Konvensııaǵa qol qoıyldy

Saýd Arabııasynyń isker top ókilderi Qazaqstan ekonomıkasy­na qarjy quıýǵa nıet bildirýde. Bul týraly maýsymnyń 7-sinde keshke Astanada Qazaqstan men Saýd Arabııasy arasyndaǵy ta­bys pen kapıtalǵa salynatyn sa­lyqtarǵa qatysty qosarlanǵan salyq salýdy boldyrmaý týraly konvensııaǵa qol qoıý rásimi ba­rysynda Saýd Arabııasynyń Qarjy mınıstri Ibragım ál-Assaf aıtty. «Búgingi kúni Qazaqstan men Saýd Arabııasy arasyndaǵy saýda salasyndaǵy alys-beris kólemi, bizdiń memleketterdiń áleýetine saı kelmeıdi. Konvensııanyń qa­byldanýy eki eldiń ınves­tı­sııa­lyq baǵyttaǵy áriptestigine úl­ken serpin beredi dep senemin. Sebebi, Saýd Arabııasynyń isker top ókilderi Qazaqstan ekono­mı­kasyna qarjy quıýǵa nıet bildirýde»,  dedi I. ál-Assaf. О́z kezeginde Qazaqstan Úki­meti tarapynan konvensııaǵa qol qoıǵan Qazaqstan Respýb­lıkasy­nyń Qarjy mınıstri Bolat Já­mishev Qazaqstanda ın­ves­tısııa­lardy tartý maq­sa­tynda jalpy zańnamany jeńildetý sha­ralary qarqyndy júrgizilip jat­qan­dyǵyn basa aıtty. «Sońǵy 3 jyldyń ishinde túrli memlekettik lısenzııalar men ruqsatnamalar sany eki esege qysqardy. Qazaqstannyń ınvestorlar úshin tartymdy bolýy jolynda barlyq kúsh-jigerdi salyp jatyrmyz. Biz áriptes­tikke árqashan ashyqpyz»,  dep atap kórsetti B. Jámishev, dep ha­bar­lady QR Premer-Mınıstri­niń baspasóz qyzmeti.