Islam Damý bankiniń qoldaýy

Keshe Búkilálemdik Islam ekonomıkalyq forýmy aıa­syn­da Qazaqstannyń Indýstrııa jáne jańa tehnologııalar mınıstri Áset Isekeshev pen Islam Damý ban­kiniń (IDB) tóraǵasy Ahmad Mo­hammed Álı ózara túsinistik tý­raly memorandýmǵa qol qoıdy. Osy qujatqa sáıkes bıylǵy jyly IDB strategııalyq árip­tes­tiktiń qujattaryn tolyq daıyn­daǵan soń, 2011-2012 jyldary Qa­zaqstan ekonomıkasyna 1,2 mıl­lıard dollar kólemindegi qar­jy ba­ǵyttalady. Bul qarajat eń aldymen aýylsharýashylyq sa­lasy men kólik ınfraquryly­myn ári qaraı damytýǵa baǵyt­talady. Memleket basshysy forýmda sóılegen sózinde azyq-túlik qo­ryn qurý týraly usynys aıtqan bolatyn. Áset Isekeshevtiń aı­tý­ynsha, bul usynysqa Islam Kon­ferensııasy Uıymyna múshe mem­leketterdiń barlyǵynyń kelisimi bolýy qajet. «Eń aldymen atalǵan usynysqa qatysty Uı­ym­ǵa qatysýshy elder arasynda ke­lissózder júrgiziledi. Shara­lar­dyń barlyǵy konsensýstyq jaǵdaıda qabyldanady», – dedi osy týraly IDB tóraǵasy. *  *  * Keshe Búkilálemdik Islam ekonomıkalyq forýmynyń aıa­syn­da «Aýyl sharýashylyǵyn qarjylyq qoldaý qory» aksıo­nerlik qoǵamy men Islam damý banki arasynda aýyl sha­rýa­shylyǵyn shaǵyn nesıeleý baǵ­darlamasyna qatysýǵa nesıe jáne tehnıkalyq kómek gran­ty týraly kelisimge qol qoıyldy. Atalǵan qujatty Islam damý bankiniń tóraǵasy Ahmad Moham­med Álı myrza men «Aýyl sha­rýa­shylyǵyn qarjylyq qoldaý qory» AQ basqarmasynyń tór­aıy­my Gúlnaz Atamqulova rásimdedi. Aýyl sharýashylyǵy mınıstri Asyljan Mamytbekovtiń habardar etýinshe, IDB-nyń 10 mıl­lıon dollardy quraıtyn qar­jysy aýyl sharýashylyǵyn sha­ǵyn nesıelendirýge baǵyttalady. Onyń komıs­sııalyq syıaqysy 2 paıyzdan aspaıdy. *  *  * Búkilálemdik Islam eko­no­mı­­ka­lyq forýmy barysyn­da­ǵy brıfıngte belgili bolǵa­nyn­daı, elimizde ıslamdyq qar­jy­landyrý qaǵıdattary boıynsha jumys isteıtin ınvestısııalyq qor qurylady. «Fattah fınansı» AQ dırektorlar keńesiniń tóraǵasy Zarat­qazy Nurpeıisovtiń aıtýynsha, bul qorda qarapaıym adamdar­dyń qajylyq saparǵa barýǵa qa­jetti qarjy jınaqtalady. So­ny­men qatar, ondaǵy qarajat qasıetti qa­lalarda qajylyqqa ba­ratyn qazaq­standyqtar jaıǵa­satyn qonaq úıler salýǵa da jum­salady. Osy­laısha bizdiń adamdar malaızııalyq Qajylyq qor servısimen teń bo­latyn qonaq úılerde turady. «Egemen-aqparat».