Qazaqstan Respýblıkasy Bilim jáne ǵylym mınıstrliginiń buıryǵy № 120

2011 jylǵy 31 naýryz               № 120            Astana qalasy Joǵary jáne joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrý týraly nusqaýlyqty bekitý týraly Qazaqstan Respýblıkasy Úkimetiniń 2011 jylǵy 11 aqpandaǵy № 130 qaýlysymen bekitilgen Qazaqstan Respýblıkasynda bilim berýdi damytýdyń 2011-2020 jyldarǵa arnalǵan memlekettik baǵdarlamasyn iske asyrý jónindegi 2011-2015 jyldarǵa arnalǵan is-sharalar josparynyń 28-tarmaǵyna sáıkes buıyramyn: 1. Qosa berilip otyrǵan Joǵary jáne joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrý týraly nusqaýlyq bekitilsin. 2. Joǵary jáne joǵary oqý ornynan keıingi bilim departamenti (S.M.О́mirbaev): 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin qamtamasyz etsin; 2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn. 3. Osy buıryqtyń oryndalýyn baqylaý vıse-mınıstr M.K.Orynhanovqa júktelsin. 4. Osy buıryq alǵash ret resmı jarııalanǵannan keıin qoldanysqa engiziledi. Mınıstr         B.JUMAǴULOV. Qazaqstan Respýblıkasy  Bilim jáne ǵylym mınıstriniń 2011 jylǵy 31 naýryzdaǵy  № 120 buıryǵymen bekitilgen Joǵary jáne joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrý týraly nusqaýlyq 1. Jalpy erejeler 1. Osy Nusqaýlyq (budan ári – Nus­qaýlyq) «Bilim týraly» Qazaqstan Res­pýblıkasynyń Zańyna jáne bilim berý sala­syndaǵy basqa da normatıvtik quqyq­tyq aktilerge sáıkes ázirlengen. Nusqaýlyq joǵary oqý oryndarynyń arasynda olardyń beıinine, kadrlyq áleýe­tine, materıaldyq-tehnıkalyq bazasyna, aq­parattyq resýrstaryna sáıkes, sondaı-aq olardyń ǵylymı-bilim berý qyzmetiniń ult­tyq jáne halyqaralyq tanylý kórset­kish­terin eskere otyryp, respýblıkalyq bıýdjetten qarjylandyrylatyn joǵary jáne joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysyn konkýrstyq negizde ornalastyrý tártibin retteıdi. 2. Osy Nusqaýlyqta mynadaı anyq­tamalar paıdalanylady: 1) joo – bilim berý salasyndaǵy ýákiletti organ bilim berý granty túrinde jo­ǵary bilimi bar kadrlardy daıarlaýǵa ar­nal­ǵan memlekettik bilim berý tapsyrysyn ornalastyratyn joǵary oqý orny; 2) bazalyq joǵary oqý orny – bilim berý salasyndaǵy ýákiletti organ magıstrler men fılosofııa doktorlaryn (PhD)/beıini boıynsha doktorlardy maqsatty daıarlaý úshin memlekettik bilim berý tapsy­rysyn ornalastyratyn joǵary oqý orny. 3. Joǵary bilimi bar kadrlardy daıar­laýǵa arnalǵan memlekettik bilim berý tap­sy­rysy joǵary oqý oryndarynda ornalas­tyrylady, olardyń tizbesin eldiń ındýs­trıaldyq-ınnovasııalyq damýynyń, sala­lyq jáne óńirlik kadrlar qajettiliginiń basymdyqtaryna sáıkes bakalavrıat ma­mandyǵy boıynsha jyl saıyn konkýrstyq negizde bilim berý salasyndaǵy ýákiletti organ anyqtaıdy. 4. Joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysy bazalyq joǵa­ry oqý oryndarynda ornalastyrylady, olar­dyń tizbesin ǵylym men eldiń ındýs­trıal­dyq-ınnovasııalyq damýynyń, sala­lyq jáne óńirlik kadrlarǵa qajettiliginiń basymdyqta­ryna sáıkes, sondaı-aq joǵary oqý orynda­ry men ǵylymı uıymdardyń kadrlardy maqsatty daıarlaýǵa arnalǵan ótinimderin eskere otyryp, magıstratýra men doktorantý­ranyń árbir mamandyǵy boıynsha jyl saıyn konkýrstyq negizde bilim berý sala­syn­daǵy ýákiletti organ anyqtaıdy. 