Bir kúnde eki balalar baqshasy esik ashty

Elbasynyń tapsyrmasymen ómirge kelgen «Balapan» baǵdar­lamasy munaıly óńirde júıeli túrde júzege asyp, kópshilik kó­ńilinen shyǵyp keledi. Olaı deıtinimiz, oblysta bıylǵy merekeli jyly búldirshinderdi bala­ba­q­shamen qamtýdy 100 paıyzǵa jet­kizý mejelenip otyr. Osynaý ýá­de údesinen kórinýdiń bir dáleli, jýyrda bir kúnde eki balabaq­sha­nyń esikterin aıqara ashýy bol­dy. Bir atap aıtarlyǵy, Aqshu­qyr aýylyndaǵy 140 oryndyq «Báı­terek» atty ásem bala­baq­sha­ny salýǵa Túpqaraǵan aýda­nyn­daǵy munaı kompanııalary bir­lese qar­jy aýdarypty. Jáne olar búl­dirshinderdiń jan-jaq­ty bolyp ósýi úshin qajetti qu­ral-jab­dyq­tar syılap, mý­zy­ka­lyq jáne sport zaldaryn zaman talabyna saı jabdyqtaýǵa da kó­mek­tesken. Al Munaıly aýda­nyn­daǵy Qy­zyltóbe-2 aýylynda 280 or­yn­dyq «Balbóbek» bala­baq­sha­synyń ashylýy kópshilikti qýa­nysh­qa bóledi. Eki saltanatty sát­ke de oblys basshylary qa­ty­syp, búldirshinderge syı-sııapat ja­saý­lary da quptarlyqtaı boldy. Jolaman BOShALAQ. Mańǵystaý oblysy.