Jas ınspektorlar sleti

Búgingi tehnıkanyń damyǵan shaǵynda jol qozǵa­ly­synyń qıyndyǵyn bastan keshirmegen jan kemde-kem. Tipti, adamnyń ómirine qaýip tóndiretin jaılar da jıilep barady. Demek, jol-kólik oqıǵasynyń aldyn alý, ereje saqtaýdy úıretýdiń mańyzy erekshe ekeni anyq. Osy oraıda mektep jasyndaǵy búldirshinderdiń jol júrý qaýipsizdigi men erejelerin sanaǵa sińirý jaıy basty mindet. Onyń negizin jas ınspektorlar arasynda ótkiziletin túrli baıqaýlar arqyly damytý qolǵa alynǵany qýantady. Talǵar aýdany, Panfılov aýylyndaǵy sport kesheninde «Qozǵalys» jas ınspektorlardyń HI halyqaralyq sleti osy ıgi iske bastama boldy. Táýelsizdiktiń 20 jyldyǵyna oraı uıymdastyrylǵan jas ınspektorlar sletine Reseı, Qyrǵyzstan memleketterinen jáne elimizdiń barlyq ob­lys, qalalarynan 20 komandaǵa biriktirilgen 200 bala qatysýda. Slette elimizdiń kókbaıraǵy jelbirep, ánurany shyr­qaldy. Sharaǵa Ishki ister mınıstrligi Jol polısııasy ko­mı­tetiniń jaýapty qyzmetkerleri qatysyp, slettiń búl­dir­shinderdiń jolda júrý saýatyn ashý men qaýipsizdik erejelerin saqtaýyna erekshe yqpal etetindigine toqtalyp, komandalarǵa sáttilik tiledi. Alataý bókterinde bes kúnge sozylatyn jas ınspektorlar sleti túrli baǵdarlamalar aıasynda jumystaryn bastap ketti. Shetterinen shymyr, belsendi balalar boılaryna qonymdy kıimderimen ózara básekeni qyzdyrýda. Kúmisjan BAIJAN. Almaty oblysy.