Táýelsizdiktiń tuńǵysh túlekteri

El azattyǵyn alyp jatqan jy­ly, mektep bitirip, azamat atan­dyq. Qoǵamnyń alasapyran ýaqy­ty edi ol. Memlekettik qurylym túbe­geı­li ózgerip jatqan. Saıası pikirqaı­shylyqtar men ekonomı­kalyq qaı­ta qurýdyń kezinde barar baǵy­ty­myzdy ańdaı almaı qalǵan tusqa tap bolǵan jaıymyz bar. Ne isteý kerek? Qolymyzǵa attestat alyp, júregimiz atsha tý­la­ǵanymen, alda­ǵy kúnimiz tu­man­dy kóringenin kimnen jasyrýǵa bo­lady?! Sonda da bolsa, armandastar jan-jaqqa bilim qýyp, el bolashaǵynyń irgesin jurtpen birge qalaýǵa bilek sybana kirisip kettik... Sodan beri arada jıyrma jyl ótipti. Osy aralyqta elimiz adam tanymastaı ózgerdi. Elbasynyń sa­lıqaly saıasatynyń arqasynda álem kartasynda Qazaqstan atty aıbyndy memleket quryldy. Eko­nomıkamyz órge basyp, áleýmettiń áleýeti arta tústi. Elimiz ertegidegi bahadúrler sekildi kún saıyn emes, saǵat saıyn ósti. Oǵan ózimiz kýámiz. Osyndaı tarıhı sáttiń kýási etken Jaratqanǵa qalaısha shúkirshilik aıtpaısyń. Bıyl mektep bitirgenimizge 20 jyl ótipti. Synyptastar bas qo­syp, sonaý balalyq shaqqa qaıta oralǵandaı bolyp otyrmyz. Keshe ǵana, alǵashqy ustazymyz Sarakúl Júsipbekova apaıymyzdyń al­dyn­da jáýdirep otyrǵandaımyz. Ár­birimizge qalam men qaǵaz us­tatyp, aıaly alaqanymen shashy­myz­dan sıpap turǵandaı. Bir sy­nypta 42 búldirshin árip tanyp, saýat ashtyq. Bastaýysh sanyptardy aıaqta­ǵan sátimizde, aǵylshyn pániniń muǵalimi Alýa Razaqova apaıymyz qolyna aldy. Bizdiń eseıip, ómirge degen kózqarasymyzdy qalyptas­ty­ra bildi. Árbirimizdi óz bala­syn­daı mápelep, ata-anadan aıy­ryl­ǵan qamkóńil qatar­las­tary­myz­­dyń jaǵdaıyna úlken júrek­pen aralasty. Synyptar joǵary­la­ǵan saıyn, árqaısymyzdyń minezimiz ashylyp, aınalaǵa syn kózben qaraı bastaǵandaı boldyq. Tipti keıbireýlerimiz, ózimiz bol­ǵandaı áserde júrdik. О́r kóńil keýdemizdiń órekpik jelin, tarıh páninen sabaq bergen Manat Smatova apaıymyz sý sepkendeı basa­tyn. Ol kisi kele jatqanda al­dyn­da qyzdaı syzylǵanymyzdy sez­beı de qalatyn edik. О́mirge degen týralyq pen shynshyldyqty sol jannan sińirdik. Barlyq bala ózimizshe bir álem edik. Ishtegi bir arpalys shyǵarmashylyǵymyzdy damytty. Bir-birimizden urlana ja­zatyn taqpaq, jyrlarymyz qan­shama edi. Ádebıet páninen sabaq beretin Shara apaıymyzdyń aý­zy­na qaraıtynbyz. Endi ǵana «sen keremetsiń» dep aıtatyndaı. Azattyqpen birge altyn uıa mek­tebimizden qarlyǵashtaı ushyp shyqtyq. О́mir biz oılaǵandaı armandardan turmaıtynyn bildik. Synyptar túgelge derlik joǵarǵy oqý oryndaryna tústik. Taýdaı bolǵan talapkerler, bytyrap jan-jaqqa shashylyp kettik. Bıyl Táýelsizdik alǵanymyzǵa 20 jyl tolyp otyr. Bizdiń de to­lysyp, el qabyrǵasynyń bir kirpishi bolǵanymyzǵa osynsha jyl bolypty. Sonaý bir kezdegi balaýsa jastar, ár salada eńbek etip, eldiń órkendeýine úles qosyp júr. Aramyzdan oqymystylar da, ká­sipkerler de, shyǵarmashylyq jan­­dar da shyqty. Olardyń bári el bolashaǵy úshin erinbeı eńbek etýde. О́ıtkeni, olar – táýelsizdiktiń alǵashqy túlekteri. Al el úshin eńbek etýge baýlyǵan, memleketshildik sana qalyptastyrǵan, azamat etken ustazdarymyzǵa aıtar alǵysymyz ushan-teńiz... Sapar RAHMENShEEV, Qyzylorda oblysy densaýlyq saqtaý basqarmasy bastyǵynyń mindetin atqarýshy.