Birneshe zań jobasy maquldandy

Keshe Parlament Májilisiniń Tóraǵasy Oral Muhamed­ja­nov­tyń jetekshiligimen ótken palatanyń jalpy otyrysynda birqatar zań jobalary maquldandy, dep habarlady Májilistiń baspasóz qyzmeti. Jalpy otyrysta Qazaqstan Respýblıkasy Úkimetiniń jáne Respýblıkalyq bıýdjettiń atqa­ry­­lýyn baqylaý jónindegi esep komıtetiniń 2010 jylǵy respýb­lı­kalyq bıýdjettiń atqarylýy týraly esepteri talqyǵa salyn­dy. Depýtattar Qarjy mınıstri Bolat Jámishevtiń jáne Res­pýb­lıkalyq bıýdjettiń atqarylýyn baqylaý jónindegi esep komı­te­ti­niń tóraǵasy Omarhan О́ksik­baev­tyń baıandamalaryn tyńdady. Atalǵan esepter boıynsha Qarjy jáne bıýdjet komıtetiniń múshesi Tólebek Qosmambetov qosymsha baıandama jasady. Kelesi kezekte «Qazaqstan Res­pýblıkasynyń keıbir zańna­ma­lyq aktilerine syrtqy memlekettik qarjylyq baqylaýdy jetildirý máseleleri boıynsha óz­ge­rister men tolyqtyrýlar engizý týraly» zań jobasy birinshi oqy­lym­da talqyǵa tústi. Qarjy mınıstri Bolat Jámishev baıandama ja­sady. Qarjy jáne bıýd­jet ko­mıtetiniń múshesi Toq­tar­baı Qa­dam­baev qosymsha túsinik berdi. Sondaı-aq «Qazaqstan Res­pýb­­lıkasyndaǵy arnaıy ekono­mı­kalyq aımaqtar týraly» zań jo­basy birinshi oqylymda qara­lyp, maquldandy. Osy zań jo­ba­symen birge «Qazaqstan Respýb­lı­kasynyń keıbir zańnamalyq aktilerine arnaıy ekonomıkalyq aımaqtar máseleleri boıynsha ózgerister men tolyqtyrýlar engizý týraly» ilespe zań jobasy da qaraldy. Indýstrııa jáne jańa tehnologııalar mınıstriniń birinshi orynbasary Albert Raý baıandama jasady. Zań jobasy boıynsha qurylǵan jumys to­by­nyń jetekshisi, Májilistiń Eko­no­mıkalyq reforma jáne óńirlik damý komıtetiniń múshesi Jeksenbaı Dúısebaev qosymsha baıandap, jumys tobynda atqarylǵan tal­qylaýlarǵa toqtaldy. Zań jo­ba­sy birinshi oqylymda maqul­dandy. «Qazaqstan Respýblıkasynyń keıbir zańnamalyq aktilerine eko­logııalyq máseleler boıynsha ózgerister men tolyqtyrýlar engizý týraly» zań jobasy birinshi oqylymda talqyǵa shyǵaryldy. Qorshaǵan ortany qorǵaý mınıstri Nurǵalı Áshim baıandama jasap, zań jobasy týraly jan-jaqty maǵlumat berdi. Zań jobasy birinshi oqylymda maquldandy. «Memlekettik (mýnısı­pal­dyq) satyp alý týraly kelisimdi ratıfıkasııalaý týraly» zańnyń joba­sy jóninde de Qarjy mınıstri Bolat Jámishev baıandama jasady. Halyqaralyq ister, qorǵanys jáne qaýipsizdik komıtetiniń mú­shesi Ýálıhan Qońyrbaev qosym­sha baıandap ótti. Zań jobasy to­lyqtaı maquldandy. Kelesi kezekte «Aýyl sharýashy­ly­ǵyn memlekettik qoldaýdyń biryńǵaı qa­ǵı­dalary týraly kelisimdi ratıfıkasııalaý týraly» zań jobasy talqyǵa sa­lyn­dy. Aýyl sharýashylyǵy mınıstrliginiń ja­ýapty hatshysy Evgenıı Aman baıandama jasady. Atalǵan kelisim 2010 jylǵy 9 jeltoqsanda Máskeýde jasalǵan. Osy