HQDB beretin qarjy áleýmettik medısınalyq saqtandyrýdyń ulttyq júıesin engizýdi qoldaýǵa; medısınalyq kómek kórsetý júıesin nyǵaıtýǵa; áleýmettik medısınalyq saqtandyrý strategııasynyń jobasyna monıtorıng júrgizý men baǵalaýǵa jiberiletin bolady.
Talqylaý barysynda senatorlar qarjynyń maqsatty paıdalanýynyń tıimdiligin baqylaý jáne qaryzdyń Qazaqstanǵa túsetin somasy qansha bolatyny týraly saýal qoıdy. Qarjy mınıstrligi ókiliniń aıtýynsha, kelisimniń qoldaný merzimi aıaqtalǵanda bizdiń elimiz HQDB-ge 92 mıllıon dollar qaıtarýy tıis eken. Qaryzdy qaıtarý merzimi 5 jyl jeńildik merzimin qosqanda 15 jyl.
Parlamentshiler dári-dármek baǵasynyń shegin retteýge jáne mindetti áleýmettik saqtandyrý engizilgen jaǵdaıdaǵy dárigerlik mekemelerdiń jumysyna qatysty Kelisimniń jekelegen máselelerine nazar aýdardy.
Senator Álı Bektaev bilim berý tehnologııalaryn qarjylandyrý, mamandardy sheteldik akademııalyq ortalyqtarda oqytý men halyqaralyq konsýltanttardy syrtqy qaryzdar esebinen emes, memleket bıýdjeti esebinen tartý múmkindikteri týraly surady.
Talqylaýǵa depýtattar Aqan Bıjanov, Jabal Erǵalıev, Serik Bekturǵanov, Vladımır Redkokashın, Tóleýbek Muqashev ta qatysty.
HQDB-men Kelisimdi ratıfıkasııalaý týraly zań jobasy palatanyń qaraýyna jiberildi.
