Halyqaralyq qujattar bekitildi

Keshe Parlament Senaty Tór­aǵasynyń orynbasary Mu­hambet Kópeevtiń tóraǵalyq etýimen joǵarǵy palatanyń kezekti jalpy otyrysy boldy, dep habarlady Parlament Se­natynyń baspasóz qyzmeti. Jal­py otyrysta birqatar ha­lyq­aralyq kelisimder ratıfı­ka­sııalandy. Olardyń ishinde «Tarıftik saıa­sat negizderin qosa alǵanda, temir jol kóliginiń qyzmetterine qol jetkizýdi retteý týraly kelisimdi ratıfıkasııalaý týraly», «Belarýs Respýblıkasyndaǵy, Qa­zaqstan Respýblıkasyndaǵy jáne Reseı Federasııasyndaǵy teh­nı­kalyq retteýdiń biryńǵaı qaǵı­dat­tary men qaǵıdalary týraly kelisimdi ratıfıkasııalaý týra­ly» zań jobalary bar. Ekinshi zań jobasy boıynsha qoıylǵan depý­tattardyń kóptegen saýaldaryna Indýstrııa jáne jańa tehnolo­gııa­lar mınıstriniń orynbasary A.Raý jaýap berdi. Al «Úshinshi memleketterden kelgen zańsyz eńbek kóshi-qo­nyna qarsy is-qımyl jónindegi yn­tymaqtastyq týraly kelisimdi ratıfıkasııalaý týraly» jáne «Kó­ship-qonýshy eńbekshiler men olar­dyń otbasy músheleriniń qu­qyqtyq mártebesi týraly kelisimdi ratıfıkasııalaý týraly» zań jobalary boıynsha Eńbek jáne halyqty áleýmettik qorǵaý mınıstri G.Ábdiqalyqova men Ishki ister mınıstriniń oryn­basary A.Ký­lınıch baıandady. Bul joba­larǵa negiz bolǵan qu­jat­tarǵa Keden odaǵyna qaty­sýshy memleketter úkimetteriniń bas­shylary Sankt-Peterbýrgte 2010 jyly qarashada qol qoıǵan bolatyn. Jalpy otyrysta qoldanys­taǵy zańnamaǵa elektrondy aqsha máseleleri boıynsha ózgerister engizý týraly zań jobasy ekinshi oqylymda qaraldy. «Qazaqstan Respýblıkasynyń keıbir zańna­ma­lyq aktilerine elektrondy aqsha máseleleri boıynsha ózgeris pen tolyqtyrýlar engizý týraly» zań jobasyna engizilgen óz­ge­rister Parlament Májilisine jiberildi.