kelisimniń nysanasy aýyl sha­rýa­shylyǵy taýarlaryn óndirýshilerdi memlekettik qoldaýdy júzege asyrý qaǵı­dalaryn belgileý bolyp tabylady jáne taraptar memleketteriniń Biryńǵaı eko­nomıkalyq keńistiginiń aýmaǵynda qol­danylady jáne aýyl sharýashylyǵy ta­ýarlaryna qatysty qoldanylady. Halyqaralyq ister, qorǵanys jáne qaýipsizdik komıtetiniń múshesi Ermu­han­bet Omarov qosymsha baıandama jasady. Talqylaýdan keıin palata depýtattary zań jobasyn tutastaı maquldaý týraly ortaq sheshimge keldi. «Tabıǵı monopolııalar sýbekti­le­ri­niń qyzmetin retteýdiń biryńǵaı qaǵıdat­tary men qaǵıdalary týraly kelisimdi ratıfıkasııalaý týraly» zań jobasy jó­ninde Tabıǵı monopolııalardy retteý agenttiginiń tóraǵasy Nurlan Aldabergenov baıandama jasady. Tabıǵı monopolııalar sýbektileriniń qyzmetin retteýdiń biryńǵaı qaǵıdatta­ry men qaǵıdalary týraly kelisim 2010 jylǵy 9 jeltoqsanda Máskeýde jasaldy. Halyqaralyq ister, qorǵanys jáne qaýipsizdik komıtetiniń múshesi Zeınýlla Alshymbaev qosymsha baıandama jasady. Zań jobasy tolyqtaı maquldandy. Budan keıin «Básekelestiktiń biryń­ǵaı qaǵıdattary men qaǵıdalary týraly kelisimdi ratıfıkasııalaý týraly» zań jo­basy talqyǵa shyǵaryldy. Zań joba­sy­nyń maqsaty týarly Básekelestikti qorǵaý agenttiginiń (Monopolııaǵa qarsy agenttik) tóraǵasy Májıt Esenbaev baıandama jasady. Básekelestiktiń biryńǵaı qaǵıdatta­ry men qaǵıdalary týraly kelisim 2010 jylǵy 9 jeltoqsanda Máskeýde Keden oda­ǵyna qatysýshy memleketter arasyn­da jasaldy. Halyqaralyq ister, qorǵanys jáne qaýipsizdik komıtetiniń múshesi Saýyrbaı Esjanov qosymsha túsinik bere kelip, áriptesterin zań jobasyn qoldap daýys berýge shaqyrdy. Talqylaýdan keıin bul zań jobasy da tolyqtaı maquldandy. Jalpy otyrysta «Qazaqstan Respýb­lı­kasynyń keıbir zańnamalyq aktilerine salyq salý máseleleri boıynsha ózge­ris­ter men tolyqtyrýlar engizý týraly» zań jobasy ekinshi oqylymda talqyǵa sa­lyndy. Bul zań jobasy boıynsha Qarjy jáne bıýdjet komıtetiniń múshesi Amanjan Jamalov baıandama jasady. Qazaqstan Respýblıkasy Parlamen­ti­niń Reglamenti boıynsha birlesken komıs­sııanyń músheleri týraly Parlament Májilisi Tóraǵasynyń orynbasary Vladımır Bobrov sóıledi. «Qazaqstan Respýblıkasynyń keıbir zańnamalyq aktilerine jer qatynas­ta­ryn retteý máseleleri boıynsha ózgeris­ter men tolyqtyrýlar engizý týraly» zań jo­basy boıynsha Parlament Má­ji­lisi men Senaty arasyndaǵy kelispeýshilikterdi eńserý jónindegi kelisim ko­mıssııa­synyń usynystaryn qoldaý tý­raly palatanyń sheshimi shyǵaryldy. Palata depýtattary Zańnama jáne sot-quqyqtyq reforma komıtetiniń qo­ry­­tyndysyn tyńdaı kelip, Amanjol Nur­­maǵambetovti Qazaqstan Respýb­lı­kasy Kons­tıtýsııalyq Keńesiniń múshesi qyz­me­tine taǵaıyndaý týraly ortaq sheshim shyǵardy.