2. Konkýrsty uıymdastyrý jáne ótkizý 5. Bilim berý salasyndaǵy ýákiletti organ jyl saıyn joǵary oqý orynda­rynyń arasynda joǵary jáne joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalastyrýǵa konkýrs (budan ári – Konkýrs) jarııalaıdy. Konkýrs ótkizý týraly sheshim, Kon­kýrs­tyq qujattamalar tizbesi, Konkýrstyq qujattamalardy usyný jáne qaraý tártibi Qazaqstan Respýblıkasy Bilim jáne ǵylym mınıstriniń (budan ári – Mınıstr) nemese onyń mindetin atqarýshynyń buıryǵymen resimdeledi. 6. Konkýrs ótkizý týraly habarlan­dyrý bilim berý salasyndaǵy ýákiletti or­gannyń ınternet-resýrstarynda jarııala­nady. 7. Konkýrs ótkizý úshin quramy Mı­nıstrdiń nemese onyń mindetin atqarýshy­nyń buıryǵymen bekitiletin joǵary jáne joǵary oqý ornynan keıingi bilimi bar kadr­lardy daıarlaýǵa arnalǵan memlekettik bilim berý tapsyrysyn ornalastyrý jónindegi komıssııa (budan ári – Komıssııa) qurylady. Komıssııa tóraǵasy Mınıstr bolyp tabylady. Komıssııa bilim berý salasyn­daǵy ýákiletti organnyń, basqa da múddeli memlekettik organdar men vedomstvolar­dyń, qoǵamdyq uıymdardyń qyzmetkerile­rinen qurylady. 8. Komıssııa otyrysy onyń tóraǵasy bekitken jospar boıynsha ótkiziledi jáne eger onyń músheleriniń jalpy sanynyń 2/3-inen astamy qatyssa, zańdy dep esepteledi. 9. Komıssııa sheshimderi otyrysqa qa­tysýshy Komıssııa músheleriniń qara­paıym kópshiliginiń ashyq daýys berýi arqyly qabyldanady jáne ol tóraǵa qol qoıatyn hat­tamamen resimdeledi. Komıssııa quramy­nyń daýsy teń bolǵan jaǵdaıda Komıssııa tór­aǵasynyń daýsy sheshýshi bolyp sanalady. 10. Konkýrstyq ótinimge enetin qu­jat­tarǵa uıymnyń birinshi basshysynyń qo­ly qoıylyp, eltańbaly mórmen rasta­lýy jáne konkýrsty ótkizý týraly habar­lan­dyrýda kórsetilgen tártipte usynylýy qajet. 11. Konkýrstyq ótinimdi bilim berý salasyndaǵy ýákiletti organ konkýrs ótkizý týraly habarlandyrýda kórsetilgen saǵat pen kúnnen keshiktirmeı qabyldaýy tıis. Konkýrstyq ótinim berý merzimi aıaqtal­ǵan­nan keıin túsken konkýrstyq ótinim keshigý sebepterine qaramastan qaralmaıdy. Kon­kýrstyq ótinimderdi berý merzimi aıaqtal­ǵannan keıin olarǵa qandaı da bir ózgerister engizýge ruqsat etilmeıdi. 12. Komıssııa konkýrstyq ótinimderdi ótinim berilgen kúnnen bastap 30 kúntiz­belik kún ishinde qarastyrady, olardyń konkýrstyq qujattamalar talaptaryna sáı­­kestigi deńgeıin anyqtaıdy jáne olardy baǵalaýdy júrgizedi. 13. Joǵary bilimi bar kadrlardy daıar­laýǵa arnalǵan memlekettik bilim berý tapsyrysyn ornalastyrý úshin joǵary oqý oryndaryn anyqtaý kezinde Komıssııa my­nadaı negizgi ólshemderdi basshylyqqa al­ady: 1) bilim berý prosesin kadrlyq jáne materıaldyq-tehnıkalyq qamtamasyz etýi jáne pedagogıkalyq qyzmetkeriniń biliktilik deńgeıi; 2) oqý, oqý-ádistemelik ádebıettermen jáne basqa da aqparattyq resýrstarmen qamtamasyz etilýi; 3) ǵylymı áleýeti men júrgizgen ǵylymı zertteýleriniń deńgeıi; 4) bilim alýshylardy jataqhanamen, qoǵamdyq tamaqtandyrý jáne medısına­lyq qyzmet kórsetýmen qamtamasyz etý múmkindigi; 5) mamandyqtar bólinisinde joǵary bilim berý baǵdarlamalary boıynsha bilim berý qyzmetin júrgizý quqyǵyna beriletin lısenzııanyń bolýy; 6) bitirýshiniń jumyspen qamtylýy jáne qajettiligi; 7) ınnovasııalyq bilim berý tehnolo­gııalaryn engizýi. 14. Joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalas­tyrý úshin bazalyq joǵary oqý oryndaryn anyqtaý kezinde Komıssııa mynadaı negizgi ólshemderdi basshylyqqa alady: 1) JOO-nyń professorlyq-oqytý­shy­lyq quramynan nóldik emes ımpakt-faktory bar sheteldik ǵylymı basylym­darda ǵylymı jarııalanymdary, sondaı-aq bas­qa elderdiń ǵalymdarymen belsendi ha­lyq­aralyq yntymaqtastyq ornatýda tá­jirıbesi, ǵylym doktory/fılosofııa dok­to­ry (Phd)/beıini boıynsha doktor/ǵylym kandıdaty ǵylymı dárejeleri bar ǵylymı jetekshiniń bolýy; 2) sheteldik áriptes JOO-larmen (ǵy­lymı uıymdarmen) birlesip, ǵylymı-bilim berý jobalaryn ázirleý; 3) birlesken ǵylymı jobalardy oryn­daý jáne zertteý bazasyn usyný tý­raly akkredıttelgen áriptes ǵylymı uıym­darmen jasalǵan sharttardyń bolýy; 4) mamandyqtar bólinisinde joǵary oqý ornynan keıingi bilim berý baǵdar­lama­lary boıynsha bilim berý qyzmetin júrgizý quqyǵyna beriletin lısenzııanyń bolýy; 5) ǵylymı-bilim berý prosesin kadr­lyq jáne materıaldyq-tehnıkalyq qamta­ma­syz etý; 6) álemdik ǵylymı jáne bilim berý resýrstaryna qol jetkizý; 7) akkredıttelgen bilim berý baǵdar­lamalarynyń bolýy; 8) ınnovasııalyq tehnologııalardy engizý; 9) joǵary oqý oryndarynyń halyq­aralyq jáne ulttyq reıtıngilerine qatysý; 10) granttyq jáne baǵdarlamalyq-maq­satty qarjylandyrý negizinde irgeli jáne qoldanbaly zertteýler boıynsha ǵy­lymı jáne ǵylymı-tehnıkalyq baǵdar­lamalar men jobalardy oryndaý: 11) halyqaralyq bilim berý jáne ǵylymı jobalarǵa qatysý; 12) bilim alýshylardy jataqhanamen, qoǵamdyq tamaqtandyrý jáne medısına­lyq qyzmet kórsetýmen qamtamasyz etý múmkindigi. 15. Konkýrs joǵary jáne joǵary oqý ornynan keıingi mamandyqtar boıynsha bólek ótkiziledi. 16. Komıssııa baǵalaý negizinde jáne konkýrstyq ótinimdi salystyra kele tizbe boıynsha sheshim qabyldaıdy: 1) konkýrs sharttary boıynsha jo­ǵary bilimi bar kadrlardy daıarlaýǵa ar­nalǵan memlekettik bilim berý tapsyrysyn ornalastyratyn joǵary oqý oryndary; 2) konkýrs sharttary boıynsha maman­dyqtar bólinisinde kólemi kórsetile oty­ryp, joǵary bilimi bar pedagog kadrlardy daıarlaýǵa arnalǵan memlekettik bilim berý tapsyrysy ornalastyrylatyn pedagogı­kalyq joǵary oqý oryndary; 3) konkýrs sharttary boıynsha ma­mandyqtar bólinisinde, onyń ishinde magıstrlerdi jáne fılosofııa doktorlaryn (PhD)/beıini boıynsha doktorlardy maq­satty túrde daıarlaý úshin kólemin kórsete otyryp, joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysyn ornalas­tyratyn bazalyq joǵary oqý oryndary. 17. Joǵary bilimi bar kadrlardy daıarlaýǵa arnalǵan memlekettik bilim berý tapsyrysy ornalastyrylatyn joǵary oqý oryndarynyń tizbeleri Mınıstrdiń nemese onyń mindetin atqarýshynyń buıryǵymen bekitiledi jáne talapkerlerden qujattar qabyldaý bastalǵanǵa deıin bilim berý salasyndaǵy ýákiletti organnyń ınternet-resýrstarynda saıtynda jarııalanady. 18. Mamandyq bólinisinde, onyń ishinde magıstrlerdi jáne fılosofııa doktor­laryn (PhD)/beıini boıynsha doktorlardy maqsatty túrde daıarlaý úshin kólemin kórsete otyryp, joǵary oqý ornynan keıingi bilimi bar mamandardy daıarlaýǵa ar­nal­ǵan memlekettik bilim berý tapsyrysy ornalastyrylatyn bazalyq joǵary oqý oryndarynyń tizbesi Mınıstrdiń nemese onyń mindetin atqarýshynyń buıryǵymen bekitiledi jáne tıisti joǵary oqý ornyna qujattar qabyldaý bastalǵanǵa deıin bilim berý salasyndaǵy ýákiletti organnyń ınternet-resýrstarynda jarııalanady. 19. Osy Nusqaýlyqtaǵy reglamenttelmegen máselelerdi Komıssııa derbes túrde sheshedi. Buıryq Qazaqstan Respýblıkasynyń Ádilet mınıstrliginde 2011 jylǵy 3 mamyrda Normatıvtik quqyqtyq kesimderdi memlekettik tirkeýdiń tizilimine №6935 bolyp engizildi.