Kún tártibi bekitildi

Keshe Parlament Senatynyń Tóraǵasy Qaırat Mámıdiń tóraǵalyq etýimen ótken joǵarǵy palatanyń bıýro otyrysynda Májiliste maquldanǵan zań jobalaryn odan ári qarastyrý úshin negizgi komıtetter belgilendi, dep habarlady osy palatanyń baspasóz qyzmeti. Bıýro otyrysynda «Qazaqstan Respýblıkasynyń keıbir zań­na­ma­lyq aktilerine quqyq qorǵaý qyzmetin jetildirý jáne qyl­mys­tyq zańnamany odan ári izgilendirý máseleleri boıynsha óz­gerister men tolyqtyrýlar engizý týraly» zań jobasy Zańnama jáne quqyqtyq máseleler komıtetine berildi. Al «Halyqtyń kóshi-qony týraly» jáne «Qazaqstan Respýb­lıkasynyń keıbir zańna­ma­lyq aktilerine halyqtyń kóshi-qony má­se­leleri boıynsha ózge­ris­ter men tolyqtyrýlar engizý týraly» zań jobalary Áleý­met­tik-mádenı damý komıtetine tapsyryldy. Bıýro otyrysynda sondaı-aq palatanyń 9 maýsymda bolatyn kezekti jalpy otyrysynyń kún tártibin qalyptastyrý jónindegi komıtetterdiń usynystary tal­qy­landy. Aldaǵy jalpy oty­rysta Qazaqstan Respýblıkasy men Halyqaralyq Qaıta qurý jáne damý banki arasyndaǵy Qa­ryz týraly (Tehnıkalyq jáne ká­siptik bilim berýdi jańǵyrtý jo­basy), zııatkerlik menshik qu­qyqtaryn saqtaý jáne qorǵaý sa­lasyndaǵy biryńǵaı retteý qa­ǵıdattary týraly, Qazaqstan men Soltústik Altant Sharty Uıymy arasyndaǵy Aýǵanstandaǵy qaý­ip­sizdikke járdemdesý halyq­ara­lyq kúshteriniń qyzmetine qatysý týraly notalar almasý ny­sa­nyn­daǵy kelisimderdi ratıfıkasııalaý týraly zań jobalary qaralady. Sonymen qatar, Qazaqstan men Reseı arasyndaǵy «Baıqońyr» ke­shenin jalǵa berý shartyna óz­geris engizý týraly úkimetaralyq hattamany jalǵa berý shartyna ózgeris engizý týraly, Keden oda­ǵy sheńberindegi daýlar boıynsha sharýashylyq júrgizýshi sýbek­ti­lerdiń Eýrazııalyq ekono­mı­ka­lyq qoǵamdastyqtyń Sotyna jú­ginýi jáne olar boıynsha sot isin júrgizý erekshelikteri týraly shart týraly qujattardy qaraý kózdelip otyr. Depýtattar sondaı-aq elimiz­diń keıbir zańnamalyq aktilerine ýákiletti memlekettik organdar men Qazaqstan Respýblıkasy Úki­metiniń tekseriletin sýbek­ti­lerge qoıylatyn talaptardy bel­gileıtin normatıvtik qu­qyq­tyq aktilerdi qabyldaý quzy­ret­terin qaıta qaraý, sondaı-aq ruq­sat berý júıesin jetildirý má­se­leleri boıynsha ózgerister men tolyqtyrýlar engizý týraly zań jobalary boıynsha kelisý ko­mıssııalarynyń jumys nátı­je­sin qaraıdy.