Ekinshi merzimge qaıta saılanbaq

Birikken Ulttar Uıymynyń Bas hatshysy Pan Gı Mýn óziniń ekinshi merzimge saılaný úshin kan­dıdatýrasyn usynýǵa nıetti ekenin málimdedi. Pan Gı Mýnnyń ókilettigi 2011 jyly aıaqtalýy tıis. Ońtústikkoreıalyq Pan Gı Mýn BUU-nyń Bas hatshysy bolyp 2007 jyly Kofı Annan otstavkaǵa ketkennen keıin saılanǵan edi. Jańa bas hatshy halyqaralyq bedeldi uıym – BUU-ny álemdegi ózekti máseleler men halyqaralyq jaǵ­daılarǵa bura bildi. Sondaı-aq, ol yqpaldy memleket­ter­diń yǵyna jyǵyla bermeý turǵysynan da keńinen tanyldy. QAZA BOLǴANDAR SANY 120-dan ASTY Reıter agenttiginiń taratqan aq­pa­rattary boıynsha Sırııanyń sol­tús­tik-batysyndaǵy Djıser ál-Shýhýr qalasynda qarýly toptyń shabýyl jasaýy saldarynan 120-dan astam adam mert bolǵan. Qaza tapqandardyń basym kópshiligi polıseıler kórinedi. Resmı málimetterge qaraǵanda, polıseıler minip kele jatqan kólikter belgisiz qarýly toptardyń qorshaýynda qalǵan. Jergilikti telearna 40-qa jýyq polıseı qaza tapty dep habarlaǵan edi. Sońǵy derekter mert bolǵan polı­seı­lerdiń qatary 100-den asty deıdi. Sırııada kóterilis 2011 jyldyń naýryzynda bastalǵan edi. Kóterilisshilerdiń negizgi talaby – halyqtyń turmysyn jaqsartý jáne eldegi saıası júıeni demokratııalandyrý. Áli kúnge deıin toqta­maǵan kóterilis saldary 1 myńnan astam adamnyń ómirin jalmady. DENESINIŃ 40 PAIYZYN KÚIIK ShALǴAN Prezıdent saraıyna jasalǵan shabýyl kezinde shyqqan órtten Iemenniń prezıdenti Alı Abdýlla Salehtyń denesiniń 40 paıyzyn kúıik shalǵan. Sondaı-aq, onyń ókpesi de edáýir zaqymdanǵany anyqtalǵan. Bul týraly keshe CNN habarlady. AQSh ákimshiligi ókiliniń pikirine qaraǵanda, ol alǵan jaraqatynyń aýyrlyǵyna baılanysty jaqyn arada qyz­met­ke oralmaıdy. Endi prezıdent emdelý úshin Saýd Arabııasyna barady. Dıplomatııalyq derek kózderiniń málimetteri boıyn­sha, Saleh qazirgi kezde Er-Rııad qalasyndaǵy bir aýrýhanada jatyr. Al keıbir málimetter el basshysynyń eki aptadan soń prezıdenttik laýazymyna kirisetinin aıtady. Prezıdent rezıdensııadaǵy bomba jarylysynan jaraqattanǵan. JARYLYS SEBEBI ANYQTALÝ ÚSTINDE Moldova astanasy – Kıshınev qalasynyń ortalyǵynda «Lada» jeńil kóligine qoıylǵan jarylǵysh zat jarylǵan. ITAR-TASS aqparat agenttiginiń taratqan málimetteri boıynsha, jeńil kóliktiń memlekettik nómiri Reseıdiki kórinedi. Moldova ishki ister mınıstrligi baspasóz qyzmetiniń jetekshisi Kırıll Mospannyń sózine qaraǵanda, jarylys kezinde kóliktiń júrgizýshisi zardap shekken. Jarylǵysh zat onyń eki aıaǵyn da julyp áketken kórinedi. Mınıstrlik baspasóz qyzmeti jetekshisiniń