Aqtaý áýejaıy – TMD úzdigi

Aqtaý halyqaralyq áýejaıy jolaýshylar tasymaldaý boıyn­sha respýblıkamyzda Astana, Almatydan keıingi úshinshi oryn­da. Munda bul kúnderi alys-jaqyn 13 shetelge kúndiz-túni ushaqtar ushyp-qonyp ja­ta­dy. Bıyldyń ózinde jańadan taǵy da «Aqtaý-Kıev-Aqtaý», «Aqtaý-Tbılısı-Aqtaý», «Aqtaý-Úrimshi-Aqtaý» áýe reısteri ashyldy. Al jaqyn kún­deri aıaqtalatyn ushyp-qoný alańyndaǵy jańǵyrtý jumys­tarynan soń Aqtaý kez kelgen áýe kemesin qabyldaıtyn dárejege jetedi. Áýejaıda jo­laýshylar úshin barlyq jaǵdaı jasalyp, olarǵa halyqaralyq dárejede qyzmet kórsetilip keledi. Sodan bolar áýejaı sońǵy úsh jylda ekinshi ret TMD elderine qarasty 22 áýejaı arasynda eń úzdik tanylyp, TMD áýe jol­dary jetekshileri arasynan áýe­jaı basshysy Ýzıfolla Ájmol­daev azamattyq avıasııany damy­týǵa qosqan eleýli úlesi úshin 2010 jyl qorytyndysynda L.Sheglov atyndaǵy halyqaralyq syılyqtyń ıegeri atanyp otyr. Jolaman BOShALAQ. Aqtaý.