Qazaqstan Respýblıkasy Bilim jáne ǵylym mınıstrliginiń buıryǵy №136

Qazaqstan Respýblıkasy Bilim jáne ǵylym mınıstrliginiń buıryǵy 2011 jylǵy 7 sáýir                  №136                          Astana qalasy Qazaqstan Respýblıkasynyń Prezıdenti belgilegen stıpendııalardy taǵaıyndaý erejesin bekitý týraly Qazaqstan Respýblıkasy Prezıdentiniń «Qazaqstan Respýblıkasy Prezıdentiniń stıpendııasyn taǵaıyndaý týraly» 1993 jylǵy 5 naýryzdaǵy № 1134 qaýlysynyń 6-tarmaǵyn oryndaý úshin buıyramyn: 1. Qosa berilip otyrǵan Qazaqstan Respýblıkasynyń Prezıdenti belgilegen stıpendııalardy taǵaıyndaý erejesi bekitilsin. 2. «Qazaqstan Respýblıkasynyń Prezıdenti belgilegen stıpendııalardy taǵaıyndaý erejesin bekitý týraly» Qazaqstan Respýblıkasy Bilim jáne ǵylym mınıstri mindetin atqarýshynyń 2005 jylǵy 4 mamyrdaǵy № 281 buıryǵynyń (Normatıvtik quqyqtyq aktilerdi memlekettik tirkeý tiziliminde № 3668 tirkelgen, «Zań gazetiniń» 2005 jylǵy 14 qazandaǵy № 190-191 (924-925) jarııalanǵan) kúshi joıyldy dep tanylsyn. 3. Joǵary jáne joǵary oqý ornynan keıingi bilim departamenti (S.M. О́mirbaev): 1) osy buıryqty belgilengen tártippen Qazaqstan Respýblıkasy Ádilet mınıstrliginde memlekettik tirkeýdi qamtamasyz etsin; 2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn. 4. Osy buıryqtyń oryndalýyn baqylaý vıse-mınıstr M.K. Orynhanovqa júktelsin. 5. Osy buıryq alǵash ret resmı jarııalanǵannan keıin on kúntizbelik kún ótken soń qoldanysqa engiziledi. Mınıstr     B.JUMAǴULOV. Qazaqstan Respýblıkasy Bilim jáne ǵylym mınıstriniń 2011 jylǵy 7 sáýir № 136 buıryǵymen bekitilgen Qazaqstan Respýblıkasynyń Prezıdenti belgilegen stıpendııalardy taǵaıyndaý erejesi 1. Osy Qazaqstan Respýblıkasynyń Prezıdenti belgilegen stıpendııalardy taǵaıyndaý erejesi (budan ári – Ereje) Qazaqstan Respýblıkasy Prezıdentiniń «Qazaqstan Respýblıkasy Prezıdentiniń stıpendııasyn taǵaıyndaý týraly» 1993 jylǵy 5 naýryzdaǵy № 1134 qaýlysynyń 6-tarmaǵyna sáıkes ázirlengen jáne Qazaqstan Respýblıkasynyń Prezıdenti belgilegen stıpendııalardy (budan ári – stıpendııa) menshik nysany men vedomstvolyq baǵynystylyǵyna qaramastan joǵary oqý oryndarynyń bilim alýshylaryna taǵaıyndaý tártibin aıqyndaıdy. 2. Stıpendııa: 1) stýdentter men magıstranttardyń ǵylymı-zertteý jáne oqý-tanymdyq qyzmetin yntalandyrýǵa; 2) anaǵurlym talantty jáne daryndy stýdentter men magıstranttardy qoldaýǵa; 3) ıntellektýaldy áleýetin qalyptastyrýǵa yqpal etýge baǵyttalǵan. 3. Stıpendııa sanyn joǵary oqý oryndary arasynda bólý Qazaqstan Respýblıkasynyń joǵary oqý oryndarynda kúndizgi oqý nysany boıynsha bilim alýshylardyń kontıngentine sáıkes júzege asyrylady. 4. Kúndizgi oqytý nysany boıynsha bilim alýshylardyń sany 700-den kem stýdenti bar joǵary oqý oryndaryna stıpendııa bólý júzege asyrylmaıdy. 5. Stıpendııa kúndizgi oqý nysany boıynsha oqıtyn stýdentterge 3-kýrstan bastap, magıstranttarǵa – ekinshi oqý jylynan bastap memlekettik bilim berý tapsyrysy boıynsha jáne aqyly negizde tek «óte jaqsy» (A, A-) oqıtyn stýdentterge beriledi. 6. Stıpendııa bilim alýshylardyń mynadaı sanattaryna taǵaıyndalady: 1) respýblıkalyq jáne halyqaralyq olımpıadalardyń, shyǵarmashylyq konkýrstardyń, sporttyq jarystardyń, festıvaldardyń jeńimpazdary nemese jańalyq avtorlary; 2) ǵylymı eńbek jınaqtarynda, respýblıkalyq jáne halyqaralyq ǵylymı jýrnaldarda jarııalanymdary bar; 3) tabystary dıplomdarmen, gramotalarmen, sertıfıkattarmen, kýáliktermen rastalǵan ǵylymı-zertteý jumystarymen belsendi aınalysatyndar; 4) bilim berý uıymynyń qoǵamdyq, mádenı jáne sporttyq ómirine belsene aralasatyndar. 7. Stıpendııa ǵylymı keńestiń sheshimi negizinde joǵary oqý orny rektorynyń buıryǵymen júzege asyrylady. 8. Stıpendııa bir akademııalyq kezeńge taǵaıyndalady. 9. Stıpendııa joǵary oqý ornynyń ǵylymı keńesiniń sheshimine sáıkes bir tulǵaǵa birneshe ret berilýi múmkin. 10. Kezekti akademııalyq kezeńge stıpendııalardy taǵaıyndaý jónindegi joǵary oqý orny ǵylymı keńesiniń sheshimi akademııalyq kezeń bastalǵanǵa deıin eki aptadan keshiktirilmeı qabyldanyp, Qazaqstan Respýblıkasynyń Bilim jáne ǵylym mınıstrligine magıstranttar men stýdentterdiń tizimimen jiberilýi tıis. 11. Stıpendııalardy taǵaıyndaý kezinde úmitkerlerdi irikteý osy Erejeniń 5,6 tarmaqtarynda jazylǵan ólshemder tártibinde júzege asyrylady. Teń jaǵdaıda basymdyq: jetim jáne ata-anasynyń qamqorlyǵynsyz qalǵan balalarǵa; bala jasynan múgedekterge, múgedek balalarǵa beriledi. 12. Joǵary oqý oryndarynda stıpendııany taǵaıyndaýǵa úmitker bolmaǵan jaǵdaıda osy Erejeniń 5,6 tarmaqtaryna sáıkes joǵary oqý oryndary belgili stıpendııalardyń sanynan bas tartý týraly aqparatty akademııalyq kezeń bastalǵanǵa deıin eki apta buryn bilim berý salasyndaǵy ýákiletti organǵa usynady. 13. Stıpendııalardy tóleý tıisti qarjy jylyna arnalǵan respýblıkalyq bıýdjette kózdelgen qarajattar sheginde aı saıyn júrgiziledi. Buıryq Qazaqstan Respýblıkasynyń Ádilet mınıstrliginde 2011 jylǵy 3 mamyrda Normatıvtik quqyqtyq kesimderdi memlekettik tirkeýdiń tizilimine №6936 bolyp engizildi.