Aqtańdaqtar sanadan óshpeıdi

Parlament Májilisinde «Nur Otan» HDP fraksııasy janyndaǵy Áleýmettik keńes tóraıymy, Májilis depýtaty Aıtkúl Samaqova 31 mamyr – Saıası qýǵyn-súrgin qurban­daryn eske alý kúnine oraı Astanadaǵy Balalar úıiniń bir top oqýshylaryn Aqmol aýylynda ornalasqan «ALJIR» memorıaldy-murajaı keshenine taǵzym etýge alyp bardy. Olar aldymen Keńes Odaǵyn­daǵy myńdaǵan jeke adamdar ǵa­na emes, túgeldeı halyqtar taǵ­dyryn qıǵan totalıtarlyq tár­tip qurbandaryn bir mınýt únsiz eske alyp, 7000 adamnyń aty-jóni jazylǵan eske alý qabyr­ǵa­syna gúl shoqtaryn qoıdy. Sodan keıin balalar «Qaqaǵan sýyq «ALJIR» derekti fılmin kórip, «Qupııa sandyq syr shertedi», «GÝLAG balalary» dep atal­ǵan kórmelerdi qarady. Kórme negizi murajaı qyzmetkerleriniń ǵylymı ekspedısııalary kezinde Orynbor, Máskeý, Omby, Al­ma­ty, Tashkent, Qyzylorda qala­la­ry­nan jınalǵan. «ALJIR» lageri tutqyndarynyń taǵdyry ta­qyrybyn ashatyn fotoqujattar, hattar jáne olardyń jeke zat­ta­ry qoıylǵan. KSRO-da talaıdyń ómi­rin tozaqqa aınaldyrǵan 953 lager bolsa, sonyń úsheýi elimiz aý­ma­ǵynda quryldy. Osyndaǵy aty­nan adam shoshyrlyq «ALJIR» la­geri KSRO-daǵy áıelder qamal­ǵan jalǵyz azaptaý orny boldy. – Memleket tarıhtyń aqtań­daq betteri halyq sanasynan umy­tylyp ketpeýi úshin, jas­tar­dyń boıynda Otanǵa, ultqa degen ulan-ǵaıyr súıispenshilik sezimi qalyptasýy úshin bárin jasap jatyr. Búgingi sendermen birge totalıtarlyq tártip qurban­da­ryn eske alyp jatqanymyz so­nyń bir kórinisi, – dedi balalarmen bolǵan áńgimede Aıtkúl Samaqova. Sáýle DOSJANOVA, jýrnalıst Sýretterdi túsirgen Saılybaı MAILYBAEV.