Qazaqstannyń beıneleý óneri – Italııada

8 maýsym kúni Qa­zaqstannyń Italııa­da­ǵy elshiliginde tany­mal ǵalym, Qazaqstan Respýblıkasynyń eńbek sińirgen qaı­rat­keri, ónertanýshy Gúl­mıra Shalabaevanyń «Eýrazııalyq murat – Qazaqstannyń beıneleý ónerinde» degen ataý­men kartına­lary­nyń kórmesi men mo­nografııasynyń ta­nys­­ty­ry­lymy ótedi. Bul shara Qazaqstan Táýel­sizdiginiń 20 jyldyǵyna arnalyp otyr. Kórkem bezendirilgen kitap úsh tilde jaryq kórgen. Birinshi ret fılosofııa, saıasattaný, estetıka, óner tarıhy sııaqty túsinikterdi bir arnaǵa toǵystyra bilgen avtor eýrazııalyq murattyń tanymy men taǵylymyn ár túrli daryndy sýretshiler shyǵarma­shy­lyǵy arqyly kórsetýdi maqsat etken. Atap aıtqanda, E.Sıdorkın, N.Býbe, qazirgi tańda Germanııada tu­ra­tyn B.Mekebaev, sondaı-aq Qa­zaq­standy óz otanyndaı súıetin, 15 jyldan astam Almaty qalasynda turatyn ıtalııalyq K.Barbaronyń shyǵarmalary kitapqa arqaý bolǵan. Bul jınaqtaǵy taraýlarynyń taqyrybynan-aq onyń mazmunyn ańǵarýǵa bolady: «Eý­razııalyq órkenıet – ańyz ba, álde shyn­dyq pa?», «Eýrazııalyq mu­rat – rýhanı álemniń eren qabileti», «Evgenıı Sıdorkınniń sım­fonııalyq tulǵasy», «Nellı Býbe – uly kósh saǵynyshy», «Ja­ńa­kóshpendiler – Bolat Mekebaev jáne Karmıne Barbaro». Rımde ótetin ki­taptyń tanystyry­ly­my men kórmege avtor­men birge onyń keıipkerleri N.Býbe, K.Barbaro jáne B.Mekebaev qatysady. Basqosý tek atalǵan kitap jónindegi áńgimemen shektelmeıdi, jalpy Qazaqstannyń beıneleý óneri týraly, onyń tarıhy men damýy jaıly oı qozǵalady. Kitap­ty tanystyrý arqyly Qazaq­stan­nyń mádenıeti men ónerin nasıhat­taýǵa úles qosylatyny anyq. Bul eýrazııalyq murat ıdeıasyn qoldaý, sonymen qatar, Qazaqstandy álem­dik mádenı keńistikke engizý qajet­tigi týraly el Prezıdenti N.Na­zarbaevtyń ıdeıasyn júzege asyrý jolynda jasalǵan bir qadam bolyp tabylady. «Egemen-aqparat».