«Tarıh. Estelik. Halyq»

Qazaqstan Respýblıkasyndaǵy «Mısva» evreı ulttyq uıymy Baılanys jáne aqparat mınıstrliginiń Aqparat jáne muraǵat komıtetimen birlesip Memlekettik ortalyq murajaıdyń qoldaýymen V halyqaralyq ǵylymı-tarıhı konferensııa ótkizgen-di. Sol konferensııa qujattary negizinde jaryq kórgen «Tarıh. Estelik. Halyq» atty kitaptyń tusaýy Almaty qalasynda kesildi. Kitapta Uly Otan soǵysy jyldary kúshtep jer aý­da­rylǵan evreı ulty ókilderiniń qıly taǵdyry ǵana emes, sol kezeńde basqa óńirlerde májbúrlep turǵy­zyl­ǵan ón­diris nysandary, ortalyqtyń saıasatyn nasıhattaý úshin salynǵan mádenı oshaqtar, qýǵyn-súrginge ushy­raǵan jergilikti halyqtyń ómiri men tartqan zardaby jaıly tyń derekter molynan qamtylǵan. Sondaı-aq Prezıdent muraǵatynan alynǵan derekterge súıene otyryp, 1941 jyly qazaq aspanynda bolǵan asa iri áýe apatynyń sebebi men saldaryn, búgingi azamattyq avıasııanyń ahýa­lyn kótergen kólemdi eńbek te osy jınaqta. Kitap «1940 jyl­darǵy kúshtep jer aýdarý isiniń tarıhy» jáne «Qa­zaqstan evreıleriniń tarıhy» atty eki bólimnen turady. Tusaýkeserde «Mısva» assosıasııasynyń tóraǵasy A.Baron, demograf-ǵalym M.Tátimov, murajaı isiniń ma­many B.Násenov sekildi birqatar azamattar halyq­aralyq kon­fe­ren­sııanyń kótergen taqyryptary men keltirgen derek­te­riniń qundylyǵyna baǵa berisip, saıası qýǵyn-súr­ginge ushyraǵan taǵdyrlas ulttardyń búgingi Qazaq­stan memleketindegi jaıma-shýaq tirshiligin tilge tıek etisti. Qanat ESKENDIR. Almaty.