Qazaqstan Respýblıkasy Indýstrııa jáne jańa tehnologııalar mınıstrliginiń buıryǵy №123

2011 jylǵy 29 sáýir              №123             Astana qalasy «Uıymdardyń standarttaryn ázirleý, bekitý, esepke alý, ózgertý jáne kúshin joıý, tirkeý, belgileý, basyp shyǵarý erejesin bekitý týraly» Qazaqstan Respýblıkasy Indýstrııa jáne saýda mınıstriniń 2007 jylǵy 2 qyrkúıektegi №256 buıryǵyna ózgeris engizý týraly «Tehnıkalyq retteý týraly» Qazaqstan Respýblıkasynyń Zańyna sáıkes buıyramyn: 1. «Uıymdardyń standarttaryn ázirleý, bekitý, esepke alý, ózgertý, kúshin joıý, tirkeý, belgileý, basyp shyǵarý erejelerin bekitý týraly» Qazaqstan Respýblıkasy Indýstrııa jáne saýda mınıstriniń 2007 jylǵy 2 qyrkúıektegi №256 buıryǵyna (Normatıvtik quqyqtyq kesimderdi memlekettik tirkeý tiziliminde №4949 engizilgen, Qazaqstan Respýblıkasynyń Ortalyq atqarýshy jáne ózge de ortalyq memlekettik organdarynyń aktiler jınaǵynda, 2007 jylǵy qyrkúıek-qazanda jarııalanǵan) mynadaı ózgeris engizilsin: atalǵan buıryqpen bekitilgen Uıymdardyn standarttaryn ázirleý, bekitý, esepke alý, ózgertý, kúshin joıý, tirkeý, belgileý, basyp shyǵarý erejesinde: 17-tarmaqtyń úshinshi bólimi mynadaı redaksııada jazylsyn: «Uıym standarty 30-kúntizbelik kúnde qaralady. Oń sheshim qabyldanǵanda 2 jumys kúnnen uzaq emes kúnde tirkeledi. Teris nátıje kezinde qaıta qaraýǵa jiberiledi.» 2. Qazaqstan Respýblıkasy Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıteti (R.A.Sátbaev) zańnamada belgilengen tártippen osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne buqaralyq aqparat quraldarynda resmı jarııalanýyn qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Indýstrııa jáne jańa tehnologııalar vıse-mınıstri N.Q.Ábdibekovke júktelsin. 4. Osy buıryq onyń alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Premer-Mınıstriniń orynbasary – Qazaqstan Respýblıkasy Indýstrııa jáne jańa tehnologııalar mınıstri Á.ISEKEShEV. _________________________________ Buıryq Qazaqstan Respýblıkasynyń Ádilet mınıstrliginde 2011 jylǵy 16 mamyrda Normatıvtik quqyqtyq kesimderdi memlekettik tirkeýdiń tizilimine №6958 bolyp engizildi.