) banktik qyzmetterdi kórsetý týraly shartqa qol qoıǵanǵa deıin klıentke onyń shart­tarymen tanysý úshin qajetti  ýa­qytty beredi; 4)  klıentti alynatyn banktik qyzmet­terdi kórsetý boıynsha daýly jaǵdaılar týyndaǵan kezde onyń bankke, banktik om­býds­manǵa (ıpote­kalyq zaemdar boıynsha), ýákiletti organǵa nemese sotqa júginýge quqyly ekeni týraly habardar etedi. Osy maqsattarda klıentke banktiń, banktik ombýd­­smannyń jáne ýákiletti organnyń ornalas­qan jeri, pochtalyq jáne elek­trondy adresteri jáne ınternet-re­sýrs­tary týraly aqparat beriledi; 5) suratý boıynsha klıentti banktiń qar­jylyq eseptiligi men ózge de aqpara­ty­nyń ornalastyrý kózderi týraly habardar etedi; 6) klıent bergen aqparattyń qupııaly­lyǵyn qamtamasyz etedi. 3-taraý. Banktik zaemdar berý jáne tóleýge qabiletsiz klıenttermen jumys júrgizý 10. Bank banktik zaem shartyn jasas­qan­ǵa deıin 9-tarmaqtyń 1) tarmaqshasynda kózdelgen málimetterden jáne qujattardan basqa klıentke aýyzsha nysanda banktik zaemdar boıynsha mynadaı aqparatty usynady: 1) banktik zaem berý merzimin; 2) banktik zaemnyń shekti somasy men valıýtasyn; 3) syıaqy stavkasynyń túrin: belgilengen nemese qubylmaly, eger syıaqy stav­kasy  qubylmaly bolǵan jaǵdaıda esepteý tártibin; 4) klıent ótinish jasaǵan kúnindegi syı­a­qy stavkasynyń mólsheri jyldyq paıyz­dary­men jáne onyń shynaıy jyldyq tıimdi salys­tyrmaly túrde eseptelgen mólsherin (naqty qunyn); 5) banktiń paıdasyna banktik zaemdy alýǵa jáne qamtamasyz etýge (óteýge) baı­la­nysty komıssııalyq aqylardyń, tarıf­terdiń jáne ózge de shyǵystardyń tolyq tizbesi men mólsherleri; 6) klıent zańdy tulǵamen  jasalǵan banktik zaem shartynyń talaptaryn Bankter týraly Zańynda kózdelgen yqtımal bir jaqty tártippen ózgertý jaǵdaılary; 7) banktik zaem sharty boıynsha mindettemelerin oryndamaǵan jaǵdaıda klıent­tiń jaýapkershiligi men táýekelderi; 8) kepil berýshiniń, kepilgerdiń, kepildik berýshiniń jáne zaemdy qamtamasyz etý týraly shartynyń taraby bolyp tabylatyn ózge tulǵanyń jaýapkershiligi týraly aqparat beredi. 11.Bank banktik zaem boıynsha sheshim qabyldanǵan kúnnen bastap úsh jumys kúnge deıingi merzimde klıentti banktik zaemdy berý ne bas tartýdyń sebebin kórsete otyryp, berýden bas tartý týraly habardar etedi. 12. Banktik zaem shartynda Qazaqstan Res­pýblıkasy Qarjy naryǵyn jáne qarjy uıym­daryn retteý men qadaǵalaý agenttigi Basqar­masynyń «Banktik zaem shartynyń mindetti talaptarynyń tizbesin bekitý jáne Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Bas­qarmasynyń «Kredıtteý jónindegi qujattama­syn júrgizý erejesin bekitý týraly» 2007 jylǵy 23 aqpandaǵy №49 qaýlysyna tolyqty­rý men ózgerister engizý týraly» 2011 jylǵy 28 aqpandaǵy № 18 qaýlysyna (Normatıvtik quqyqtyq aktilerdi memlekettik tirkeý tiziliminde № 6877 tirkelgen) sáıkes belgilengen banktik zaem shartynyń mindetti talaptary qamtylady. 13. Banktik zaem shartyn qamtamasyz etý kezeńinde bank klıenttiń (zaemshynyń) nemese kepil berýshiniń (Bankter týraly Zańynda kózdelgen banktik qupııany jarııalaýǵa qoıyla­tyn talaptardy saqtaýmen) suratýy boıynsha suratýdy alǵan kúnnen bastap úsh jumys kún ishinde oǵan jazbasha nysanda mynalar týraly málimetterdi beredi: 1) bankke tólegen aqsha somasy; 2) merzimi ótken bereshektiń mólsheri (bar bolǵan kezde); 3) borysh qaldyqtary; 4) kezektegi tólemderdiń mólsheri men merzimderi; 5) kredıtteý lımıti (bar bolǵan kezde). 