Nysan emes, adam óltirýdi kózdepti

BUU Qaýipsizdik keńesiniń Lıvııa boıynsha qarary el basshysy Mýammar Kaddafıdiń ózine tikeleı soqqy jasaýǵa ruqsat bergen kórinedi. Bul jóninde NATO-nyń aty-jónin aıtýdan jaltarǵan joǵary shendi ókili málimdegen. Bul osy maǵynadaǵy NATO ókiliniń alǵashqy málimdemesi bolyp tabylady. Buǵan deıin Lıvııadaǵy áskerı operasııalarǵa qatysýshylar ózderiniń maqsattary naqty adamdar emes, tek áskerı nysandar dep kelgen bolatyn. Osy aralyqta Lıvııa jónindegi baılanys tobyna múshe 22 memleket Kaddafı taǵynan taıdyrylǵan jaǵdaıda oppozısııanyń qandaı is-qımyl jospary bar ekenin bilý maqsatynda qujat jobasyn talap etti. Al olarda naqty jospar joq sekildi. ÁSKERILER BÚLIKShILER QALASYNA BETTEDI Sırııa armııasynyń bólimsheleri Djısr ál-Shýgýr qalasy men onyń tóńiregindegi aýdandarda qaýipsizdikti qalpyna keltirý operasııalaryn bastap ketti. Bul mańda, bıliktegilerdiń dereginshe, osyǵan deıin búlikshiler 120 polısııany óltirgen eken. Eldegi dúrbeleńniń saldarynan, ásirese, beıbit turǵyndar kóp zardap shegýde. Kórshiles túrik jerine baryp, bas saýǵalaǵysy keletinder qatary kúnnen-kúnge kóbeıip keledi. Olarǵa Túrkııa basshylyǵy shekarasyn ashyp, ýaqytsha ornalasatyn beketter uıymdastyrýda. Qazirdiń ózinde túrik aýmaǵyna 2 myńnan astam bosqyn atbasyn tirep úlgergenge uqsaıdy. ITALIIа ELShISIN KERI ShAQYRYP ALDY Italııa basshylyǵy Brazılııadaǵy óziniń elshisin keńesý úshin otanyna shaqyryp aldy. Buǵan Brazılııanyń Rımge revolıýsıoner, syrttaı ómir-baqı túrmede otyrýǵa kesilgen Chezare Battıstıdi qaıtarýdan bas tartýy sebep boldy. Brazılııa basshylyǵy Battıstıdi keri qaıtarmaq túgili, ótken beısenbi kúni tipti ony túrmeden bosatyp jibergen. Bul sheshim Rım tarapynan úlken synǵa ushyrady. Máselen, Italııa premer-mınıstri Sılvıo Berlýskonı óziniń ókinishin bildirip, Gaagaǵa shaǵymdanatynyn málimdedi. Battıstı Brazılııaǵa 2002 jyly qashyp úlgerse, 2007 jyly Italııa basshylyǵynyń ótinishi boıynsha qamaýǵa alynǵan-tyn. STANSANYŃ AQYSYN KО́TERÝ NIETINDE Ázirbaıjan Reseıden Gabalın radıolokasııalyq stansasynyń qyz­metin paıdalanǵany úshin jal aqysyn kóterý nıeti bar ekenin bildirip otyr. «Reseılikter jalǵa alý merzimin uzartýdy qalaıdy. Biz bul áriptestikti oń sheshýge daıynbyz», dep málimdegen Ázirbaıjan syrtqy ister mı­nıstri­niń orynbasary Araz Azımov. Biraq, deıdi ol, jalǵa berý sharty qaıta qaralýy tıis. Reseı jaǵy jal aqysyn kóbirek tóleýi kerek. Reseıdiń atalǵan stansany padalaný týraly kelisimi 2012 jyldyń jeltoqsan aıynda kúshin joıady. Máskeý búginde jylyna 14 mıllıon dollar aqy tólep otyr. Reseıdiń Ázirbaıjandaǵy elshisi D.Dorohınniń