Uıymǵa múshe memleketter parlamentshileri kezdesti

Máskeý qalasynda Ujym­dyq qaýipsizdik týraly shart uıymyna (UQShU) múshe memleketter parlamentteriniń qor­ǵa­nys jáne qaýipsizdik jónin­degi komıtetteri tóraǵalary­nyń kezdesýi bolyp ótti.  Bul basqosýdy Reseı Federasııasy Federaldyq Jınalysy Memlekettik Dýmasynyń Qaýipsizdik komıteti uıymdastyrdy, dep habarlady QR Parlamenti Má­jilisiniń baspasóz qyzmeti. Atalǵan sharaǵa Qazaqstan Respýblıkasy Parlamenti Má­ji­lisiniń Halyqaralyq ister, qorǵanys jáne qaýipsizdik ko­mı­tetiniń tóraǵasy Á.­Jol­shy­bekov qatysty. Kezdesý barysynda UQShU Bas hatshysy N.Bordıýjanyń «Álemdegi jaǵdaıdyń órbý úr­disteri, UQShU-nyń damý ba­ǵyt­tary jáne uıymnyń parlamenttik bóliginiń rólin ny­ǵaı­tý» týraly baıandamasy tyń­dal­dy. Sonymen qatar, otyrys­ta Memlekettik Dýmanyń Qaý­ip­sizdik komıtetiniń tóraǵasy jáne UQShU Parlamenttik As­sambleıasynyń Qorǵanys jáne qaýipsizdik jónindegi Turaqty ko­mıssııasynyń tóraǵasy V.Va­sılev, Reseı Federasııasy Pre­zıdentiniń halyqaralyq ynty­maq­tastyq boıynsha lańkes­tik­pen jáne transulttyq uıym­das­qan qylmyspen kúres jó­nin­degi arnaıy ókili A.­Sa­fo­nov baıandama jasady. Talqylaý barysynda Qazaq­stan Parlamenti Májilisiniń Halyqaralyq ister, qorǵanys jáne qaýipsizdik komıtetiniń tór­aǵasy kezdesýge qatysýshy­lar­dy UQShU aıasyndaǵy Qa­zaqstan Respýblıkasy tarapy­nan atqarylyp jatqan is-sha­ra­larmen tanystyra kelip, UQShU-nyń parlamenttik quram­das bóligi – Parlamenttik Assambleıa jumysyn jetildirý týraly pikirin bildirdi.