14. Klıenttiń ótinishi boıynsha bank úsh jumys kúninen aspaıtyn merzimde aıyna bir retten jıi emes jazbasha nysanda banktik zaem sharty boıynsha bereshekti óteý esebine kelip túsetin klıenttiń (zaemshynyń) aqshasyn bólý týraly aqparatty tegin beredi. 15. Klıenttiń bankke banktik zaem sharty boıynsha berilgen aqshanyń barlyq somasyn nemese onyń bir bóligin merzimnen buryn qaıtarý týraly ótinishi boıynsha bank úsh jumys kúni ishinde qaıtarylýy tıis somanyń mólsherin oǵan jazbasha nysanda tegin habarlaıdy. 16. Eger banktik zaem shartynda kózdelgen bolsa, bank kezeńdilik negizinde osy Erejeniń 13-tarmaǵynda kózdelgen málimetterdi klıentke banktik zaem shartynda kózdelgen tásilmen  usynady. 17. Osy Erejeniń 13-16-tarmaqtarynda kózdelgen málimetter negizgi boryshtyń, syı­aqy­nyń, komıssııalyq aqylardyń, turaqsyzdyq aıybynyń jáne aıyppul sanksııalarynyń ózge túrleriniń, sondaı-aq tólenýge jatatyn basqa somalary kórsetile otyryp, usynylady. 18. Banktik zaem shartynda kózdelgen jaǵ­daıda, bank zaemshyny banktik zaem shartynda kózdelgen merzimderde jáne tásilmen shart boıynsha mindettemeni oryndaý merzimi ótip ketkeni jáne tólemderdi engizý qajettigi týraly habardar etedi. Taraptardyń kelisimi boıynsha banktik zaem shartynda shart boıynsha kezekti tólemder jasaý kúni týraly habarlandyrýdyń merzimderi men tásilderi kózdeledi. 19. Bank bereshekti óndirip alýdy Qazaq­stan Respýblıkasynyń banktik zańnamasynda jáne banktik zaem shartynda belgilengen tártip­pen jáne negizdemeler boıynsha júzege asyrady. 20. Banktik zaem sharty boıynsha  bereshekti óndirip alý maqsatynda bank klıentti banktik zaem sharty  boıynsha tólemderdi tóleý qajettigi týraly jáne klıenttiń óz mindettemelerin oryn­damaýynyń saldary týraly habardar etedi. 21. Banktik zaem sharty boıynsha bereshekti óndirip alý týraly habarlamada klıent úshin banktik zaem sharty boıynsha bereshektiń mól­sheri týraly (negizgi borysh, syıaqy, komıs­sııalyq aqy, turaqsyzdyq aıyby jáne aıyppul sanksııala­rynyń ózge túrleriniń somasyn, son­daı-aq tóleýge jatatyn basqa somalardy da kórsetýmen) qysqasha aqparat qamtylady. 22. Klıentke, sondaı-aq kepil berýshige, kepilgerge, kepildik berýshige jáne zaemdy qam­tamasyz etý shartynyń taraby bolyp tabyla­tyn ózge tulǵaǵa da jergilikti ýaqyty boıynsha saǵat 21.00-den  9.00-ge deıin banktik zaem shartyn qamtamasyz etýge baılanysty habarla­ma­lardy berýge jáne eskertýdi júzege asyrýǵa (telefon shalýǵa) bolmaıdy. 23. Osy Erejeniń 20-tarmaǵynda kórse­til­gen habarlamadan týyndaıtyn talaptar qanaǵat­tan­dyrylmaǵan jaǵdaıda, bank klıentke Bankter týraly Zańynyń 36-babynda kózdelgen shara­lardy qoldanady. 24. Banktik zaem shartynda banktiń banktik zaem sharty boıynsha quqyǵyn (talap etý) úshinshi tulǵalarǵa berý quqyǵy (talap etýdi berý) kózdelgen jaǵdaıda, bank quqyǵyn (talap etýdi) tabys etken kúnnen bastap  úshi jumys kún ishinde ol týraly boryshkerdi (onyń ýáki­letti ókilin) tapsyrylǵan quqyq­tarynyń (talap etýdiń) tolyq kólemin, son­daı-aq negizgi borysh­tyń, syıaqynyń, komıs­sııalyq aqynyń, turaq­syzdyq aıyby­nyń, aıyppuldardyń jáne merzimi ótken jáne aǵymdaǵy somalaryn jáne tólenýi tıis basqa somalarynyń qaldyqtaryn jáne zaemdy óteý boıynsha  budan keıingi tó­lem­derdiń maqsatyn – bankke nemese quqyqtary (talap etý) berilgen tulǵaǵa ekenin kórsete otyryp, jazbasha habardar etedi. 