aıtýynsha, jarylys sebebi anyqtalý ústinde. Al jarylys Sergeı Lazo kóshesindegi ofıs mańa­ıyn­da bolǵan. Bul prezıdent rezıdensııasy men úkimet ǵıma­raty ornalasqan jerden qashyq emes. Reseılik BAQ-tar ja­rylys kezinde úsh adam qurban boldy degen aqparat taratty. REZIDENSIIаSY TAǴY DA ATQYLANDY Frans-press agenttiginiń taratqan aqparattary boıynsha, keshe erteńgisin NATO-nyń avıasııasy Lıvııa astanasy – Trıpolıdi taǵy da bombalaǵan. Bul – Lıvııa kósemi Mýammar Kaddafıdiń rezıden­sııa­sy men Parlament úıi ornalasqan aýdan. Qalada alǵashqy bomba jergilikti ýaqyt boıynsha saǵat 10.45 mınótte jarylǵan kórinedi. Birqatar aqparat agent­tikteriniń málimdeýinshe, el basshysynyń rezıdensııasy ornalasqan jerde budan keıin taǵy úsh bomba jarylǵan. Rezıdensııa men parlament úıiniń biraz bóligi úıindige aınalǵan syńaıly. NATO-nyń avıasııasy osy kúni qýattylyǵy bir-birinen asyp túsetin 11 jarylys jasaǵan. Basa-kóktep kirip, egemen eldi osylaısha jermen jeksen etýge kim quqyq berdi eken degen de saýal týyndaıtyndaı. ÚSh JYLǴA ShARTTY MERZIMGE SOTTALDY Máskeýdiń Presnenskıı aýdandyq soty bıznesmen Vıktor Batýrındi alaıaqtyq jasady degen aıyppen úsh jylǵa shartty merzimge sottady. Sondaı-aq oǵan 300 myń rýbl aıyp salyndy. Batýrın muny saıası tap­sy­rys boıynsha jasalǵan áreket deıdi. Interfaks agenttigine bergen suh­batyn­da Batýrın óziniń Máskeýdiń burynǵy basshysy Lýj­kovtyń jaqyn mańaıynda júrgendikten, osyndaı jaǵdaıǵa tap bolǵanyn aıtqan. Vıktor Batýrın Iýrıı Lýjkovtyń zaıyby Elena Batýrınanyń týǵan inisi ekendigi belgili. Sottyń anyqtaýy boıynsha, ol ózine tıesili turǵyn úıdi ózge bireýlerge eki márte satqan. Alǵashynda óziniń ja­qyny Igor Vashkýrınge 24 mıllıon rýblge, al keıin Dmıtrıı Jýravlev degenge satqan kórinedi. Sot bary­synda Jýravlev bıznesmenge qatysty óz talabynan bas tartyp, isti jabý jóninde ótinish bildiripti. QYZYL JALYNDY ÁREŃ AÝYZDYQTADY Máskeý qalasynyń ortalyǵyndaǵy kóshelerdiń birinde ornalasqan turǵyn úı órtke oranǵan. Qyzyl jalyn úıdiń ekinshi, úshinshi jáne tórtinshi qabattaryna túgel jaıylǵan. О́rttiń kúshtiligi sonshalyq, ol kórshiles ornalasqan úıge de aýyz salǵan. Bul týraly Interfaks agenttigi habarlady. Jergilikti aqparat kózderiniń málimetteri boıynsha, órt sóndirý máshıneleri óz ýaqytynda jetken. Bul turǵyn úı 1908 jyly arhıtektor E.R.Nırnzeeniń jobasymen salyn­ǵan eken. Qazirgi kezde onda biraz otbasy turyp jatqanǵa uqsaıdy. Buǵan deıin bul úı birneshe ret órtengen kórinedi. Qazir órttiń shyǵý sebepteri anyqtalyp jatyr. Internet materıaldary negizinde ázirlendi.