Kerbulaqtyqtar qýanyshy

  Uly Shoqannyń izi qalǵan kerimsal Kúreńbel óńiri jyl­dyń ár maýsymynda san túr­lenip, nebir reńkti boıaýlarǵa enetini belgili. Tabıǵaty tamasha jer men eldiń sáýleti men dáýleti de arta túsýde. Onyń mysalyn Kerbulaq aýdanyna qarasty Basshı aýylynan da kórýge bolady. Rýhanııat má­selesine árdaıym kóńil bó­letin aýyl halqy  jyl saıyn dáýirleı túsip, ómirimizge laı­yqty urpaq ósirýde de jaqsy jaǵymen tanylǵan. Mundaǵy jastardyń ónerge degen yqy­lasy erekshe. Sol maqsattaǵy jumystary da kóńil qýan­tady. Soǵan oraı ótken jyly respýblıkalyq bıýdjetten qo­maqty qarjy bólinip, aýyl­da jańa mádenıet úıin salý qolǵa alynǵan bolatyn. Jýyrd­a osy­naý kıeli ordanyń ashylý saltanatyna alys-jaqynnan tilektes qaýym kóptep jınaldy. Endi basshılik talapty jastar osy mádenıet ornynda óz ónerlerin ushtaıtyn bola­dy. Sonymen qatar túrli má­denı sharalardy ótkizýge de laıyqty múmkindik týyp otyr. Keshen zalyna 200-den astam adam erkin sııady. Onda horeografııa, kıno zaly, kompıýterlik bólme, ár salany qamtı­tyn kitap qorymen tolyq­ty­rylǵan baı kitaphana jumys isteıdi. Sondaı-aq, neke qııý rá­simin ótkizetin zal, taǵy basqa da oryndar jan-jaqty jabdyq­ta­lyp, qazirgi zamanǵy aqpa­rattyq júıemen qamtamasyz etilgen. Keıingi kezde Jetisý jerinde mádenıet úıleriniń birinen soń biri paıdalanýǵa berilip, halyq­tyń rýhanı qazynamyzǵa degen qushtarlyǵynyń arta túskeni erekshe qýantady. Máselen, ót­ken jyly el tarıhynda eleýli esimi qalǵan Shańqanaı  ana aýylynda da  irgeli mádenıet úıi boı kótergen bolatyn. Aıta berse, bul aımaqtyń ózine tán ónegeli tarıhy, zerdeli zertteýdi qajet etetin tylsym syrlary tunyp jatyr. Basshılik Móldir Qoj­abe­kova Elbasynyń bastamasymen ómirge kelgen «Mádenı mura» baǵdar­lamasynyń halqymyz­dyń taý­syl­mas taǵylymdy ıgili­gin ıgerýge keńinen jol ash­qanyna toqtalyp ótti. Endi  bul aýyl­dyń jastary da el mádenıetin damytýǵa ózindik úlesterin qosatyn bolady,  dedi ol. Osy kúni mádenıet úıinde jastar órkendi ónerdiń órisin uzartýǵa den qoıdy, aýyl­das­taryn án men jyrǵa  sýsyn­da­typ, sahna ajaryn kirgizdi. Saltanatqa arnaıy kelgen Nur­ǵalı Núsipjanov ta jerlesterine ánnen shashý shashty. Kerbulaqta keregesin keń jaz­ǵan  óner shańyraǵynda áli talaı jastardyń tusaýy kesiletini anyq. Kúmisjan BAIJAN. Almaty  oblysy.