Baılanys damytyla túsedi

Elimiz Parlamenti Májilisiniń Tóraǵasy Oral Muhamed­ja­nov Latvııa Respýblıkasynyń Qazaqstan Respýblıkasyndaǵy Tótenshe jáne ókiletti elshisi Brýno Iýrıs Maklakovsty qabyldady, dep habarlady Májilistiń baspasóz qyzmeti. Májilis Tóraǵasy Latvııa el­shi­siniń Qazaqstandaǵy dıp­lo­ma­tııalyq qyzmetiniń bastalýymen quttyqtap, eki el arasyndaǵy yntymaqtastyqty damytýdaǵy ıgilikti isine tabys tiledi. «Qa­zaqstan Latvııany Baltyq aıma­ǵyn­daǵy óziniń senimdi áriptesi sanaıdy. Eki el arasyndaǵy qa­rym-qatynas ózara syılastyq pen túsinistikke qurylǵan. Biz Qa­zaqstannyń EQYU-ǵa tóraǵa­lyq etý mindetin atqarǵan kezde jáne «Eýropaǵa jol» baǵdar­la­ma­syn júzege asyrýda Baltyq jaǵalaýy elderiniń qoldaý bildirgenin joǵary baǵalaımyz», – dedi Oral Muhamedjanov. Kezdesýde qos memleket ara­syn­daǵy yntymaqtastyq baıla­nys­ty áli de damyta túsýge múm­kindik bar ekeni aıtyldy. Eki eldiń úkimetaralyq komıssııasy qurylǵan. Júzege asyp jatqan birqatar kelisimder bar. Aldaǵy ýaqytta qol qoıylýǵa tıisti kelisimder de joq emes. Qazaqstan men Latvııa ara­syn­daǵy parlamentaralyq baı­la­nys turaqty damyp keledi. Kez­desýde eki eldiń depýtattary arasyndaǵy qarym-qatynasty jan­dandyra túsý máselesi sóz boldy. Májiliste dostyq toby bar. Ol toptyń maqsaty – eki eldiń baılanysy damýyna yqpal etý jáne zań shyǵarý organynyń tá­jirıbesimen almasý. Latvııa Par­lamentiniń depýtattary Qazaq­stan­da ótken halyqaralyq kon­fe­rensııalarǵa qatysyp keledi. Májilis Tóraǵasy Qazaqstan táýelsizdiginiń 20 jyldyǵyna daı­yndyǵy týraly jáne osy mejeniń halqymyz ben memleketimiz úshin mańyzdylyǵyn aıtty. Elimizdegi júzege asyp jatqan Údemeli ındýstrııalyq-ınnova­sııa­lyq damý baǵdarlamasy jó­ninde sóz qozǵady. О́z kezeginde elshi basty qyzmeti Qazaqstan men Latvııa arasyndaǵy ekonomıkalyq ynty­maq­tastyqty jaqsarta túsýge úles qosý ekenin aıtty. Qos memleketke de tıimdi ınvestısııalyq baǵdarlamalardyń júzege asýyna yqpal etýge yntaly ekenin bildirdi. Saıası-mádenı baılanysty óristetý jaıly oı-pikirlerin ortaǵa saldy. Taraptar yntymaqtastyq aıa­syn keńeıte túsýge yqpal etetin quqyqtyq bazany nyǵaıtý máse­lelerin sóz etti. Osy oraıda eki el arasyndaǵy kelisim-sharttar­dyń zań túrinde bekitilýine daı­yndyq jumysyn jasaý qajet­tiligi atap kórsetildi. Májilis Tóraǵasy Latvııa eliniń órkendeýine jáne turaqty damýyna tilektestigin bildirdi. Kezdesý sońynda elshi Máji­lis Tóraǵasyna latvııalyq árip­tesiniń óz eline arnaıy shaqy­rýyn tabys etti.