«Tólegen men Qyz Jibektiń kezdesýi». Qazaqtyń tuńǵysh kásipqoı sýretshisi, Sh.Ýálıhanov atyndaǵy Memlekettik syılyqtyń ıegeri Ábilhan Qasteevtiń Oral qalasynda saqtalǵan kartınasy osylaı dep atalady. Keskindeme 40h28sm kólemdi qaǵazǵa týshpen salynǵan.
Bul týyndy Oral mýzeıine qalaı tap boldy? Mýzeıdiń qor saqtaýshysy Muhtar О́testiń aıtýynsha, sýret T.Shevchenko atyndaǵy Qazaq memlekettik kórkemsýret galereıasynan Oral oblystyq tarıhı-ólketaný mýzeıiniń qoryna 1961 jyldyń qańtar aıynda tapsyrylǵan eken. Shamasy avtordyń ózi Qyz Jibektiń aıdaı beınesi onyń týǵan jerinde turǵany jón dese kerek. Kartınada úsh aqbozdy qatar jekken kúımeniń saltanaty, Jibektiń «jalǵyz atty jolaýshymen sóılesýge namystanyp, tek Qarshyǵanyń úgitinen keıin ǵana betin bir ashyp, jarq etip kórinip, amandasyp, qaıtadan betin jaýyp, páýeskeniń qaqpaǵyn túımelep, jatyp qalarynyń» aldyndaǵy bir sát sýrettelse kerek.
Aıtpaqshy, qazaqtyń tanymal sýretshisiniń taǵy da eki týyndysy Oral mýzeıinde saqtaýly. «Alǵashqy qar» («Pervyı sneg») shyǵarmasy 1945 jylǵy 26 qazanda, al «Taý eteginde» («Ý podnojııa gor») týyndysy 1951 jyly qaǵazǵa akvarelmen salynǵan eken.
Qazbek QUTTYMURATULY,
«Egemen Qazaqstan»
ORAL
