Táýelsizdik jáne dramatýrgııa

Jaqynda L.N.Gýmılev atyn­daǵy Eýrazııa ulttyq ýnıversıtetindegi akademık R.Nurǵalı dáris­hanasynda «Táýelsizdik murat­taryn qalyptastyrýdaǵy qazirgi qazaq dramatýrgııasynyń estetı­ka­lyq-áleýmettik fýnksııasy» jo­basy aıasynda «R.Nurǵalı mu­rasy jáne qazirgi dramatýr­gııa­daǵy táýelsizdik murattary» atty ǵylymı semınar ótti. Sondaı-aq ǵalymdar, aqyn-jazý­shylar, rejısserler, ártis­ter jáne stýdentter qatysqan semınarda R.Nurǵalıdyń qazaq dra­matýrgııasyn zerdeleýdegi eńbegi, qazirgi dramatýrgııadaǵy táýel­siz­dik murattarynyń berilýi, zamana shyndyǵynyń beınelenýi, qazaq jáne álem dramatýrgııasy da­mýyn­daǵy sabaqtastyqtar sııaqty keleli áńgimeler qozǵaldy. Memlekettik syılyqtyń laýreaty, ja­zý­shy-dramatýrg Ákim Tarazı drama janryn zertteýdegi Rym­ǵalı Nurǵalıdyń úlken eńbegi týraly aıta kele, dramatýr­gııa­nyń qazirgi ahýaly, jastardyń bul janrdaǵy jańa izdenisteri týraly oı qozǵasa, Q.Qýanyshbaev atyndaǵy teatrdyń dırektory E.Jýasbekov te akademık ǵalymnyń dramany zerdeleýdegi ulan-ǵaıyr eńbegin qazirgi dramatýrgııanyń damýymen, teatr ahýalymen baı­lanystyra órbitti. Qazirgi dra­matýrgııanyń táýelsizdik murat­taryn qalyptastyrýdaǵy róli týraly basqa da qalamgerler jan-jaqty aıtyp ótti. «Egemen-aqparat».