Eshteńe de umytylmaıdy

Qazaqstan halqy Assambleıa­sy­­nyń qoldaýymen uıymdasty­ryl­ǵan  «Tarıhtan taǵylym – ót­kenge taǵzym: «ALJIR-QARLAG» atty  halyqaralyq joba  aıasyn­da­ǵy Saıası qýǵyn-súrgin qurban­da­ryn eske alý kúnine arnalǵan sharalar keshe Qaraǵandy aıma­ǵyn­daǵy Dolınka kentinen bastaý aldy. Kezinde zorlyq  pen zombylyqty uıymdastyrýshy­lar­dyń basqarý ortalyǵy bolǵan bul oryn týyp-ósken, eńbek orta­larynan Arqa tósindegi saıyn daladaǵy túrmeler men tikenek sym qorshaýlarǵa jer aýdarylyp qamalǵan on myńdaǵan jazyqsyz jandardyń qasiretine tikeleı kýá. Osynda qurylǵan   eske alý jáne eske saqtaý murajaıy ót­kenniń qaıǵyly kezeńinen jan-jaqty syr shertedi. Onyń ashylý rásiminde Qazaq­stan halqy Assambleıasy Tóraǵa­sy­nyń birinshi orynbasary  Er­aly Toǵjanov sóz sóılep, Elba­sy­nyń saıası qýǵyn-súrgin qur­ban­daryn eske alý kúnine ar­nal­ǵan sharalarǵa qatysýshylarǵa úndeýin oqyp berdi. Cheshen Res­pýb­lıkasy parlamentiniń tór­aǵasy Dýkývaha  Abdýrahmanov ózi bastap kelgen delegasııa aty­nan osy  zulmattyń  barlyq ha­lyqtarǵa batqan zardabyn aıtyp, tarıhtan taǵylym alý paryz ekenin atady. Murajaıdyń ashy­lýy­na qatysýshy elimizdegi dıplo­ma­tııalyq mıssııa, saıası partııalar, qoǵamdyq uıymdar ókilderi, zań­syz zapa shekkender urpaqtary totalıtarlyq júıe qurbandary  jaıynda qundy derekter, jádi­ger­ler toptastyrylǵan ekspozı­sııa­lardy aralap kórdi. Saıası qýǵyn-súrgin qurban­da­ryn eske alý kúninde  sol kezeńde kóz jumǵandardyń Qaraǵandyda, Spasskide jerlengen oryn­da­ry­na  zııarat etilip, olarǵa  arnalyp qoıylǵan eskertkishterge  gúl shoqtary qoıyldy.   E.A.Bóketov atyndaǵy Qara­ǵan­dy memlekettik ýnıversıtetinde ótken «О́tkenge taǵzym – bo­lashaqqa taǵylym» atty  ǵyly­mı-praktıkalyq konferensııada zobalań ýaqyt qupııasy  týraly jańa zertteýler ortaǵa salyndy. Aıqyn NESIPBAI, Qaraǵandy.