Elimizdiń álemdegi orny joǵary

Bilim jáne ǵylym mınıstrligi janyndaǵy Ǵylym komıtetiniń Fılosofııa jáne saıasattaný ınstıtýty Almaty qalasynda Qa­zaqstan Respýblıkasy táýelsizdiginiń 20 jyldyǵyna arnap «Táýelsiz Qazaqstannyń halyqaralyq dárejesiniń ósýi jáne jahandaný joly» atty halyqaralyq ǵylymı-tájirıbelik konferensııa ótkizdi.

Konferensııaǵa fılosofııa jáne saıasattaný ınstıtýtynyń dırektory Á.Nysanbaev, Bilim jáne ǵylym mınıstrligi Ǵylym komıtetiniń hatshysy B.Qasym­bekov, Parlament Májilisiniń Halyqaralyq ister, qorǵanys jáne qaýipsizdik komıtetiniń mú­shesi, professor K.Burhanov, Senat depýtaty A.Bıjanov qaty­syp, elimizdiń halyqaralyq qaty­nastar júıesindegi róli men ornyna taldaý jasady. Jıynda munan ózge Qazaqstannyń syrtqy saıasaty, EQYU tóraǵalyǵyndaǵy jetistigi, ShYU sammıti, Islam Konferensııasy Uıymy tóraǵa­lyǵy jáne ıslam álemine ózin biregeıleýi, N.Nazarbaevtyń Eýrazııa doktrınasy, Qazaqstan men Ortalyq Azııa memleketteriniń HHI ǵasyrdaǵy álemdik tártip jaǵdaıyndaǵy orny sııaqty bir­qatar mańyzdy máseleler qoz­ǵaldy.

Elimiz óz táýelsizdiginiń 20 jyldyq jolynda áleýmettik-ekonomıkalyq damý, saıası júıeni qalyptastyrý sekildi úlken jetistikterge qol jetkizip, halyq­aralyq sahnada joǵary bedelge ıe boldy. EQYU tór­aǵalyǵy men atalǵan uıymnyń sammıti, IKU men ShYU-nyń yntymaq­tas­tyq sammıti sekildi ótkizil­gen jáne josparlanǵan iri sharalar elimiz­diń syrtqy saıasa­ty­nyń da ózindik baǵyt-baǵ­daryn­da úlken orynǵa ıe ekendigin aıǵaqtap berdi.

Qanat ESKENDIR, jýrnalıst. Almaty.