I respýblıkalyq «Maǵjan kóktemi» óner festıvaliniń EREJELERI

Soltústik Qazaqstan oblysy­nyń ákimdigi men Mádenıet mı­nıstrliginiń Mádenıet komıteti Táýelsizdigimizdiń 20 jyldyq me­reı­toıyna arnap 2011 jylǵy 20-22 qazan kúnderi Petropavl qala­synda I respýblıkalyq «Maǵ­jan kóktemi» óner festıvalin ótkizedi. «Qazaqtyń asyl perzenti, al­ty alashtyń ardaqtysy, halqy úshin, eliniń bolashaǵy úshin jar­qy­rap janǵan, kúnge ǵana tabyn­ǵan, ózine ǵana baǵynǵan, júregi men jany – ot, ımany men ary – ot Maǵjan Jumabaev poezııa ále­mindegi sáýlesi máńgi óshpes jul­dyz, qaıtalanbas qubylys!» – dep jazdy Elbasy N.Á. Nazarbaev óziniń «Tarıh tolqynynda» atty kitabynda. «Búgingi kúnniń bar jazýshynyń ishinen keleshekke boı uryp, artqy kúnge anyq qalýǵa jaraıtyn Maǵjannyń só­zi» (M. Áýezov) – qazaq ádebıetin HH ǵasyrdyń basynda-aq álemdik deńgeıge kóterdi. Ol halqyna bú­kil óleńimen, ómirimen janyn sala qyzmet etti. Maǵjannyń óz ul­tyna degen mahabbaty adamzatqa degen súıispenshiligimen jiksiz ula­syp jatty. Maǵjan Orta Azııa aqyndarynyń arasynan sýyry­lyp shyǵyp, Turan jurty men túrki qundylyqtaryn jyrlady. Turan halyqtarynyń sonaý gún­nen bastalatyn tarıhyn sholyp, osynaý eýrazııalyq keńistiktegi mádenı, rýhanı baılanystar bó­ge­sinderine eresen qaırat kór­set­ti. Maǵjan álemin tanyǵan, tere­ńine boılaǵan ár adamnyń jan dúnıesi erekshe nurlanyp, órisi ashylary sózsiz. Festıvaldiń basty maq­saty – uly aqynnyń shyǵarmashylyq murasyn júıeli túrde nasıhattap, esimin el esinde máńgi saqtaý, jas urpaqty otan­súıgishtikke tárbıeleý, ha­lyqtyń mádenı-rýhanı aıa­syn keńeıtý jáne ádebıet pen óner, mýzyka salala­rynda ozyq dúnıelerdiń kelýine múmkindik týdyrý. Festıval tómendegi­deı úsh nomınasııa boı­yn­sha ótkiziledi: I. Maǵjanǵa arnalǵan jazba aqyndar músháırasy. Mazmuny men taqyryby uly aqynnyń shy­ǵarmashylyq-adamı kelbetin, aı­ny­mas ustanymyn, eldik-erlik qa­sıetin, ult taǵdyryndaǵy ala­tyn ornyn, týyp ósken jeriniń shejireli tarıhyn, sulý tabı­ǵa­tyn, osy óńirde ómir súrip jat­qan halyqtyń aq peıildi dostyq qushaǵyn, Qazaqstan ekonomıka­syn kóterýdegi jasampaz isterin kórsetetin týyndylar bolǵany abzal. Buryn esh jerde jarııa­lan­baǵan, or­yndalmaǵan, 14 keglmen bas­ty­rylǵan, kólemi 4-5 bettik bir nemese birneshe óleńderden tura­tyn toptamasy búrkenshik (psevdonım) atpen birinshi jeke konvertte jiberiledi. II. Maǵjan óleńderin máner­lep oqý – kórkemsóz oqýshylar óne­ri. Aqynnyń murasy – óleń­de­ri, poemalary, prozalary jat­qa oqylyp, aýdıotaspaǵa, SD, DVD, nemese mını-dıskige ja­zyl­ǵan túrinde búrkenshik (psevdonım) atpen birinshi jeke konvertte jiberiledi. Uzaq­ty­ǵy: 7-8 mınót. III. Maǵjan óleńderine jazylǵan jańa ánder. Mýzykalyq týyndy­nyń uzaqtyǵy 3-4 mı­nót­ten aspaýy kerek. Ol aý­dıotaspaǵa, SD, DVD-dıs­kilerge, nemese mını-dıskige jazylǵan túrinde, buǵan qosa eki dana klavıri (partıtýrasy) men eki dana óleńi qosa jiberiledi. Bular búrkenshik (psevdonım) atpen birinshi jeke konvertte jiberiledi. Bir avtordyń birneshe shyǵar­ma­symen qatysýǵa quqyǵy bar. Músháıraǵa qatysýshylardyń, mánerlep oqýshylardyń, ánshi­ler­­diń sheberligine, mádenıetine, daýysynyń sulýlyq ıirimderine ádilqazylar tarapynan úlken mán beriledi. Qatysýshylardyń jasy­na shek qoıylmaıdy. Músháıra jyr-óleńderi, má­ner­lep oqýshylar óneri, jańa án­der 2011 jyldyń 30 qyrkúıegine deıin myna meken-jaıǵa jiberiledi: 642027, Petropavl qalasy, Qa­zaqstan Konstıtýsııasy kóshesi, 58 úı, Soltústik Qazaqstan obly­synyń ákimdigi. Baılanys tele­fo­ny: (87152) 46-03-32. Jeńimpazdarynyń gala-konserti 2011 jyly 22 qazanda ótedi. Qatysýshylar tómendegi qu­jat­tardy ekinshi jeke konvertte qosa jiberedi: – jeke jáne salyq tóleýshi kýálikteriniń kóshirmeleri; – shyǵarmashylyq ómirbaıany; – bilimi jaıyndaǵy kýáliktiń kóshirmesi (oqýshylar men stýdentter úshin anyqtama); – túrli-tústi 13h18 kólemdegi eki fotosýret; – meken-jaıy, baılanys tele­fony, elektrondyq poshtasy. Jeńimpaz atanǵan avtorlar men oryndaýshylardyń jatyn or­nyn, kelip-ketý jolyn (temir jol), ta­ma­ǵyn uıymdastyrýshy jaq kóteredi. Qazylar alqasyna respýb­lı­ka­nyń belgili mádenıet, áde­bı­et já­ne óner qaıratkerleri shaqy­ry­lady. Marapattaý júldeleri Festıval jeńimpazdaryna tómendegideı júldeler taǵaıyndalady: - bir bas júlde jáne laýreat ataǵy (úsh nomınasııaǵa ortaq); - bir birinshi júlde jáne laýreat ataǵy (ár nomınasııa boıynsha); - bir ekinshi júlde jáne laýreat ataǵy (ár nomınasııa boıynsha); - bir úshinshi júlde jáne laýreat ataǵy (ár nomınasııa boıynsha); - eki kótermeleý  júldesi    jáne    dıplomant    ataǵy    (ár nomınasııa boıynsha).