aıtýynsha, Gabalın RLS-i 1980 jyldardyń ortasynan beri Úndi muhıty basseınindegi ballıstıkalyq zymyrandardy baqylaıdy. ShINDLER TIZIMIN JASAÝShY KО́Z JUMDY Germanııanyń ońtústigindegi Aýgsbýrg qalasynda 91 jasynda ataqty Shındler tizimin túzýshi Mıtek (Mechıslav)  Pemper qaıtys boldy. Osy tizimge engizilgen konslagerlerdegi birqatar evreı ekinshi dúnıejúzilik soǵys kezinde ajaldan arashalap alynǵan bolatyn. Pemper 1920 jyly Polshanyń Krakov qalasynda evreı otbasynda dúnıege kelgen. Polsha basyp alynǵannan keıin ol óıtip-búıtip konslagerde komendanttyń mashı­nıst-kómekshisi bolyp jumys isteýge qol jetkizedi. Nemis azamaty, antıfashıst Oskar Shındlermen de osynda tanysyp, 1200 tutqynnyń tizimin túzedi.  Pemper soǵys jyldarynda túrli aıla-sharǵylarmen, tipti para berý arqyly da, tutqyndardy qutqaryp qalýmen aınalysqan.   HALYQARALYQ UIYMNYŃ О́KILDIGIN JOIDY О́zbekstannyń joǵarǵy soty Hu­man Rights Watch dep atalatyn halyq­aralyq quqyq qorǵaý uıymynyń ókildigin joıý týraly talapty qa­na­ǵattandyrdy. Mundaı talappen О́z­bek­stannyń ádilet mınstrligi shyqqan bolatyn. Tájirıbe júzinde atalǵan uıym О́zbekstandaǵy óz qyzmetin qaıta jańǵyrta alady. Biraq, bul úshin oǵan tirkeýge ótinish berý, ofıs ornalasatyn oryn tabý sııaqty máselelerdi qosa eseptegende, osyndaı prosedýralardyń bárinen qaıtadan ótý qajet. О́zbek bıliginiń buǵan endi jol bermeıtini aıtpasa da túsinikti. Jalpy, atalǵan uıymnyń О́zbekstandaǵy qyzmeti is júzinde 2007 jyly-aq tosqaýylǵa ushyraǵan bolatyn. QYSQA QAIYRYP AITQANDA: Eýroparlament depýtattary Rýmynııa men Bolgarııany Shengen aımaǵyna qabyldaýǵa sheshim qabyldaǵanymen, EO elderiniń mınıstrleri atalǵan eki eldiń ázirshe daıyn emes ekendikterin kóldeneń tartyp, sheshimdi shegere turý týraly qaýly aldy. Qyrǵyzstan parlamenti Bishkekte NATO-nyń baılanys ofıseri ofısin ornalastyrý týraly NATO-men aradaǵy kelisimdi ratıfı­ka­sııa­lady. Bul ofıs buǵan deıin  Qazaqstanda oryn tepken edi. Ony Bish­kekke aýystyrý týraly usynysty Alıanstyń halyqaralyq hat­shylyǵy usynǵan bolatyn. Tashkentte О́zbekstan jazýshylar odaǵynyń múshesi, «Inson va hý­kýk» (Adam jáne zań) gazetiniń qyzmetkeri Shýkýr Sodık qamaýǵa alyn­dy. Oǵan laýazym ıesine  para berdi degen aıyp taǵylǵan kórinedi. Qu­qyq qorǵaýshylar bolsa, oǵan taǵylǵan aıyp qoldan jasalǵan dep otyr. Kamchatka ólkesiniń gýbernatory V.Ilıýhın Petropavlovsk-Kamchatsk aýdanynda jumys isteıtin eńbek mıgranttary – gastarbaıterler úshin jeke kent turǵyzylatynyn málimdedi. Bul, deıdi ol, kelýshiler tarapynan jasalatyn qylmys deńgeıin tómendetýge múmkindik beredi. Internet materıaldary negizinde ázirlendi.