Syndarly synaq mektep bitirýshilerdiń bilim deńgeıin anyqtaıdy

Oqýshylardyń on bir jyl bo­ıy alǵan bilimin syndarly sy­naq­qa salatyn Ulttyq bir­yńǵaı test 4 maýsym kúni bas­talǵan edi. Bıyl Otanymyz bo­ıynsha mektep bitirip jatqan 160 201 oqýshynyń 129,471-i UBT boıynsha emtıhan tap­syrý­ǵa ótinish bergen bolatyn. Olardyń 85 372-i qazaq tilinde, 44 099-y orys tilinde bilim al­ǵan­dar. Testileý elimizdiń 49 qa­la­sy men 105 aýdan ortalyq­ta­ryn­da ornalasqan pýnktterde 4-10 maýsym aralyǵynda ótki­zil­genin nazarǵa sala ketsek deımiz. Testileý alǵashqy kúni 48, al ekinshi kúni 63 pýnktte boldy. Osy eki kúnde 48 053 mektep bitirýshi synaq tapsyrdy. Taǵy bir eske salatyn nárse, túlek­ter ma­man­dyqtar boıynsha keminde 50 ball jınaýy tıis. Sonda ǵana olar bilim grantyn alatyn res­pýblıkalyq konkýrs­qa qatysa alady. Bilim jáne ǵylym mınıstri Ba­qytjan Jumaǵulov Almaty qa­­lasynda Ulttyq biryńǵaı testi­­niń jumysymen tanysyp, synaq­qa qatysyp otyrǵan tú­lek­terge sáttilik tiledi. Ol sonymen qa­tar, bıyl UBT-nyń kóp óz­geriske ushyramaǵanyn, tek 1500 suraq­tyń mazmunyna saı bolma­ǵan­­dyq­­tan joıylǵanyn aıtyp, soń­ǵy kezderi emtıhannyń bul túri­ne jurtshylyqtyń den qoıa basta­ǵa­nyn tilge tıek etti. О́tken eki kúngi synaqtyń ná­tıjesine qaraǵanda, kórset­kish ja­man emes sekildi. Degenmen, 4 661 mektep bitirýshi shekti deń­geıden óte almaı qa­lypty. Al eń joǵarǵy 125 ball alǵandar da bar kórinedi. Súleımen MÁMET.