Ciz ne deısiz?

ÚZDIK BESTIKTIŃ QATARYNDAMYZ Osydan jarty jyl bu­ryn akademık Manash Qo­zy­baev atyndaǵy Soltústik Qa­zaqstan memlekettik ýnı­­versıtetinde (SQMÝ)bir­qa­tar stýdentter qajetti ball jınaı almaý sebepti 5 mamandyq boıynsha attestasııalaýdan ótpedi dep ta­nylǵan bolatyn. Onyń sońy túrli áńgimeler týdy­ryp, keı fakýltetter ja­bylady, basqa joo-larǵa kóshiriledi degen qaýeset­ter­ge ulasqan-dy. «Egemen Qazaqstannyń» Soltústik Qazaqstan oblysyndaǵy tilshisi О́mir Esqalı atalǵan joǵary oqý ornynyń rektory, akademık Ońdasyn Áshimovke: – Siz buǵan ne deısiz? – Iá, byltyr kúzde Bilim jáne ǵylym mınıstrliginiń ar­naıy ókilderi bolyp, attestasııa ótkizgen bolatyn. Synaqty 45 mamandyqtyń 40-y sátti tapsyryp, tutas­taı alǵanda, stýdentterimiz jo­ǵary bilim deńgeıin kór­sete bildi. Al, esep jáne aýdıt, memlekettik jáne jergilikti basqarý, pedagogıka jáne bastaýysh synyptardy oqytý ádistemesi, qazaq tili men ádebıeti jáne psıhologııa mamandyqtary boıynsha attestasııa jaramsyz dep esepteldi. Osy merzim ishinde syn-eskertpelerden oryndy qory­tyn­dy shyǵarylyp, kelesi sy­naqqa saqadaı-saı daı­yndal­dyq. Zerthanalar mem­lekettik standartqa sáıkestendirilip, bazasy nyǵaıtylyp, ǵylym men óndiristiń baılanysyna basa nazar aýdaryldy. Jýyr­da ótken attestasııadan 359 stýdenttiń birde-bireýi súrin­gen joq. Ortasha upaı 95-ten aınaldy. Ýnıversıtet boı­yn­sha – 86,5 ball. Bul – jaman kórsetkish emes. Mı­nıstr­liktiń buıryǵymen 5 jyldyq merzimge attestasııalaýdan ótip otyrmyz. Budan SQMÝ-de stýdent­ter­diń úlgerimi nashar, bilim sapasy tómen degen uǵym týmasa kerek. Jyl saıyn joo-lardyń reıtıngi jarııalanyp otyrady. Ol boıynsha elimizdegi eń irgeli bes joǵary oqý ornynyń quramyna kiremiz. Byltyr oqý grantyn eń kóp ıelengenderdiń qatarynan kó­rindik. Qazir bizde 11 myńǵa jý­yq stýdent kúndizgi jáne syrttaı bólimderde óz bilimderin jalǵastyrýda. Soltústik Qazaqstan oblysy.