4-taraý.  Banktik salym sharttaryn jasasý 25. Banktik salym shartyn jasasqanǵa deıin osy Erejeniń 9-tarmaǵynyń 1) tarmaq­sha­synda kózdelgen málimetter men qujattardan basqa bank aýyzsha nysanda klıentke banktik salymdar boıynsha mynadaı aqparatty usynady: 1) salymnyń túrin (talap etilgenge deıin, merzimdi, shartty); 2) salym merzimin (bar bolsa); 3) eń az salym somasyn; 4) klıent ótinish jasaǵan kúnine syıaqy stavkalary, onyń ishinde shynaıy, jyldyq, tıimdi, salystyrmaly túrde eseptelgen syıaqy stavkasyn (naqty qunyn); 5) qosymsha kelisim jasaýsyz salymnyń merzimin uzartýdyń sharttaryn (bar bolsa); 6) salymdy tolyqtyrý, kapıtaldandyrý múmkindigin; 7) salymdy tolyǵymen nemese ishinara merzimnen buryn alý sharttaryn; 8) kepildik beriletin banktik salymdar boıynsha Qazaqstan Respýblıkasynyń zańna­ma­lyq aktilerinde belgilengen kepildik ótem mólsherin. 26. Banktik salym shartynyń talap­taryna sáıkes qosymsha kelisim jasaýsyz banktik sa­lym merzimin uzartqan kezdegi syıaqy stavka­syn tómendetý jaǵyna ózgert­ken jaǵdaıda bank  klıentti banktik salym shartynda kózdelgen tásilmen banktik salym merzimi aıaqtalǵanǵa deıin syıaqy stavkasyn tómendetý týraly  habardar etedi. 5-taraý. Bankterdiń banktik qyzmetterdi kórsetý úderisinde týyndaıtyn klıentterdiń ótinishterin qaraý tártibi 27. Bankterdiń bank klıentteriniń óti­nish­­terin qaraýy «Jeke jáne zańdy tulǵa­lardyń ótinishterin qaraý tártibi týraly» Qazaqstan Respýblıkasynyń 2007 jylǵy 12 qańtardaǵy Zańynda (О́tinishter týraly Zań) jáne osy Erejede belgilengen tártippen jáne merzimderde júzege asyrylady. 28. Bank klıentterdiń: 1) bankke qolma-qol, pochta baılanysy ar­qy­ly, onyń elektrondyq pochtasyna, ınter­net-resýrsyna kelip túsken jazbasha ótinish­terimen; 2) telefon arqyly jáne klıent bank ofısine tikeleı kelgen kezde  aýyzsha túsken ótinishterimen  jumys júrgizedi. 29. Banktiń ýákiletti adamdary ortalyq ofısinde jáne fılıalda bank Basqarmasynyń tóraǵasy, fılıaldyń dırektory (fılıalda) bekitken qabyldaý kestesine sáıkes kem degende aıyna bir ret jeke tulǵalardyń jáne zańdy tul­ǵalardyń ókilderiniń jeke qabyldaýyn júrgizedi. Qabyldaý belgilengen ári jeke jáne zańdy tulǵalardyń nazaryna jetkizilgen kún men saǵatta jumys orny boıynsha ótkiziledi. Eger banktiń ýákiletti adamy ótinish boıynsha máseleni qabyldaý kezinde sheshe almasa, ol klıentpen jazbasha nysanda baıanda­lady jáne onymen jazbasha ótinish retinde jumys júrgiziledi. 30. Klıentterdiń jazbasha ótinishteri banktiń ishki qujattaryna sáıkes derektemeleri bar jazbasha ótinishterdi tirkeý jýrnalynda tirkeledi. 31. Klıentke onyń jazbasha ótinishiniń qabyldanǵanyn rastaıtyn qaǵaz tasymal­daýysh­­taǵy qujat beriledi, ne ótinishtiń kóshir­mesinde tıisti belgi qoıylady. О́tinish­terdi qabyldaýdan bas tartýǵa jol berilmeıdi. 32. Banktiń ınternet-resýrsy arqyly kelip túsken ótinishter banktiń ishki qujat­tarynda kózdelgen tártippen tirkeledi. 