Zań men onyń oryndalýynda alshaqtyq bolmaýy tıis

Keshe «Dıplomat» qonaq úıinde «Bolashaq» Konsaltıngtik tobynyń» uıymdastyrýymen «Qazaqstan Respýblıkasyndaǵy normashyǵarmashylyq: teorııalyq jáne praktıkalyq proble­malary» atty respýblıkalyq ǵylymı-praktıkalyq konferensııa ótkizildi. Konferensııa jumysyna sáttilik tilegen Ádilet vıse-mınıstri Dáý­let Qusdáýletov elimizdegi zańdar­dy jetildirýdegi olqylyqtar qo­ǵam­dyq qatynastardy ǵana emes, makro­eko­no­mıkany da keıinge tar­ta­tynyn atap kórsetti. Onyń eldiń damý jo­lyna kedergi bolatyn faktor ekeni de anyq. Sondyqtan, zań shyǵar­ma­shylyǵyndaǵy sapaly zań­dar qo­ǵam­dy alǵa jeteleıtin úlken kúsh bolyp tabylatynyn anyq uǵ­yn­ǵandyqtan, biz osy joldaǵy ju­mystardy jan­dan­dyrýǵa tıispiz. Máselen, zańdar­ǵa engizilip júrgen tolyqtyrýlar men ózgerister kóbine kútken dáre­jesindegi tıimdilikti ákelmeıtini ras, sondyqtan zań normalaryn je­tildirýdiń mańyzy óte zor, dedi ol. Osydan keıin konferensııa ju­mysyna moderatorlyq etýshi zań ǵy­lymdarynyń doktory, professor Marat Sársembaev «Norma­shy­ǵarma­shylyq qyzmetin jetildirý» ta­qy­ry­bynda baıandama jasap, ǵa­lym osy másele turǵysynda birneshe usynys­ta­ryn aıtty. Biz zań ómirge kelgennen keıin ony erkin qoıa beremiz, ol zań qalaı oryn­da­lýda, qaı aımaqta qalaı oryndalyp júr, durys, pár­men­di zań boldy ma, eger oryndal­masa, onyń sebepteri qandaı, ol jaǵyn zerttep jatpaı­myz. Sondyq­tan zańnyń qoǵamǵa durys qyzmet etýi úshin oǵan monıtorıng júrgizý mańyzdy. Bul oraıda jyl saıyn memlekettik bıýdjetten osy maqsat­qa arnaıy qarajat bólý jáne qu­qyq­tyq monıtorıng júrgizýdi uıym­das­tarý jumysyna zańgerler daıarlaı­tyn beldi joo-lar men ǵylymı zertteý ınstıtýttaryn tartý kerek, dedi M.Sársembaev. Bál­kim, bizder Úki­met­ke qabyldan­ǵan zańdar men ha­lyq­aralyq keli­sim­derdiń qanshalyq­ty paıda ákele­tinin tekseretin ar­naıy qarjy-aý­dıt memlekettik or­ga­nyn qurý jaı­yn­da usynyspen shy­ǵarmyz. Shy­ny­men, ǵalym aıtqan pi­kirdiń jany bar. Shet elderde os­yndaı organ­dardyń jumys jasaý tájirıbesi jınaqtalǵany belgili. Sheteldik memlekettermen jáne halyqaralyq uıymdarmen ynty­maq­tastyqty damytýda qoldanys­taǵy zań­dardy jetildirip otyrýmen qatar, álemdegi zań jasaý úderisinde mem­le­ketterdiń bir-biriniń zań shy­ǵarma­shy­lyǵyndaǵy tájirıbelerin eskerip otyratyny aıan. Konferensııada baıandama jasaǵan kelesi sheshen qoz­ǵa­ǵan taqyryp osy másele tóńireginde boldy. Zań ǵylymda­ry­nyń doktory, Respýblıkalyq zań shyǵarý ınstı­tý­tynyń dırektory, professor Juma­bek Busyrmanov «Nor­mashyǵarma­shy­lyq jáne qu­qyq­ty ınternasıo­nal­dan­dyrý» ta­qyrybynda jasaǵan ba­ıan­damasynda máseleniń Reseı, Qa­zaqstan, Belarýs arasyndaǵy Kedendik odaq ba­rysynda alǵa shyǵyp ot­yrǵanyn tilge tıek etti. Konferensııaǵa qatysýshylar nor­­mashyǵarmashylyq qyzmetinde ǵy­lymı álem men azamattyq qoǵam ókilderiniń bul iske belsendi túrde atsalysýynyń mańyzdylyǵyna mán berdi. Naqty quqyqtyq normalar mazmunynyń dáldigi men anyq­ty­ǵyna qol jetkizý, normatıvtik qu­qyqtyq aktiler men halyqaralyq sharttardyń sáıkestendirilýi jáne jalpy quqyqtyq qurylymdardyń úılesimdi jumys atqarýy syndy qadaý-qadaý máseleler konferensııa barysynda jan-jaqty sóz boldy. Ǵylymı-praktıkalyq konferen­sııaǵa qatysýshylar normashyǵar­ma­shylyqtyń otandyq júıesin ári qaraı damytý jóninde usynystar ázirlep, osynda jasalǵan baıandamalar men sheshenderdiń jaryssózdegi sózderin jınaq etip shyǵarýdy uı­ǵar­dy. О́ıtkeni, bul taqyryp bir kún­de qozǵalyp, sonymen qoıa sala­tyn ta­qyryp emes dedi, jınalǵandar. Anar TО́LEÝHANQYZY.