11 naýryzdaǵy jer silkinisinen zardap shekken Japonııanyń «Fýkýsıma-1» AES-iniń tórtinshi energoblogynda taǵy da kúshti jarylys boldy.
AES-tiń operatory bolyp tabylatyn TERSO kompanııasynyń málimetteri boıynsha, jarylys radıoaktıvti qaldyqtardy jınaýmen aınalysyp jatqan qashyqtyqtan basqarylatyn býldozerdiń janynda bolǵan. Mamandar máshıne jerge kómilgen gaz ballonyna soǵylǵan degen joramal aıtyp otyr. Jarylys stansa aýmaǵyna eshqandaı zardap ákelmegen kórinedi.
Kaddafıdiń taǵdyry ne bolmaq?
Mýamar Kaddafı elden kete me, álde joq pa degen saýal tóńiregindegi áńgime sońǵy kezderi barynsha órship tur.
Lıvııa basshysy óziniń elden ketýi týraly máseleni talqylaýǵa daıyn degen sybys halyqaralyq koalısııanyń eldiń birqatar nysandaryna, sonyń ishinde Kaddafıdiń rezıdensııasyna da áýeden soqqy jasaýy aıasynda týyndap otyr. Ekinshi jaǵynan, qalaı degende de memleket basshysynyń kózin joıý – álem qaýymdastyǵy, ásirese, arab álemi kózqarasy turǵysynan alǵanda naq bir jaqsy jaǵdaı emes. Brazılııa, Reseı, Úndistan, Qytaı jáne Ońtústik Afrıka tárizdi BRIKS elderi de NATO-nyń álemdik tártip saqshysy bolý ıdeıasyn qoldap otyrǵan joq.
Germanııada energııa tapshylyǵy týyndaı ma?
Atom elektr stansalarynan bas tartýyna baılanysty Germanııaǵa ne energııa tutynýdy qysqartýǵa, ne Reseı energııa kózderine degen táýeldilikti arttyrýǵa týra keledi.
Atom energetıkasy jónindegi sarapshy, Atominfo jobasynyń jetekshisi Aleksandr Ývarov Germanııada qalyptasqan jaǵdaıǵa baılanysty osyndaı pikir bildirip otyr. О́ıtkeni, AES-ter óndiretin elektr qýattarynyń 20 paıyzdan astamyn balamaly energııa kózderi kómegimen almastyrý óte qıyn. Reseılik sarapshynyń aıtýynsha, taǵy bir nusqa bar. Ol Baltyq AES-i iske qosylǵannan keıin Germanııanyń elektr qýattaryn osy stansadan satyp alý múmkindigi.
Iran kansler ushaǵyn ótkizbeı qoıdy
Iran úkimeti Germanııa kansleri Angela Merkel otyrǵan ushaqtyń óz aýmaǵy arqyly ushyp ótýine ruqsat bermeı qoıǵan.
MIGnews agenttiginiń habarlaýynsha, ushaq birneshe saǵat boıy Túrkııanyń ústinde ushyp júrgen. Ushqyshtar janarmaı jetpeı qalýynan qaýiptenip Túrkııaǵa qonbaq bolǵan kezde ǵana aqyry ruqsat berilgen. GFR kansleri otyrǵan ushaq Túrkııadan Úndistanǵa bara jatqan kórinedi. Nemis baspasózi Iran osy arqyly Germanııany Irannyń ıadrolyq baǵdarlamasyna qarsy sanksııaǵa qatysqany úshin jazalamaq boldy degendi aıtyp otyr.
Beıbit halyqty atýǵa jol berilmeıdi
Aýǵanstan prezıdenti Hamıd Karzaı budan bylaı NATO-nyń beıbit turǵyndardyń úılerine avıasoqqy jasaýyna jol bermeıtinin málimdedi.
Memleket basshysy mundaı málimdemeni 28 mamyr kúni NATO áskerleriniń áýeden soqqy berý arqyly eldiń ońtústigindegi Helmand provınsııasynda birneshe áıel men balalardy óltirýinen keıin jasap otyr. NATO-nyń resmı ókili Sanset Belınskı H.Karzaıdyń málimdemesinen keıin NATO-nyń óz strategııasyn qaıta qaraıtynyn habarlaǵan. Biraq ol óz taktıkasynyń tez arada ózgere qoıatyndyǵy týraly eshteńe aıtpaǵan. Jalpy, sońǵy kezderi beıbit turǵyndardyń oqqa ushýy tym jıilep barady.
Otanyn satty dep aıyptamaq
«Birtutas Grýzııa demokratııalyq qozǵalysynyń» jetekshisi Nıno Býrdjanadze Grýzııa prezıdenti Mıhaıl Saakashvılıge, ishki ister mınıstri Vano Merabıshlıge jáne basqa da birqatar sheneýnikterge «saldyr-salaqtyq nemese otandy satty» degen aıyptar taqpaq.
Mundaı jaǵdaı Grýzııa ishki ister mınıstrliginiń qarýly topqa qatysty degen kúdikpen Kınsvısı monastyrynda 24 adam ustaldy degen málimdemesinen keıin oryn alyp otyr. IIM-niń málimetine sáıkes, topqa búginde Reseıde turatyn, Grýzııanyń burynǵy ishki ister mınıstri Temýr Hachıshvılı jetekshilik etken. Býrdjanadzeniń aıtýynsha, Grýzııa bıligi osyndaı aqparatty ustana otyryp, eldiń táýelsizdigi men egemendigine qaýip tóndirip otyr.
Úndistandaǵy avtobýs apaty
Úndistannyń soltústik-shyǵysynda ornalasqan Assam shtatynda avtobýs sýǵa ketip qalǵan.
Onyń salonynda úılený toıyna bara jatqan qonaqtar bolǵan eken. Qarańǵy keshte oryn alǵan apat saldarynan kem degende 37 adam qaza tapqan kórinedi. Kýágerlerdiń aıtýynsha, qaıǵyly jaǵdaıdyń oryn alýyna táýliktiń qarańǵy mezgilinde joldyń buralań ekenin eskertetin jol belgisin baıqamaı qalǵan júrgizýshi kináli. Jergilikti turǵyndardyń kúsh-jigeriniń arqasynda avtobýs ishinde tiri qalǵan 6 adamdy qutqaryp qalýdyń sáti túsipti.
Qııardan týǵan qarbalas
Eýropada «qııar» dúrbeleńi barǵan saıyn qarqyn ala túsýde.
Oqıǵa Germanııada asqazan-ishek ınfeksııasynyń burq ete qalýyna baılanysty bastalyp otyr. Ispanııadan ákelingen qııardy tamaqqa paıdalaný saldarynan elde 10 adam qaıtys bolyp, 1200 adam aýyr naýqas belgilerimen aýrýhanalarǵa túsken kórinedi. Soǵan oraı Reseıdiń Eýropamen shekaralas óńirlerinde de qaýipsizdik sharalary qolǵa alynýda. Atap aıtqanda, 30 mamyrdan bastap Reseı Ispanııa men Germanııadan kókónis ákelýge tyıym salyp otyr.
Internet materıaldary negizinde ázirlendi.
