Mańyzdy baǵdarlamalar partııa baqylaýynda

«Nur Otan» HDP aımaq­tar­daǵy jumysqa súıene otyryp, eli­mizdiń barlyq oblystaryn­daǵy Údemeli ındýstrııalyq-ın­novasııalyq damý baǵdarlamasy, «Jol kartasy», «Aqbulaq» sııaq­ty eń mańyzdy memlekettik baǵ­darlamalar men jobalardyń iske asyrylýyn aıryqsha qadaǵa­laý­da. Jumystyń eń tıimdi for­ma­lary men ádisterin anyqtaý maq­satynda nurotandyqtar baǵ­dar­lamalardy júzege asyrýdyń ózekti máselelerin turaqty túrde talqylap otyrady. Almaty oblysy nurotandyq­ta­­ry­nyń kezekti kezdesýi Taldy­qor­ǵan qalasynda ótti. Aımaq­tyń partııa belsendilerimen «Nur Otan» partııasy Tóraǵa­sy­nyń birinshi orynbasary Nurlan Nyǵmatýlın kezdesti. Tek bıylǵy jyly Almaty oblysynda údemeli ındýstrııa­lyq-ınnovasııalyq baǵdarlama boı­ynsha 5 joba iske asyrylyp jatyr. Olardyń ishinde: Hyundai Motors júk avtokólikterin shy­ǵa­rý­men aınalysatyn kásiporyn, beton ónimderin shyǵaratyn «Iýr-ınvest» zaýyty, sharshy pishindi jáne búgilgen qubyrlardy shyǵaratyn zaýyt jáne taǵy bas­qalary. Árbir nysannyń qury­ly­sy «Nur Otan» partııasynyń jiti qadaǵalaýynda. Salynyp jatqan nysandar­dyń birin aralaǵan kezde Nurlan Nyǵmatýlın: «Memlekettik ın­dýs­trııalyq baǵdarlama boıynsha búgingi kúnniń ózinde 152 joba iske asyryldy, bıyl da taǵy 192 joba iske qosylady. Olardyń ishinde – búkil álemge tanymal «Ba­tys Eýropa  – Batys Qytaı» ha­lyqaralyq tranzıttik joly, «Beıneý – Shymkent» gaz quby­ry, metallýrgııalyq, gazdy jáne hımııalyq óndirister sııaqty iri jobalar bar. Osynyń barlyǵy – Elbasymyz, partııamyzdyń Tór­aǵa­sy Nursultan Ábishuly Na­zar­baevtyń ekonomıkany damy­tý­ǵa jáne halyqtyń jaǵdaıyn jaqsartýǵa baǵyttalǵan saıasaty­nyń nátıjesi. Al «Nur Otan» par­tııasy Prezıdentimizdiń par­tııa­sy retinde osy jobalardyń barlyǵyn iske qosý jumystaryn qatań baqylaýǵa aldy», – dep atap ótti. Áleýmettik nysandardyń jú­zege asyrylýy máselesi de basty nazarda. 64 jas otbasy osy jyldyń sońynda qoldanysqa beriletin jańa 5 qabatty úıdegi pá­terge ıe bolady. Turǵyn úı ke­sheniniń basty ereksheligi onda 60 oryndyq balabaqsha salý da kóz­delgen. Tennıs oıynyna qu­mar jandar Taldyqorǵan qala­syn­da salynyp jatqan jańa tennıs alańyn da synap kóre alady. Bul nysandy da osy jyldyń aıa­ǵy­n­da berý josparlanǵan. Nurlan Nyǵmatýlın osy obektilerdiń barlyǵyn aralap shyqty. Partııa aktıvimen kezdesý ba­rysynda keń aýqymdy máseleler jıyntyǵy talqylandy. Memlekettik baǵdarlamalardy par­tııa­lyq baqylaý taqyrybyna aıryq­sha nazar aýdaryldy. Sóz al­ǵan­dar partııalyq baqylaý beket­te­ri­niń mańyzdylyǵyn aıta kele, sonymen qatar, partııanyń aı­maq­tardaǵy jumysyn nyǵaıtý boıynsha naqty usynystar engizdi. «Egemen-aqparat».