33. Klıentterdiń telefon arqyly kelip túsken ótinishteri tirkeledi. Klıentpen jasal­ǵan telefon sóılesýleriniń jazylýy ol týraly sóılesýdiń basynda habardar etilgen  kezde klıenttiń kelisýi boıynsha júrgiziledi. 34. Bankke aýyzsha nysanda (telefon ar­qy­ly nemese klıent ózi bank ofısine kelgen kezde) kelip túsken ótinishter kidirmeı qara­lady jáne múmkindik bolsa, klıenttiń aýyzsha ótini­shine jaýap birden beriledi. Aýyzsha ótinish birden sheshilmeıtin jaǵdaıda, ol klıentpen jazbasha túrde jazylady da, onymen jazbasha ótinish retinde jumys júrgiziledi. Klıent jaýap alý úshin qajetti rásimderi týraly jáne osyndaı ótinishterdi qaraý merzimderi týraly habardar etiledi. 35.  Bank ótinishti qaraý kezinde usynyl­ǵan aqparat jetkiliksiz bolǵan jaǵdaıda klıentten qosymsha qujattardy jáne málimet­terdi sura­typ alady. 36. Bank jeke jáne zańdy tulǵalardyń ótinishteriniń obektıvti, jan-jaqty jáne ýaq­tyly qaralýyn qamtama­syz etedi, klıentterdi olardyń ótinishterin qaraý qorytyn­dysy jáne qabyldanǵan sharalar týraly habardar etedi. Klıentke ótinishti qaraý qorytyndysy týraly jazbasha jaýaby memlekettik tilde nemese ótinish jasalǵan tilde beriledi jáne onda klıent jazǵan árbir ótinishine, talabyna, usy­ny­myna jáne ózge de suraǵyna  qabyldanǵan sheshim boıynsha shaǵym jasaý quqyqtaryn túsindire otyryp, Qazaqstan Respýblıkasy zań­na­masynyń, banktiń ishki qujattarynyń, qara­la­tyn máselege qatysy bar  sharttardyń tıisti talaptaryna, sondaı-aq qaralatyn máseleniń is júzindegi jaǵdaılaryna silteme jasalǵan negizdelgen jáne ýájdelgen dálelderi  qamtylady. 37. Klıenttiń ótinishi negizdelgen jáne zańdy bolǵan jaǵdaıda bank jónsizdikti joıý jáne klıenttiń quqyqtaryn jáne zańdy múddelerin qalpyna keltirý týraly sheshim qabyldaıdy. 38. Jazbasha ótinishtiń jaýabyna banktiń ýákiletti adamy qol qoıady. 39. Pochta baılanysy nemese qolma-qol tabys etý arqyly kelip túsken jazbasha ótinish­ke jaýapty klıentke tabys etý klıent­tiń ótinishinde kórsetilgen mekenjaı boıynsha pochta arqyly tapsyrylǵany týraly habardar etýmen tapsyrys-hatpen, nemese klıent bankke kelgen kezde qolyn qoıǵyzyp, óziniń qolyna tabys etý arqyly júzege asyrylady, ol týraly banktiń jazbasha ótinishterdi tirkeý jýrnalyn­da belgi qoıylady. 40.  О́tinishterdi qaraýdy taldaý jáne ba­qylaý fýnksııalary banktiń ishki qujatta­ryna sáıkes anyqtalǵan banktiń bólimshesine júk­teledi jáne olarǵa: 1) tıisti ótinishke negizdeme bolyp tabyl­ǵan sebepterdi anyqtaý jáne joıý úshin bank klıentteriniń ótinishterin taldaý jáne qory­tyndylaý; 2) bank úshin bank klıentteriniń ótinish­terimen jumys uıymdastyrýdy jaqsartý boıynsha usynymdar ázirleý; 3) bank basshylyǵyna bank klıentteriniń ótinishterin qaraý qorytyndysy boıynsha osy qarjylyq qyzmetterdi kórsetýdiń barlyq tutynýshylaryna qatysty anyqtalǵan jónsiz­dik­terdi joıý boıynsha qajetti sharalar jónin­de jáne bank qyzmetinde osyndaı jónsiz­dikterge jol bermeý úshin aldyn alý sharalary jóninde usynystar engizý kiredi. Qaýly Qazaqstan Respýblıkasynyń Ádilet mınıstrliginde 2011 jylǵy 11 sáýirde Normatıvtik quqyqtyq kesimderdi memlekettik tirkeýdiń tizilimine № 6884 bolyp engizildi.